ISAI 58:9 - Pathien Lekhabu Inthieng (BSI)

⁹ Chu pha chun ko i ta, chuong- chun, LALPA chun dawn a tih; hang ko i ta, chuongchun, ama chun, ‘Hitaka hin ka um,’ tîng a tih. Nangni laia inthawka rîngkawl dâm, kut- chala mi khîk dâm, suoltaka ṭawng- hai hi i sukbo a,

ISAI 58:9 ပူးပေါင်းရင်းမြစ်များ

INṬANNA 27:18

Chun, ama chu a pa kuomah a feh a, “Pa,” a tih a; ama chun, “Hitaka hi ka um, ka naupa a tu lem am i nih a?” a tih a.

JOB LEKHABU (THE BOOK OF JOB) 22:27

I ṭawngṭaina chu ama kuomah siem i ta, ama chun dawn a ti che; Chun, thutiemhai chu ama pe tâng i tih.

INPÂKNA HLABU 118:5

Ka lunginzîngnaa inthawkin, LALPA chu ka ko a, LALPA chun a mi dawn a, hmun inthâwl takah a mîn umtir tah a.

INPÂKNA HLABU 12:2

Mi tin chun an vênghai kuomah thu teplo mei mei an hril hlak sih a; Mi inpâk tehlêmna hmûr le, hlêmna lungril putin thu an hril hlak a;

INPÂKNA HLABU 145:18

LALPA chun ama kotuhai po po chu a hnai hlak a, Titakzeta ama kotu po pohai chu.

INPÂKNA HLABU 20:6

LALPAIN a hrieknâl hi a sandam ti tuhin ka hriet tah a, A kut changtieng sandamna thain, A vân inthienga inthawk khin ama la dawn a tih.

INPÂKNA HLABU 37:4

LALPA chunga chun lâwm bawk la, Chuongchun, i lungril dit zâwnghai chu pêng a ti che.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a tih a.

INPÂKNA HLABU 91:15

A mi ko pha chun, dawn ka ta, A lunginzîng lai chun a kuomah um ka ta, Ama chu sanhimin chawimawi ka tih.

THUVARHAI 6:13

A mithai a sêp a, a kehaiin thu a hril a, A kuthaiin inchiknahai ân chûktir a.

ISAI 1:15

Chuongchun, in kut in phar pha khawm in tienga chun ka hmai hip tâng ka ta, anih, vawi tamtak in ṭawngṭai hnung khawmin ngai ta naw ningah; in kuthai chu thisenin a sip sih a.

ISAI 30:19

Mihai chu Jerusalema Ziona chun an um ding a ni sih a; ṭap nâwk ta naw ti niu a, in khêk ria chun ama chun lunginsiet ngei ngei a ti cheu a, a hriet phingleh dawn a ti cheu.

ISAI 55:6

Hmu awla a um lai hin LALPA chu zawng unla, a hnâi lai hin ko ro;

ISAI 57:4

Tu am nuiza siemna dingin in hmang hlak a? Tu am in hner in phen khum a, in lei in thlâk khum hlak a? Bawsietna nau, khêlinhlipna thlahai ni lo am in nih?

ISAI 58:6

“Hi hi ni lo am a ni bungheina ka idit zâwng chu? Rîtlonaa khuop sût- pêk le, rîngkawl hruihai sûtpêk le, nêksâwra umhai insuoktir le, rîng- kawl tinrêng suktliekpêk hi.

ISAI 59:1

Ngai ta u, LALPA kut chu san- dam theilo dingin suktawiin a um nawh a, a na chu hre theilo dingin, a sêt bawk nawh:

ISAI 59:13

kan bawsiet dâm, LALPA kan inphatsan dâm, kan Pathien zui pei loa kan nghatsan dâm, nêksâwr thu le hel thu kan hril dâm, khêl thu kan vawng a, lungrila inthawka kan hril suok hlak hi.

ISAI 65:24

Chun, hieng hi hung nîng a ta, annin an mi ko hma khawmin dawn ka ta; thu an la hril lai zing khawmin ka nain hrieng ka tih.

ṬAP HLA 3:57

Nang ka hung ko ni chea chun i hung hnai a; “Ṭi naw rawh,” i ta.

EZEKIEL 13:8

Chuleiin, Lalpa PATHIEN chun hieng hin a tih: “Teplo mei mei in hril a, khêlhai chu in hmu leiin, ngai ta u, nangni chu ka dodâl cheu a nih. Lalpa PATHIEN chun a tih.

DANIEL 9:20

Chun, ṭawngṭaia, ka suolna le ka mi Israelhai suolna chu thupha- chawia, ka Pathien tlâng inthieng ta dinga ka Pathien LALPA hmaa ka hninahai kân tluna, ka ṭawng lai zing chun,

LEVI DÂN 6:5

khêla ṭawng a înkhâmna thil ieng khawm chu a thung nâwk ding a nih; a kim charin thung nâwk vawng a ta, a hmun ngaa ṭheha hmun khat chu a chuongin bel a tih; bâwsiet inthâwina ân hlân ni chun a neitu chu a pêk nâwk ding a nih.

ZEKARIA 10:2

Milim chun teplo mei mei a hril a, a lo dawngtuhai khawm chun khêl thu chu an hmu sih a; manga mang- tuhai khawm chun khêl mei mei an mang a, a thlâwn elin an insukthla- muong a nih; chuleiin, berâm angin anni lampui chu an hrawh a, sukrimsikin an um hlak, berâmpu a um naw leiin.

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni ang- in fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘LALPA chu ka Pathien a nih,’ mi tîng an tih,” a ta.