ISAI 56:6 - Pathien Lekhabu Inthieng (BSI)

⁶ Ram dang mi khawm, châwlni bawse loa, inser hlakhai le, ka thuthlung pawm tlat taphawt chu, LALPA rawng bâwl ding le, LALPA hming hmangai ding le, a siehlawa- hai um dinga LALPA zâwm taphawt- hai;

ISAI 56:6 ပူးပေါင်းရင်းမြစ်များ

1 LALHAI 8:41

“I mi Israelhai ni lo hnam dang mi, nangma hming leia ram hla taka inthawka hunghai chungchâng thu khawm hi;

ISAI 14:1

LALPA chun Jakob rawi chu lunginsiet a ta, Israelhai chu thlangin anni rama ngei chun a lân umtir ding a ni sih a; chun, ram dang mihai chun anni chu hung zâwm an ta, Jakob sûnghai chu chel tlat an tih.

ISAI 44:5

Mi pakhatin LALPA ta ka nih tîng a ta, mi dangin Jakob hming inbûk a ta; mi dangin a kutah, LALPA ta tiha ziekin, Israel hming chu a chi hmingah hmang a tih,” tiin.

ISAI 58:13

“Châwlni bawse lo dinga, ka ni inthienga i nuom zâwng thaw lo dinga i kepha chu în nghatkîrtir a, châwlni chu ni lâwmum le LALPA ni inthieng chu inzaum i tih a, mâni lampui hraw loa, i chawimawi chun,

ISAI 60:10

Ram dang mihai chun i kul banghai chu rem nâwk an ta, an lalhai khawma i rawng bâwl tâng an tih: ka lunginsen chun ka vuok che a, nisienlakhawm, ka ditsaknain ka lunginsiet si che a ni hi.

ISAI 61:5

Ram dang mihai chun in ran ruolhai chu ngîrin intlattir an ta, hriet ngai naw mihai chu in hnuoi inlettuahai le in grêp hrui enkawl- tuahai um an tih.

ISAI 61:6

Nangni ruok chu, “LALPA thiem- puhai,” tia inbûkin um in tih: mihaiin, “Ei Pathien rawngbâwl- tuhai,” tîng an ti cheu a; hnam tin sum fâng in ta, an ropuina chu insuong phâng in tih.

JEREMIA 50:5

Hma sawngin Zion chu râwn an ta, ‘Hung ve ro, theinghila um ta ngai lo ding chatuon thuthlung chun LALPA chu hung zawm ve ro khai,’ tîng an tih.

EZEKIEL 20:13

Amiruokchu, Israel sûngkuo chu thlalêra khan ka chungah an hel a, ka thuruotahai chun an fe nawh a, chuong chu miin a thawa a hringna dinghai ka rorêlhai khawm chu an dang kîr a; ka châwlni khawm chu nasatakin an suksiet a, chun, kei chun thlalêra chun anni chu kâng- hmang dingin ka lunginsenna chu an chungah ka bunthlâk ding a nih ka ti tah a.

EZEKIEL 47:22

Chun, in ta dinga rochan ding le, nangni laia pêm mikhuol um vehai hi hnunga thlahai la nei dinghai ta ding chun aisânin sem in ta; Israel thlahai laia chun anni chu in ina pieng ang bawk nîng an tih; Israel hnam nangni laia chun rochan chu an chang ve ding a nih.

ZEKARIA 6:15

Chun, ram hlataka umhai khawm chu hung an ta, LALPA biekin chu hung bâwl an ta; chun, sipaihai LALPA chun in kuomah a mi hung tir a nih ti hre tâng in tih. Hieng thilhai hi la hung tlung ngei a tih, LALPA in Pathien râwl chu nguntaka in zui phawt chun,” tiin.

THILTHAWHAI 11:23

Chun, ama chu a va tlung a, Pathien lunginsietzie chu a hmu chun a lâwm hleh a; ṭhahnemngai- taka Lalpa chel zing dingin an rêngin ân fui tah a.

THILTHAWHAI 2:41

Chun, a thu zâwm taphawt chun baptisma an chang tah a; chu nia chun mi sâng thum lai belsain an um a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:28

Chun, Pathien hmangaituhai amain a ruot anga a kohai ta ding chun, an ṭhatna dingin iengkimin a thawpêk hlak ti ei hriet a.

1 KORINTH 16:22

Tûkhawmin Lalpa a hmangai naw chun ṭawngsephurin um raw se. Ei Lalpa chu a hung ie.

2 KORINTH 8:5

Chu khawm chu kan ring naw ang takin an thawh a. Pathien dit zâwngin Lalpa kuoma le keini kuomah anni an inpêk hmasa zet zet a nih.

GALATI 5:6

Krista Isua chun sertan ieng- khawm a ṭhahnem nawh a, sertan- naw khawm iengkhawm a ṭhahnem chuong nawh, ringna hmangainaa thaw ruok chu a ṭhahnem a nih.

EPHESI 6:24

Ei Lalpa Isu Krista chuoiloa hmangaituhai po po kuomah lunginsietna um raw se.

JAKOB 1:12

Thlêmna tuor hrâm hrâmtu chu a hamṭha, fiea a um phâleh hringna lallukhum Lalpain ama hmangai- tuhai kuoma a tiem chu a hmu ding a ni si.

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?

THUPUONGSUO 1:10

Lalpa nia chun Thlarauin ka lo um a; chun, ka hnung tiengah, tawtawrâwt ri ang, rawl inringtakin,