ISAI 58:4 - Pathien Lekhabu Inthieng (BSI)

⁴ Ngai ta u, innghirnghona le in- sêlna ding el, rîtlona kuttuma inchum dingin a nih, bu in nghei hlak chu: in râwl hi chungtienga inhriettir tlâk zâwngin chu ni chun bu in nghei ngai nawh.

ISAI 58:4 ပူးပေါင်းရင်းမြစ်များ

THUVARHAI 21:27

Mi khawlo inthawina chu tirdakum a na, Lungril suola a hung lâk pha lem chun a va ni nasa âwm de!

ISAI 1:15

Chuongchun, in kut in phar pha khawm in tienga chun ka hmai hip tâng ka ta, anih, vawi tamtak in ṭawngṭai hnung khawmin ngai ta naw ningah; in kuthai chu thisenin a sip sih a.

ISAI 3:14

LALPA chun a mihai upahai chunga le, an mi lienhai chunga chun ro rêl a tih. LALPA Sipaihai LALPA chun, “Nangni rawi hi in nih, grêp huon fa zotuhai chu;

ISAI 3:15

mi rimsihai kuoma inthawka sum lâk chu in inah a nih a um chu; iengtiziea ka mihai chu in namsâwr a, rimsihai hmai chu in râwtnawi am a ni leh?” a ta.

ISAI 59:2

in khawhlona chu nangni le in Pathien kâra tlain a sukṭhe lem cheu a nih, naa a hriet nuom nawna dingin in suolnahai chun a hmai chu a hlie- pêk bawk cheu a nih.

ISAI 59:6

An aium rîl puon chu silfênahai hung inchang naw nih a, an thil- thawhai chun inbel bawk naw ni hai; an thilthawhai chu khawhlona thil- thawhai a na, thil nunsetaka thawna chu an kutah a um bawk a.

JOEL 2:12

LALPA chun, “Chuong sa khawmin tuhin in lungril po poin, bu ngheiin, ṭapin, lungngaiin keia tieng hung ngha unla;

JONA 3:7

Laltak le a mi lienhai thupêkin laltak chun Ninevi khaw sûnga chun thu a puongin ân suo tah a, “Mihriem amanih, ran amanih, bâwng ruol amanih, berâm ruol amani khawm chun iengkhawm intem naw raw se; fain tui khawm dâwn naw raw se;

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk sih a; nangni hlak in lût si nawh a, mi a lût dinghai khawm in inlûttir phal ngai si nawh a.

LUKA 20:47

hmeithai sum an fâk a, tlâng hlêmna dingin sâwt tak an ṭawngṭai hlak; chuonghai chun thiemnaw chang nasa zuol an tih,” a ta.

JOHAN 18:28

Chun, Isu chu Kaiapha ina inthawk chun lal inah an ṭhuoi nâwk a. Zingkâr a na; chun anni chu lal inah an lût nawh, chuong naw chun, inthieng naw nîng an ta, Fekân Ruoiṭhe fa thei naw ni hai.