ISAI 55:8 - Pathien Lekhabu Inthieng (BSI)

⁸ Ka ngaituohai hi i ngaituohai a ni si nawh a, i um dânhai chu ka um dân a ni bawk nawh, LALPAIN a tih.

ISAI 55:8 ပူးပေါင်းရင်းမြစ်များ

2 SAMUEL 7:19

Aw Lalpa PATHIEN, chuong khawm chu nanga mithmua chun thil chîn tham el chu a na, nisienlakhawm, i siehlaw sûngkuo hung umdân ding chu kum tamtak sûnga khan i lo hril ta bawk a, Aw Lalpa PATHIEN, hienghai khawm hi mihriemhai thaw dân ang bawk a na.

2 LALHAI 5:11

Nisienlakhawm, Naaman chu a lunginsen a, a fe hmang tah a, “Ngai ta u, ka kuoma hung suokin hung ngîr a ta, Pathien LALPA hming chu lamin a kut chu phar vêlin ân phârna lai chu a sukdam ding rawi am ka sawn a;

JOB LEKHABU (THE BOOK OF JOB) 35:5

Vânhai tieng khi ngha la, en ta; Sûmhai khi en ta, nanga nêkin an insâng lem a nih.

INPÂKNA HLABU 25:10

A thuthlung le a thuinhriettir zâwmtuhai ta ding chun, LALPA lampui po pohai chu ngilneina le thutak vawng a nih.

INPÂKNA HLABU 33:11

LALPA remruot ruok chu kumkhuoin um det a ta, A lungrila a ngaituohai chu suon po po chenin umdet a tih.

INPÂKNA HLABU 40:5

Aw LALPA ka Pathien, nangin thilmak i thawhai le, Keini tieng i ngaituonahai hi a tam bêk bêk a, Chuong chu i hmaa suklang sêng ruol a ni nawh a, Inhriettirin hril ding ni lang, Ṭiemsêng ruol ni naw ni.

INPÂKNA HLABU 92:5

Aw LALPA, i thilthawhai chu a va ropui de! I ngaituonahai chu ân thûk êm êm a nih.

THUVARHAI 21:8

Mi khawhlo lampui chu a kâwi hle a, Mi inthieng sinthaw ruok chu a tluong a nih.

THUVARHAI 25:3

Ân sâng tiengah vân, ân thûk tiengah leihnuoi, Lalhai lungril chu suisuok ruol a ni nawh.

ISAI 14:24

Sipaihai LALPA chun hieng anga hrilin ṭawng ân khâm tah, “Matheiloin ka ngaituo ang tak hin hung tlung a ta;

ISAI 53:6

Ei rêng hin berâm angin ei invâk hmang a, mâni lampui sengah ei pêt a; LALPA chun ama chunga chun ei rênga khawhlona chu ân nghat tah a.

ISAI 58:13

“Châwlni bawse lo dinga, ka ni inthienga i nuom zâwng thaw lo dinga i kepha chu în nghatkîrtir a, châwlni chu ni lâwmum le LALPA ni inthieng chu inzaum i tih a, mâni lampui hraw loa, i chawimawi chun,

ISAI 65:2

Mi hel hmanghai ta dingin sûnnithlâkin ka bânhai ka phar hlak, chuonghai chu anni ngaituona ang peia lampui ṭha nawa fe hlakhai,

ISAI 66:18

An thilthawhai le an ngaituohai chu ka hriet sih a; hnam tinrêng le ṭawng tinrêng ka ṭhuoi khâwm hun a la hung tlung ding a nih; chuongchun, hung an ta, ka ropuina hmûng an tih.

JEREMIA 3:1

“Miin a nuhmei a mâk a, ama chu a mâksan a, pasal dang ta a hung ni tah a, amapa chu amanu kuoma chun a lût nâwk ding am a nih? Chuong a ni chun chu ram chu nasa- taka sukpawrche a ni naw ding maw? Nang khawm chu, ngaizâwng tam- takhai le chun nawchizawr angin i lo khawsa tah a, anachu, ka kuoma bawk i hung kîr nâwk ding? LALPA chun a tih.

EZEKIEL 18:29

Israel sûngkuo chun, Lalpa lampui chu ân ang vawng lêm, an la ti rawp khawm a ni theia, Aw Israel sûngkuo, ka lampuihai chu ân ang vawng a ni naw maw? Nanga lam- puihai lem an nâwm a nih ân ang naw chu?

DANIEL 4:37

Tuhin, kei Nebukadnezzar hin vâna Pathien chu ka chawimawiin, ka chawisângin kân pâk a; a sin- thawhai po po chu indikna a na, a lampuihai chu felna a nih; chun, chapoa fehai chu a sukhnuoi thei a nih.

HOSEA 14:9

Tu am vara hieng hi hrethiem thei ding? Tu am var hlea hre thei ding? LALPA lampuihai chu an indik a; Mi indikhai chun an hraw ding a ni sih a; Bawsetuhai ruok chu chutaka chun An insui thlu ding a nih.

1 SAMUEL 16:7

Nisienlakhawm, LALPA chun Samuel kuoma chun, “A hmêl tieng amanih, ân sang tieng amanih en naw rawh, ama hi chu ka dit naw a nih, LALPA chun mihriem en dân angin a en ve si nawh a, mihriem chun puotienga inlang dân an en hlak a, LALPA ruok chun lungril tieng a en lem hlak a nih,” a ta.