ISAI 54:14 - Pathien Lekhabu Inthieng (BSI)

¹⁴ Felnaa sukdetin um i ta, nêk- sâwrnaa inthawka hlatakah um i tih; i ṭi ta naw ding a nih; thil râpthlâka inthawka hlatakah um bawk i ta; a hnai naw ding che a nih.

ISAI 54:14 ပူးပေါင်းရင်းမြစ်များ

THUVARHAI 3:24

I zâl pha khawm chun, ṭi ta naw ti nih a, Anih, zâl i ta, îmu inhniktakin in i tih.

ISAI 1:26

chun, i chungah rorêltuhai chu a tîra an um ang khan inumtir nâwk ka ta, i sûnga remruottuhai chu a hmasa taka an um ang khan inumtir nâwk bawk ka tih; chu hnunga chun, ‘Felna khawpui, khawpui ringumtak,’ la tîng an ti che.

ISAI 1:27

Zion chu rorêlna fela sansuok ni tâng a ta, a sûnga mi nghakîr nâwkhai khawm felnaa sansuok nîng an tih.

ISAI 14:4

hi tîelna thu hi Babulon lal khêkkhumin la hril i tih, “Iengtizie am a na, nêksâwrtu chu a va re ta de! Iengtizie am a na, rângkachak khawpui chu a va re ta de!

ISAI 16:4

Moabhai laia hnawt suoka umhai chu i kuomah um raw hai se, an ta dingin suksetu hmêla inthawka inbîkna ni rawh; hlêprutu chu ieng- khawm ni loa siemin a um ta sih a, suksietna a bo tah a; nêksâwrtuhai chu rama inthawk hin sukbohmangin an um tah.

ISAI 2:4

Ama chun hnam tin kârah ro rêl a ta, chi tamtak khawm kâwk bawk a tih; chun, an kâwlhnâmhai chu hnuoi inletna hmawr zumahai sut an ta, an feihai chu thei kûng âtbawngna chem inkuoiahai sut an ta, hnam dangin hnam dang chungah kâwlhnâm inlet ta naw nih a, indo dân khawm inchûk ta bawk naw ni hai.

ISAI 26:2

Hnam fel thutak zâwmtu chu a lût theina dingin kul kawtkhârhai chu hawng ro.

ISAI 32:17

Chun, felna sinthaw chu inrem- na nîng a ta, felna thil suok chu kumkhuoa muongtaka umna le ring tlata umna nîng a tih.

ISAI 33:18

“A tiemtu kha khâw lai am a um tah a? siechawi bûktu kha khâw lai am a um ta a? Râl vêng in insânghai tiemtu kha khâw lai am a um tah a?” tiin; i lungrilin thil râpthlâktak kha ngaituong a tih.

ISAI 45:24

Miin, ‘LALPAA chau felna le hrâtna a um,’ tiin, ka chungthu la hril an tih; ama kuoma mi ngei hung an ta, a chunga lungninawhai po po chu muolphotakin um tâng an tih.

ISAI 49:26

Chun, nangma nêksâwrtuhai chu anni sa ngei infâktir ka ta; uoin thlum inrui ang hin anni thisenin inrui an tih; chuongchun, mi po poin, kei LALPA hi nangma sandamtu le nangma intlantu, Jakobhai Mi Hrât chu ka nih ti mi hrieng an tih,’” tiin.

ISAI 51:13

LALPA nangni siemtu, vân kei- phara leihnuoi innghatsanhai phûm- tu theinghila, nêksâwrtu sukse dinga a tin lai lunginsenna lei ngawta sûnnithlâka ṭi zing chu, tu am i nih a? Nêksâwrtu lunginsenna chu khâwlai am a um ta a le?

ISAI 52:1

Aw Zion, har la, har la, i hrâtna inbel rawh; aw Jeru- salem, khawpui inthieng, i silfên mawitakhai chu inbel rawh; tuta chen chu sertanlo le mi pawrche chu i sûngah an lût ta âwm si nawh a.

ISAI 54:4

Ṭi naw, i muolpho âwm si nawh a; beidawng bawk naw, muolphoin i um âwm bawk si nawh a, i tleirâwl lai muolphona chu i theinghil tain, i hmeithaina hmingsietna khawm chu i hriet zing ta âwm si nawh a.

ISAI 60:18

Nunsetaka thil thaw ri chu i ramah hriet ni ta naw nih a, râusan- na le sietna rihâu khawm i ramri sûngah hriet ni ta naw ni; i kul chu, “Sandamna,” ti lem i tih, i kawt- khârhai khawm, “Inpâkna” ti bawk i tih.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 61:10

LALPAA chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta sih a.

ISAI 62:1

A felna chu varna anga ân suoh a, ama sandamna chu khâwnvar chawk anga ân suo hma- khat chun, Zion leiin to zing naw ningah a, Jerusalem leiin um ṭawk ṭawk naw ningah.

ISAI 9:4

A rikphurna rîngkawl le a lieng- koa zâwnfung, a nêksâwrtu hem- bâwk chu, Midianhai hne ni ang khan i suktliekpêk ta sih a.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tung- ding dingin. Sipaihai LALPA ṭha- hnemngaina chun chuong chu thâwng a tih.

JEREMIA 30:10

Chuleiin, Aw Jakob, ka siehlaw, ṭi naw rawh, LALPA chun a tih: Aw Israel, beidawng bawk naw rawh, ngai ta, ram hlataka inthawkin ka sandam ding che a ni sih a, i thlahai chu an sal intângna rama inthawkin sandam bawk ka tih; chuongchun, Jakob chu hung kîr a ta, nuomsa le to ṭawk ṭawkin um a tih, tukhawma sukṭi ta naw ni hai.

JEREMIA 30:20

An thlahai khawm chu kha hmaa ang bawk kha nîng an ta, an inkhâwmpui khawm ka hmaa chun indin nîng a ta, anni nêksâwrtu po pohai chu hrem pei ka tih.

JEREMIA 31:23

Sipaihai LALPA, Israel Pathien chun hieng hin a tih: An sal intângna ka hung lâk kîr nâwk pha chun Juda rama le chutaka khawpuihaia chun hi ṭawngbau hi la hmang nâwk an tih: “Aw indikna chêngna, LALPA chun mal sâwm raw se che,” ti dâm le, “Aw inthiengna tlâng,” ti dâm hi.

HOSEA 10:12

Mâni ta dingin felnain tu unla, Chuongchun, lunginsietna ang peiin sîk ro; In hnuoi chuongtlâihai chu inlet ro, LALPA chu a hunga in chunga felna ân sûrtir chenin Ama chu zawng hun a ni sih a.

ZEKARIA 8:3

LALPA chun hieng hin a tih, “Ziona chun ka hung kîr a, Jerusalem sûnga chun chêng ka tih; chun, Jerusalem chu, ‘Thudik khawpui,’ ti nîng a ta; sipaihai LALPA tlâng chu, ‘Tlâng inthieng,’ ti nîng a tih,” tiin.

ZEKARIA 9:8

Chun, sipai râl vêng pâwl angin ka in vêla chun umnghâng ka ta, tukhawm fe thlengin kîr naw ni hai a; nêksâwrtuhai khawm fe thleng nâwk ta ngai hrim hrim naw ni hai, tuhin keia mit ngeiin ka hmu ta sih a.

2 PETER 3:13

Nisienlakhawm, a thutiem ang chun vân tharhai le hnuoi thar, a sûnga felna umhai chu ei beisei a nih.