ISAI 57:18 - Pathien Lekhabu Inthieng (BSI)

¹⁸ A um dânhai chu ka hmuh a, ama chu sukdam ka tih; ṭhuoi bawk ka ta, ama le a sûnpuituhai kuomah lungmuongnahai pe nâwk ka tih.

ISAI 57:18 ပူးပေါင်းရင်းမြစ်များ

INPÂKNA HLABU 23:2

Ama chun hlohna hring dup hmunah a mîn bawktir hlak a, Châwlna tui pangahai a mi ṭhuoi hlak.

INPÂKNA HLABU 51:12

I mi sandam hlimna chu mi pe nâwk la, Tiawina thlarauin mi chel zing la;

INPÂKNA HLABU 94:19

Ka lungrila ngaituo tamtak ka nei lai chun, I thlamuonna chun ka hringna hi a sukthafân hlak.

THUHRILTU 9:4

Mi hring rama la um ta ding chun beiseina a um a; sakeibaknei thi nêk chun ui hring chu a ṭha lem.

ISAI 1:18

LALPA chun, “Hung ta u, ngaituo tlâng ei tiu! In suolhai chu sen inlâr angin um ta sienla khawm, vûr angin vâr a tih; sen duk angin sen ta sienla khawm, berâm hmul angin um a tih.

ISAI 12:1

Chu nia chun hieng ang hin la hril i tih, “Aw LALPA, lâwm- thu hril ka ti che; ka chungah lo lunginsen ta la khawm, i lunginsen chu a bo tah a, nangin i mi thlamuon ta a ni hi.

ISAI 19:22

Chun, LALPA chun Aigupta mihai chu vuong a ta, sukdam bawk a tih: chuongchun, LALPA kuomah kîr nâwk an ta, ama chu anni ngên thlûk- in um a ta, anni chu sukdam a tih.

ISAI 30:18

Chuleiin, LALPA chun a lungin- siet theina ding cheuin, nghâk a ta, chuleiin, a lainat theina ding cheuin chawimawiin um a tih; LALPA chu rorêl felna Pathien a ni sih a; ama nghâktuhai po po chu an hamṭha ie.

ISAI 30:26

Chu naw khawm chu, LALPA chun a mihai silna chu a tuom a, an sâtna pawphai chu a sukdam ni chun, thla var chu nisa var tlukin um tâng a ta, nisa var chu a lêt sariin, ni sari sûng var tlukin, um tâng a tih.

ISAI 49:10

An phîngṭâmin dangchâr naw ni hai a; lumin sukrinumin nisain em bawk naw ni; anni lunginsiettu chun a ṭhuoi ding a ni sih a; tuihnâr kâwl- ahai ngei chun a ṭhuoi ding a nih.

ISAI 51:12

Kei, keima ngei hi, nangni thlamuontu cheu chu ka nih; thi ding mihriem le hlobet ang chaua siema um ding mihriem naupa ṭia,

ISAI 52:12

Inhmâwtakin in fe suok âwm si nawh a, tlânsiein fe bawk naw ti niu; LALPA chun in hma a ṭhuoi ding a ni sih a; Israelhai Pathien chu in hnung dâltu nîng a tih.

ISAI 53:5

Nisienlakhawm, ama chu ei bawsietnahai leiin inhliemin a um a, ei khawhlonahai leiin vuok thidukin a um a; ei thlamuongna dinga thu- nunna chu a chungah a tlah a, a vuokna invuolhaia sukdamin ei um tah.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti sih a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 58:11

Chun, LALPA chun ṭhuoi rawp a ti cheh a, hmun ṭâwla khawm sukkhawp a ti che a, i ruhai khawm sukhrât bawk a tih; chun, huon tuia châwm ang le, tuihnâr kang ngai lo ang ni tâng i tih.

JEREMIA 13:17

Nisienlakhawm, in ngai naw chun, in chapona lei chun ka thla chu inrûkin ṭap a tih; LALPA berâm ruol chu sala man an ni tâk leiin ka mit chu rinum titakin ṭap a ta, mitthliin luong thlâng a tih.

JEREMIA 3:22

“Hnungtawl thlahai, hung kîr ro; in hnungtawlnahai chu lo suk- dampêk ka ti cheu.” “Ngai ta, i kuoma chun kan hung ie, nang chu LALPA kan Pathien chu i ni sih a.

JEREMIA 30:17

Hrisêlna pe nâwk ka ti che a, i hliemnahai chu sukdampêk ka ti che, LALPA chun a ti sih a; ‘Zion hi a nih, tukhawma an pawisak naw chu,’ tiin, nang chu hnam ṭawphnawk an inbûk che leiin.

JEREMIA 31:3

LALPA chu hlataka inthawkin a kuomah a hung inlâr a. Kumkhaw hmangaina chun ka hmangai che a, chuleiin, lunginsietna ngilneina chun ka hîp che a.

JEREMIA 33:6

Ngai ta u, hrisêlna le sukdamna intlungtir ka ta, anni chu sukdam ka tih; chun, an kuoma chun thudik le thlamuongna tamtak chu suklang bawk ka tih.

ZEKARIA 1:13

Chun, vântirko kei mi betu chu LALPA chun thu ṭhatakhai, thu thlamuongumtakhai chun a dawn tah a.

LUKA 15:20

“Chuongchun, a tho a, a pa kuomah a fe tah a. Chuongchun, hlataka a la um laiin a pain a lo hmuh a, a lunginsiet bêk bêk a, a tlân a, a kuoh a, a fâwp ta ngâwi ngâwi a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:20

Chun, bawsietna chu ân lang nawk zuol theina dingin Dân a hung um nâwk nghâl a. Nisienlakhawm, suol a pungna poah lunginsietna chu a pung zuol pei hlak;

THUPUONGSUO 7:17

Berâmte, lalṭhungpha laia um chu an vêngtu nîng a ta, hringna tuikhurahai ṭhuoi a tih; chun, Pathienin an mita inthawk mitthli po po hrufai tâng a tih,” a ta.