ISAI 55:12 - Pathien Lekhabu Inthieng (BSI)

¹² Hlimtaka suokin, lungmuong- taka ṭhuoi suokin in um ding a ni sih a, tlâng lienhai le tlâng chînhai chun in hmaah hla sak suok phut an tih, phûl thing po pohai chun an kut ben bawk an tih.

ISAI 55:12 ပူးပေါင်းရင်းမြစ်များ

INPÂKNA HLABU 105:43

Chuongchun, a mihai chu hlimtakin a ṭhuoi suok tah a, A mi thlanghai chu hla sak pei pumin.

INPÂKNA HLABU 47:1

Aw mi tinrênghai, in kut ben unla, Hlimna râwlin Pathien kuomah khêk ro.

INPÂKNA HLABU 65:12

Thlalêra ran tlatna hmunahai chun a far a, Tlânghai khawm chu hlimnaa khuop vêlin an um a.

INPÂKNA HLABU 65:13

Ran tlatna hmunhai chu ran ruolin a dâpin a dâp a, Ruomhai khawm chu buin ân zâwl hmur a; Hlimin an khêk a, hla an sak bawk a.

INPÂKNA HLABU 69:34

Hnuoi le vân chun ama chu inpâk raw se; Tuisuoriet le an sûnga thil châng thei taphawthai leh.

ISAI 14:8

Anih, i chungthu leiin fârhai chu an hlim a, Lebanon tlânga sidar thinghai leh; ‘Suktlâwma i um chin chu phûr thlutu ding hrim hrim kan kuomah an hung ta ngai nawh.’ tiin.

ISAI 35:10

chun, LALPA intlanhai chu kîr nâwk an ta, hla sak pumin Zion chu tlung an tih; chatuona lâwmna an lu chungah um tâng a ta, hlimna le lâwmna hmûng an tih, lungngaina le inrûmna chu bo tâng a tih.

ISAI 44:23

Aw vânhai, hlimtakin hla sak ro, LALPAIN chu chu a thaw ta sih a; leihnuoi hnuoitienghai, khêk ro, tlânghai, aw ramhnuoi le a sûnga thing um tinrênghai, hla sak suok phut ro: LALPA chun Jakobhai chu ân tlan tah a, Israelhaia chun ân chawimawi ding a ni sih a.

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “LALPA chun a siehlaw Jakobhai chu ân tlan tah,” ti ro.

ISAI 49:13

Aw vânhai, hlimtakin hla sak ro; aw leihnuoi, hlimtakin um rawh; aw tlânghai, hla sak suok phut ro; LALPA chun a mihai chu a thlamuon sih a, a mi rinum tuorhai khawm chu a lunginsiet ding a ni sih a.

ISAI 51:11

Chun, LALPA intlanhai chu kir nâwk an ta, hla sak pumin Zion chu tlung an tih; chatuona lâwmna an lu chungahai chun um tâng a ta, lâwmna le hlimna hmûng an ta, lungngaina le inrûmna chu bo tâng a tih.

ISAI 52:9

Jerusalem hmun se ta hnunghai, hlim suok phut unla, hlimtakin hla sak tâwl ro; LALPA chun a mihai chu a thlamuon ta sih a, Jerusalem chu ân tlan tah a nih.

ISAI 54:10

Tlâng lienhai chu fe hmang an ta, tlâng chînhai chu sawnin um bawk an tih; ka zainêmna ruok hi chu i kuoma inthawkin fe hmang naw nih a, ka remna thuthlung chu sawnin um bawk naw ni, LALPA a lungin- siettu che chun a tih.

ISAI 54:13

I nauhai po po chu LALPA in- chûktirin um an ta, i nauhai lung- muongna chu nasatak nîng a tih.

JEREMIA 29:11

Nangni tieng panga ka ngaituo, thil ngaituohai chu ka hriet sih a, LALPA chun a tih, in tâwpna tienga beiseina siempêk ding cheuin thil ṭha naw ni loin, thlamuongna lungril a ni lem.

JEREMIA 30:19

Annia inthawk chun lâwmthu hrilnahai siem a ta, hlimna siem- tuhai râwl ri le chun: chun, anni chu sukpung ka ta, tlâwm naw ni hai: chun, anni chu chawimawi bawk ka ta; chîn naw ni hai.

JEREMIA 33:11

hlimna râwl dâm, lâwmna râwl dâm, moneitu râwl dâm, mo le, ‘Sipaihai LALPA kuoma chun lâwmthu hril ro, LALPA chu a ṭha sih a; a zainêmna chu kumkhuoin um zing a tih,’ tituhai râwl le, LALPA ina lâwmthu hrilna inthâwinahai hung chawituhai râwl ri chu. Hi ram sal intângna hi a tîr ang khan ka lamlêt ding a ni sih a, LALPA chun a tih.

JEREMIA 33:6

Ngai ta u, hrisêlna le sukdamna intlungtir ka ta, anni chu sukdam ka tih; chun, an kuoma chun thudik le thlamuongna tamtak chu suklang bawk ka tih.

EZEKIEL 17:24

Chun, chu loa thing po pohai chun kei LALPA chun thing insâng chu ka keihnuoi a, thing inhnuoi chu ka suksâng tah, thing hring chu ka sukṭâwl a, thing ṭâwl chu ka suk- hring tah ti hrieng an tih; kei LALPA chun ka hrilin ka thaw tah a nih,” tiin.

LUKA 15:10

Ka hril cheu hi, chuong ang bawkin, mi suol pakhat sim chunga hin Pathien vântirkohai an lâwm hlak a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:13

Thlarau Inthieng thilthawthei- na zâra beiseina in hau theina dingin Beiseina Pathien chun ring leia lâwmna le inremna tinrêngin suksip raw se cheu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:1

Chuleiin, ringna leia thiem changa umin, ei Lalpa Isu Krista leiin Pathien le inremin ei um a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:11

Chuong chau khawm chu a ni nawh a, inremna tuta a mîn hmutirtu ei Lalpa Isu Krista lei chun Pathienah ei lâwm bawk a nih.

GALATI 5:22

Thlarau ra ruok chu hmangaina dâm, hlimna dâm, inremna dâm, dawtheina dâm, ngilneina dâm, ṭhatna dâm, ringumna dâm,

KOLOSSA 1:11

hlimtaka selna le dawtheina tinrêng nei dinga a ropuina hrâtzie ang peia hrâtna tinrênga sukhrâta in um theina dingin kan ngênpêk cheu.