ISAI 54:4 - Pathien Lekhabu Inthieng (BSI)

⁴ Ṭi naw, i muolpho âwm si nawh a; beidawng bawk naw, muolphoin i um âwm bawk si nawh a, i tleirâwl lai muolphona chu i theinghil tain, i hmeithaina hmingsietna khawm chu i hriet zing ta âwm si nawh a.

ISAI 54:4 ပူးပေါင်းရင်းမြစ်များ

JOB LEKHABU (THE BOOK OF JOB) 11:16

I rinum tuorhai chu i theinghil ta âwm sih a; Tui luong hmang tahai ang chau chun hre zing i tih.

ISAI 25:8

Thina chu a lem sawng tah; Lalpa PATHIEN chun mi po po hmaia inthawk chu mitthlihai chu hrufai a tih; a mihai hming sietna chu leihnuoi po po chunga inthawk hin la hmang a tih; LALPAIN chu chu a hril ta sih a.

ISAI 29:22

Chuleiin, LALPA, Abraham in- tlantu chun, Jakob sûnghai chung- châng thuah hieng ang hin a tih, “Jakobhai chu tuhin chu muolpho ta naw ni hai a, an hmai chu dâng ta bawk naw ni.

ISAI 4:1

Chun, chu ni chun nuhmei pasa- riin pasal pakhat chel an ta, “Keini bu fâng kan ta, keini silfên inbel kan tih, i hming chau mîn puttir la; kan hming sie hi mîn khumpêk rawh,” tîng an tih.

ISAI 41:10

ṭi naw ro, kei in kuomah ka um sih a; lunginzîng naw ro, kei in Pathien ka ni sih a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 41:14

Nang chawkchawnâl Jakob le Israel mihai, ṭi naw ro, ṭhangpui ka ti cheu, LALPAIN a tih, nangni intlan- tu cheu chu Israelhai Mi Inthieng chu a nih.

ISAI 50:7

Lalpa PATHIEN chun a mi ṭhangpui ding a ni sih a; chuleiin, kân zak ngai nawh a; chuleiin, meitâwk- lung ang tlatin ka ngha hlak, muol- pho naw ning ti ka hriet.

ISAI 51:7

Felna hretu, ka dân thu lungrila vawn mihai, ka thu hi lo ngai ro, mihriemhai hrilsietna ṭi naw unla, an halna cheu leiin lunginzîng bawk naw ro.

ISAI 54:14

Felnaa sukdetin um i ta, nêk- sâwrnaa inthawka hlatakah um i tih; i ṭi ta naw ding a nih; thil râpthlâka inthawka hlatakah um bawk i ta; a hnai naw ding che a nih.

ISAI 61:7

An muolpho aiah a let hniin hmûng an ta; an inzak aiah an chanvoah hlimin hla sak an tih: chu- leiin, an rama chun a let hni hluong an ta, kumkhaw hlimna an kuomah um a tih.

ISAI 65:16

chuongchun, hnuoia hin mâni le mâni mal insâwm fâwmtu chu thutak Pathiena chun mal insâwm a ta; hnuoia hin ṭawng inkhâmtu chu thutak Pathien sâlin ṭawng inkhâm a tih; kha hmaa lunginzîngnahai chu theinghila a um ta leiin le ka mita inthawka thupa a um ta leiin.

JEREMIA 31:19

Matheiloin, chu hnunga chun kân let a, kei khawm ka lamlêt tah a; chun, chu hnunga chun inchûktirin ka uma, ka êlpui chu ka ben a; kân zak a, anih, ka tleirâwl lai hmingsietna chu ka phur leiin, ka hamhai nghe nghe a.

ṬAP HLA 1:1

Iengtiziea khawpui khânga mi- puia sip kha khawsâwta ṭhung el am an tah a! Hnamhai laia khânga ropui kha, iem a tih a hmeithai ang a hung ni ta el chu! Rambunghai laia a lalnu ni hlak kha, chîn lem a hung ni ta el chu!

EZEKIEL 16:22

I nawchizawrna le i tirdakum- nahai poa hin i tleirâwl lai nihai, saruok le ruoka i um a, i thisena în sukpawrche lai kha i hriet zing ta naw a nih.

EZEKIEL 16:43

I tleirâwl lai nihai kha i hriet zing ta nawh a, amiruokchu, hieng thilhaia hin i mi suklungsen a; chuleiin, ngai ta, kei khawma i nun suol maw chu i lu chungah hung intlungtir ka tih, Lalpa PATHIEN chun a tih; chun, pawrchenahai po po belsain hi khawhlona hi thaw ta naw ti nih.

EZEKIEL 36:15

chun, hnamhai inzakna chu inhriettir ta ngai bawk naw ning cheh a, hnamhai kâwkna chu phur ngai ta bawk naw ti ni; chun, i hnamhai chu insuithlu dingin siem nâwk ta ngai bawk naw ti ni, Lalpa PATHIEN chun a tih,” tiin.

JOEL 2:21

Aw ram, ṭi naw la, hlimin lâwm rawh, LALPA chun thil ropuitakhai a thaw ta sih a.

ZEPHANIA 3:11

Chu nia chun i thil thawhai po po, ka chunga i bawsietnahai lei chun inzak ta naw ti nih a; nanga sûnga inthawkin nasataka nang chapopui- tuhai che chu ka lâk suok ding a ni ta sih a; chuongchun, ka tlâng inthienga chun chapo ta ngai hrim hrim naw ti nih.

ZEKARIA 10:6

Chun, Juda insûng chu hung sukhrât ka ta, Josef insûng chu sandam ka tih; chun, anni chu hung ṭhuoi kîr nâwk ka tih, an chungah lunginsietna ka nei sih a; chun, anni chu ka lo pei thlâk naw ang hrimin um tâng an tih; chun, an thu chu ngai bawk ka ta, LALPA an Pathien ka ni sih a.

1 PETER 2:6

Chuleiin, Pathien Lekha Thua chun, “Ngai ta u, Ziona chun a kia lung pawimaw tak, thlang le hlutak ka rem a nih, Ama ringtu chu muolpho naw ni,” ti a chuong a nih.