ISAI 55:3 - Pathien Lekhabu Inthieng (BSI)

³ In na hung sit unla, ka kuomah hung ro; ngai unla, chuongchun, in hringna chu hring a tih; chun, in kuomah kumkhaw thu thlung ka tih; David kuoma lunginsietna tiem tlat tahai chu.

ISAI 55:3 ပူးပေါင်းရင်းမြစ်များ

INṬANNA 17:7

Chun, kei le nang le i hnunga i thlahai an thla sâwng peihai chen inkârah kumkhaw thuthlung dingin ka thuthlung hi sukdet ka tih, i ta ding le i hnunga i thlahai ta dinga Pathien ka nina dingin.

INṬANNA 49:10

Lal hmawl chu Judaa inthawk hin bo naw nih a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

2 SAMUEL 23:5

Ei sûngkuo chu Pathien kuoma inthawk a ni naw am a nih? Chatuon thuthlung ka kuomah a thlung a; Iengkim fel le suknghet tlatin; Ka sandamna kim le duthusâm kim, Ân der suoktir naw ding maw?

2 SAMUEL 7:29

chuleiin, i siehlaw sûnghai chu i hmaa chatuona an um zing theina dingin malsâwm la, aw LALPA Pathien, nang chun i hril ta sih a; chun, i malsâwmnain i siehlaw sûng- hai chu chatuona malsâwmin um raw se,” a ta.

2 CHANCHIN SUINA 6:42

Aw LALPA Pathien, i hriek nâl hmai chu innghat hmangtir naw la, i siehlaw David thilthaw ṭhathai chu hre zing rawh,” tiin.

INPÂKNA HLABU 119:112

Kumkhawtluongin, a tâwp chenin, I thuruothai anga thaw dingin ka lungril kân thlêktir a.

INPÂKNA HLABU 119:175

Ka hringna hi hring raw se; chuongchun, ân pâk ding che annâwm, I rorêlnahai khawmin mi ṭhangpui raw se.

INPÂKNA HLABU 78:1

Aw ka mihai, ka dân thua hin na lo sit unla, Ka baua thuhaiah in na hung daw ro.

INPÂKNA HLABU 89:28

Ka zainêmna chu kumkhuoin a ta dingin kawl ṭhapêk ka ta, Ka thuthlung chu a kuomah um det a tih.

INPÂKNA HLABU 89:29

A chi thlahai chu kumkhuoin inumtir ka ta, A lalṭhungpha khawm chu vân um sûng ni chenin inumtir bawk ka tih.

FESUOKNA 15:26

ama chun, “LALPA in Pathien rawl chu nguntaka in ngai a, a mit hmuha thildik chu in thawh a, a thupekhai tieng in na in sit a, a dân ziekhai chu in vawng tlat chun, Aigupta mihai chunga kân tlungtir natnahai hrim hrim kha in chungah intlungtir dêr naw ningah: LALPA nangni sukdamtu cheu chu ka ni sih a,” a tih a.

THUVARHAI 4:20

Ka naupa, ka thuhai hi pawisa la, Ka thuhrilhai tieng hin i na chu sit rawh.

THUVARHAI 7:2

Ka thupêkhai hi kawlin khawsa la, Ka închûktirna chu i mitnautê angin;

ISAI 51:4

Aw ka mihai, ka thu hi lo ngai unla; aw ka hnamhai, ka thua hin na lo sit ta u; keimaa inthawkin dân thu a hung suok ding a ni sih a, mi tin enna dingin ka rorêlna chu inchâwltir ka tih.

ISAI 54:10

Tlâng lienhai chu fe hmang an ta, tlâng chînhai chu sawnin um bawk an tih; ka zainêmna ruok hi chu i kuoma inthawkin fe hmang naw nih a, ka remna thuthlung chu sawnin um bawk naw ni, LALPA a lungin- siettu che chun a tih.

ISAI 54:8

Ka lunginsen luotin mitkhapkâr nanga tieng ka hmai ka thup a; nisienlakhawm, kumkhawtluong zai- nêmnain lunginsiet ka ti che, LALPA nangma intlantu chun a tih.

ISAI 61:8

Kei LALPA hin rorêlna fel ka ngaina hlak sih a, khawhlotaka inram el hi ka theida hlak a, chuong- chun, anni ka thungna chu titak- meuin an kuomah pêng ka tih, an kuomah kumkhaw thu thlung bawk ka tih.

JEREMIA 30:9

amiruokchu, LALPA an Pathien rawng le, an lal David an kuoma ka tungding ding chu a rawng bâwl lem tâng an tih.

