ISAI 55:7 - Pathien Lekhabu Inthieng (BSI)

⁷ mi rilo chun a um dân chu bânsan sienla, mi fel naw chun a ngai- tuonahai chu bânsan bawk raw se; LALPA kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm sih a.

ISAI 55:7 ပူးပေါင်းရင်းမြစ်များ

INṬANNA 6:5

Chun, LALPA chun hnuoia hin mihriem suolzie chu nasatak a nih ti le, a lungril ngaituonahai hrim hrim chu suol ruok a nih ti a lo hriet a.

2 CHANCHIN SUINA 15:2

Asa chu tuok dingin a va fe suok a, a kuoma chun, “Nangni Asa le Benjamin le Juda ram po pohai, mi lo ngai ta u; a kuoma in um sûng po chun LALPA chu in kuomah a um a; chun, ama chu in zawng chun in ihmuin um a ta; amiruokchu, ama chu in nghatsan chun nghatsan vêng a ti cheu.

2 CHANCHIN SUINA 15:4

amiruokchu, an rimsiknaa chun Israel Pathien LALPA kuom tieng chun an kîr nâwk a, ama chu an zawng a, an hmu a ni kha.

2 CHANCHIN SUINA 30:6

Chuongchun, dâkpuhai chu lal thupêk ang takin lal le a hotuhaia inthawk chun lekhahai chawiin Juda le Israel ram sûng po poa chun an fe tah a; “Nangni Israel thlahai, nangni Assuria lalhai kuta inthawk a suokdawkhai a la um sun- hai tieng hi a hung ngha kîr theina dingin, Israel le, Isaak le Abraham Pathien, LALPA tieng chu hung ngha nâwk ro.

2 CHANCHIN SUINA 33:13

Chun, ama kuoma chun a ṭawngṭai a, ama chu dawnsakin a um a, a hnina chu ngaiin a um a, ama ramah, Jerusalema chun hung ṭhuoi nâwkin a um tah a. Chun, Manasse chun LALPA chu Pathien a nih ti a hriet tah a.

2 CHANCHIN SUINA 7:14

ka mihai, ka hming chawia kohai chu an insukhnuoi a, an ṭawngṭai a, an lampui rilohai chu nghatsan a ka hmêl an hung zawng chun, vâna inthawk chun lo hrieng ka ta, an suol chu ngaidam ka ta, an ram khawm chu sukhrisêl bawk ka tih.

JOB LEKHABU (THE BOOK OF JOB) 22:23

Iengkimthawthei kuomah i kîr nâwk chun, tung ding nîng i ta, I puon inhaia inthawka fel nawna chu hlatakah i sie hmang phawt chun.

INPÂKNA HLABU 130:4

Nisienlakhawm, i kuomah ngaidamna a um a nih, Ṭiha i um theina dingin.

INPÂKNA HLABU 130:7

Aw Israelhai, LALPA chu beisei ro; LALPA kuoma chun ngilneina a um sih a, A kuomah intlanna tamtak a um bawk a.

INPÂKNA HLABU 51:1

Aw Pathien, i zainêm ang peiin mi lunginsiet la, I lainatna nasatzie ang peiin ka bawsietnahai hi thaihmang rawh.

INPÂKNA HLABU 66:18

Ka lungrila suolna ka ngaisak chun, LALPA chun mi ngaisak naw nih.

THUVARHAI 28:13

Mi a bawsietna inkhumtu chu hlawtling naw nih a, Thupha chawia, nghatsan hlaktu ruok chun zângaina hmûng a tih.

ISAI 1:19

Tiâwitak le thuâwitaka in um chun, in rama thil ṭhahai hi fâng in ta;

ISAI 14:1

LALPA chun Jakob rawi chu lunginsiet a ta, Israelhai chu thlangin anni rama ngei chun a lân umtir ding a ni sih a; chun, ram dang mihai chun anni chu hung zâwm an ta, Jakob sûnghai chu chel tlat an tih.

ISAI 21:12

Râlvêngtu chun, “Zîngkâr a hung ni ding a ni tah, zân khawm: in indawn nuom chun indawn ro: nghakîr nâwk unla, hung ro,” a ta.

ISAI 31:6

“Aw Israel thlahai, nasataka in helsan tieng chu ngha nâwk ta ro.

ISAI 32:7

Mi vervêk thuomhnawhai chu ṭha nawtak a na; pasiehai chun thu dik an hril khawmin mi rimsihai chu khêl thua sukbohmang dingin ama chun thil suol thaw dingin a ngaituo hlak.

ISAI 40:2

Jerusalem mihai kuomah thla- muongna tieng pangah thu hril unla, an indona chu a tâwp a, an suolna chu ngaidam an nih a, an thil suksuol po po aiah LALPA kuta inthawkin a let hniin an hmu tah ti hril ro.

ISAI 43:25

Kei, keima ngeiin, keima le keima lei ngawta in bawsietnahai thaihmang hlaktu chu ka nih; in suolnahai khawm hre zing naw ning.

ISAI 44:22

In bawsietnahai chu sûm sâmup sukboin ka sukbo tah a, in suolhai chu sûm sukbo angin ka sukbo ta bawk a; ka kuomah hung kîr nâwk ro, kân tlan ta si cheu a.

ISAI 54:10

Tlâng lienhai chu fe hmang an ta, tlâng chînhai chu sawnin um bawk an tih; ka zainêmna ruok hi chu i kuoma inthawkin fe hmang naw nih a, ka remna thuthlung chu sawnin um bawk naw ni, LALPA a lungin- siettu che chun a tih.

