ISAI 54:1 - Pathien Lekhabu Inthieng (BSI)

¹ “Aw ching, nau nei lo, nang, hlimtakin hla sak rawh; nang, nauhase ngai naw, hla sak suok phut la, khêk suok rawh: pasal nei mi nauhai nêk chun khawsâwtnu nau- hai an tam lem sih a,” LALPAIN a tih.

ISAI 54:1 ပူးပေါင်းရင်းမြစ်များ

INṬANNA 21:6

Chun, Sara chun, “Pathienin a mi suknui tah; mi tin a hre taphawt chun mîn nuipui an tih,” a tih a.

INPÂKNA HLABU 113:9

Ama chun nuhmei ching chu in le lo ân vawngtir hlak a, Nau nei mi hlimtakah a siem hlak; LALPA chu inpâk ro.

HLAHAI HLA 8:8

Farnu chitê kan nei a, Ama chun nênehai a nei nawh a; Ei farnu ta ding chun ieng am thaw tâng ei ta, Ama chanchin chu hrila a um nia chun?

ISAI 12:6

Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui sih a,” tiin.

ISAI 24:14

Chuonghai chun an râwl in- suong an ta, khêk an tih; LALPA ropuina leiin tuisuorieta inthawkin inringtakin an khêk ie.

ISAI 44:23

Aw vânhai, hlimtakin hla sak ro, LALPAIN chu chu a thaw ta sih a; leihnuoi hnuoitienghai, khêk ro, tlânghai, aw ramhnuoi le a sûnga thing um tinrênghai, hla sak suok phut ro: LALPA chun Jakobhai chu ân tlan tah a, Israelhaia chun ân chawimawi ding a ni sih a.

ISAI 49:13

Aw vânhai, hlimtakin hla sak ro; aw leihnuoi, hlimtakin um rawh; aw tlânghai, hla sak suok phut ro; LALPA chun a mihai chu a thlamuon sih a, a mi rinum tuorhai khawm chu a lunginsiet ding a ni sih a.

ISAI 49:19

I hmun se ta le rausan hnunghai le sukbohmang hnung thua chun tuhin a umhai ta ding chun i chîn talaw ngei ngei ding a ni sih a; nangma lemtuhai kha hlatakah an um ta ding a nih.

ISAI 49:20

I nau în hmang hnunga i nau nei nâwkhai chun, ‘Hmun hi ka ta dingin a chîn taluoh a, ka umna dingin hmun mi pe rawh,’ tiin i naah la hril an tih.

ISAI 62:4

“Mâk,” ti nâwk ta naw ni hai che a, i ram khawm chu, “Sukrêm,” ti nâwk ta naw ni hai a: “Hephzibah” ti lem tâng an ti cheh a, i ram khawm chu “Beula” ti bawk an tih, LALPA i chungah a lâwm sih a, i ram khawm- in pasal a nei ding a nih.

ISAI 66:7

Ama chun invawi hman loin nau a nei a; na hre hman loin naupasal a nei a.

ZEPHANIA 3:14

Aw Zion naunuhai, hla sak ro; aw Israel, khêk suok rawh; Aw Jerusalem naunu, lungril po poin hlimin lâwm rawh.

ZEKARIA 9:9

Aw Zion naunu, nasatakin hlim rawh; aw Jerusalem naunu, inring- takin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngai- tlâwmtakin, sabengtung chungah, sabengtungtê chung ngeia hung chuongin.

GALATI 4:27

“Nang ching, nau nei ngai lo hlim rawh. Nang nauha invawi ngai lo khêk suok rawh; Pasal nei mi nêk chun khawsâwtnu chun Nauhai a nei tam lem sih a,” ti ziek a ni kha.

1 SAMUEL 2:5

Khawp hlakhai chu fâk ding zawngin an inhlawfa tah a, Phîngṭâm hlakhai chu an phîng a ṭâm ta nawh a; Anih, ching chun pasari a nei tah a, Nau tamtak neinu chu a châu tah,