JEREMIA 32:40

Anni chu sukṭha dingin, annia inthawka kân her hmang nawna dingin, anni le chun kumkhaw thu- thlung siem ka ta; chun, an lungrila chun keia ṭina sieng ka ta, keimaa inthawk chun fe hmang ta naw ni hai.

JEREMIA 33:26

Abraham hai, Isak hai, Jakob hai thlahai chunga rorêltuhai ding ka lâk nawna dingin, ka siehlaw David le Jakob thla chu peihâwn vêng ka tih; an sal intângna chu kân kîrtir ding a na, an chunga chun zângaina ka nei ding a ni sih a” tiin.

JEREMIA 38:20

Nisienlakhawm, Jeremia chun, “Nang chu pe suok naw ni hai che. LALPA râwl i kuoma thu ka hrilna hi awi el rawh, ka ngên che hi, chuong- chun, i ta dingin ṭhâng a ta, i hringna khawm hlain um a tih.

JEREMIA 50:5

Hma sawngin Zion chu râwn an ta, ‘Hung ve ro, theinghila um ta ngai lo ding chatuon thuthlung chun LALPA chu hung zawm ve ro khai,’ tîng an tih.

EZEKIEL 16:60

Nisienlakhawm, i tleirâwl lai nihaia nang le ka thuthlung chu hre zing ka ta; chun, nang le chun cha- tuon thuthlung indin ka tih.

EZEKIEL 34:24

Chun, kei LALPA hi in Pathien nîng ka ta, ka siehlaw David chu anni laia lal nîng a tih; hi hi kei LALPAIN ka hril ta a nih.

EZEKIEL 34:25

Anni le inremna thuthlung siem ka ta, rama inthawk chun ramsa rilohai chu inrêmtir vawng ka tih; thlalêra chun himtakin chêng an ta, rampui hnuoia chun zâl an tih.

EZEKIEL 37:26

Chu nawa khawm chun anni le chun inremna thuthlung siem ka ta, anni le chatuona thuthlung nîng a tih; chun, anni chu sieng ka ta, suk- pung ka ta, anni laia chun ka hmun inthieng chu kumkhawtluongin sie tâng ka tih.

LEVI DÂN 18:5

Chuleiin, ka dân le ka rorêl chu in zâwm ding a nih; chu chu miin a thaw chun hring phâng a tih; kei hi LALPA chu ka nih.

AMOS 5:4

LALPA chun Israel chihai kuoma chun hieng ang hin a ti sih a: “Mi zawng unla, hring in tih;

AMOS 5:6

LALPA chu zawng unla hring in tih, chuong naw chun, Josef inah mei angin suok a ta, kâng vawng a ta, Bethel khuoah sukrêm dingin tu- khawm um naw ni hai;

MATTHAI 11:28

“Nangni sininrim le phur rik phur po pohai, ka kuomah hung unla, keiin inchâwltir ka ti cheu.

MATTHAI 13:16

“Nangni mit chu a vângnei a nih, a hmu hlak leiin; in na khawm a vângnei a nih, a hriet hlak leiin.

MATTHAI 17:5

A la hril lai zingin ngai ta, sûm vârtakin anni a hung hlie tah a; chun, ngai ta, sûma inthawk râwlin, “Hi hi ka Naupa dittak, ka ilâwm bêk bêk chu a nih, ama thu ngai ro,” a ta.

JOHAN 10:27

Ka berâmhaiin ka râwl an hriet hlak, kei khawmin anni chu ka hriet, anni chun an mi zui hlak.

JOHAN 6:37

Pain a mi pêkhai po po ka kuomah hung vawng an tih; tûkhawm ka kuoma hung chu hnawt suok naw tawp ka tih.

JOHAN 7:37

Chun, ruoiṭhe ṭumṭiek ding ni, ni ropuitaka chun Isu a ngîr a, a khêk a, “Tûkhawm a dangchâr chun ka kuomah hung sienla, dâwn raw se.

JOHAN 8:47

Pathien kuoma inthawka suok chun Pathien thu a pawm hlak; hi lei hin in pawm naw a nih, Pathien kuoma inthawka suok in ni naw leiin,” a ta.

THILTHAWHAI 13:34

Hmawnna hmuna fe nâwk lo dingin Pathienin ama chu mithi laia inthawkin a keitho dingzie thu chu hieng hin a hril a nih, ‘David kuoma lunginsietna ka itiem tlathai kha nanga kuomah pêng ka che,’ tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:5

Mosie chun, “Mi Dâna felna zâwm chu, chu felna zâra chun hring a tih,” tiin a ziek a.

HEBRAIHAI 13:20

Chun, berâm Vêngtu ropuitak, ei Lalpa Isu chu, chatuona thu- thlungna thisen zâra mithi laia inthawka ṭhuoi suok nâwktu inrem- na Pathien khan,