ISAI 54:8

Ka lunginsen luotin mitkhapkâr nanga tieng ka hmai ka thup a; nisienlakhawm, kumkhawtluong zai- nêmnain lunginsiet ka ti che, LALPA nangma intlantu chun a tih.

ISAI 58:6

“Hi hi ni lo am a ni bungheina ka idit zâwng chu? Rîtlonaa khuop sût- pêk le, rîngkawl hruihai sûtpêk le, nêksâwra umhai insuoktir le, rîng- kawl tinrêng suktliekpêk hi.

ISAI 59:7

An kehai chu thil ṭha naw tieng a tlân hlak a, pawitâwklo thisen insuo dingin an inhmaw hlak; an ngaituo- hai chu khawhlona ngaituonahai a ni hlak a; râusanna le sietna chu an lampuia chun a um hlak.

JEREMIA 3:14

Hung kîr ro, hnungtawl thlahai, LALPA chun a tih; in pasal ka ni sih a, chun, khawpuia pakhat le, pa- hnama pahni lâng ka ti cheu a, Ziona chun hung ṭhuoi ka ti cheu;

JEREMIA 3:3

Chuleiin, raw sûrhai chu chel- tâng an na, ruo nuhnung tieng chu a um ta naw a nih; amiruokchu, mi hur chal chu i nei a, inzak i tum dêr si nawh a.

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

ṬAP HLA 3:40

Ei lampuihai chu thaw ṭâl ei ta, zawngsuok ei ta, LALPA kuomah inher kîr nâwk ei tiu.

EZEKIEL 14:6

Chuleiin, Israel sûngkuo kuoma chun hril la, ‘Lalpa PATHIEN chun hieng hin a tih; Hung kîr unla, in milimhaia inthawkin fe hmang ro; chuongchun, in tirdakumnahai po poa inthawk chun in hmai chu ngha hmang ro.

EZEKIEL 33:11

An kuoma chun, ‘Ka hring zing angin, Lalpa PATHIEN chun hieng hin a tih; mi rilo thinaa chun lâwmna ka nei nawh a; mi rilo chu a um dân a bânsan a, a hring ruok chun lâwmna ka nei a; hung kîr ro, in lampui suola inthawk chun hung kîr ro; aw Israel sûngkuo, iengdingin am thîng in ta?’ ti rawh.

DANIEL 4:27

Chuleiin, aw lalpa, ka thurâwn hi i kuoma chun pawmtlâka ngai ni raw se; i suolnahai chu felnain thleng la, i khawhlonahai chu mi rimsihai chunga lunginsietna inentir bawk rawh; i sukdik nawnahai hi sukdama a um ding chun chu,” a ta.

JONA 3:10

Chuongchun, Pathienin an thilthawhai chu enin, an lampui ṭha naw chu an nghatsan ti a hmu a, an kuoma a hril tah thaw a tum thil ṭha naw chu, Pathien chun ân lêt a; a thaw ta nawh a.

ZEKARIA 8:17

nangni laia mi tukhawma mâni tuolbâwm chungah thil ṭha naw a lungrilah suongtuo hlek naw raw se; inkhâmna indik naw chu ngaina naw unla, hienghai ku hi a nih thil ka theida chu, sipaihai LALPA chun a tih,” tiin.

MATTHAI 9:13

Chuongchun, ‘Inthâwina dit loin lunginsietna ka dit ie,’ ti hi, fe unla, a umzie vân chûk ro; mi fel takhai indawn dinga hung ka ni nawh a, mi suolhai lem indawn dinga hung ka nih in sawnnaw,” a ta.

MARKA 7:21

Sûng tienga um mihriem lungrila inthawkhai chun, ngaituona suol dâm a hung suok hlak nghâl a; inditna dâm, inrûkna dâm, tuol- thatna dâm, uirena dâm,

MARKA 7:23

chuong suolhai po po chu sûngtienga inthawkin a hung suok a, mihriem chu a sukthieng naw hlak a nih,” a ta.

LUKA 15:10

Ka hril cheu hi, chuong ang bawkin, mi suol pakhat sim chunga hin Pathien vântirkohai an lâwm hlak a nih.

LUKA 15:24

hi ka naupa hi a thih a, a hung hring nâwk tah a ni hi; ân hmang a, ei hmu nâwk tah a ni hi,’ a ta. Chuong- chun, hlimtakin an um ṭan tah a.

LUKA 7:47

Chuleiin, ka ti che hi, a suol tamtak kha ngaidamin a um tah; ama khawmin a hmangai ta bêk bêk a ni hi; amiruokchu, ngaidam tlâwm chun, tlâwmtêin a hmangai hlak,” a ta.

THILTHAWHAI 26:20

a tîrin Damaskaa mihai kuomah, chu hnunga chun Jerusa- lema mihai kuoma dâm, Juda ram tina mihai kuoma dâm, Jentailhai kuoma dâm khawm sim hming inbûk tlâka thil thawa, sima, Pathien tieng an nghatna dingin ka hril lem hlak a nih.

THILTHAWHAI 3:19

Chuleiin, in suolhai thâibo a ni theina dingin sim unla, ngha kîr nâwk ro,

JAKOB 1:15

Chun, châkna chun tê a vawn a, suol a nei hlak; chun, suol chun a hung puitlingin thina a hung suksuok hlak.