ISAI 52:9 - Pathien Lekhabu Inthieng (BSI)

⁹ Jerusalem hmun se ta hnunghai, hlim suok phut unla, hlimtakin hla sak tâwl ro; LALPA chun a mihai chu a thlamuon ta sih a, Jerusalem chu ân tlan tah a nih.

ISAI 52:9 ပူးပေါင်းရင်းမြစ်များ

INPÂKNA HLABU 102:22

LALPA rawngbâwl dinga, Mi tin le ram tin an inkhâwm pha chun.

INPÂKNA HLABU 98:4

Leihnuoia um po pohai, LALPA chawimawiin hlimtakin khêk unla, Khêk suok unla, hlimin hla sak ro; anih, inpâkna hla sak ro.

ISAI 12:6

Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui sih a,” tiin.

ISAI 14:7

Leihnuoi pumpui hi a châwl a, a re vawng vawng a; hla an sak suok phut a.

ISAI 40:1

Thlamuon ro, ka mihai hi thla- muon ro, in Pathien chun a tih.

ISAI 43:1

Tu ruok hin chu aw Jakob rawihai, LALPA nangni siemtu le, aw Israel rawihai, nangni inngîr- tirtu chun hieng ang hin a tih, “Ṭi naw ro, kân tlan ta cheu hi; in hmingin ka ko cheu a, ka ta in nih in sawnnaw.

ISAI 44:22

In bawsietnahai chu sûm sâmup sukboin ka sukbo tah a, in suolhai chu sûm sukbo angin ka sukbo ta bawk a; ka kuomah hung kîr nâwk ro, kân tlan ta si cheu a.

ISAI 44:23

Aw vânhai, hlimtakin hla sak ro, LALPAIN chu chu a thaw ta sih a; leihnuoi hnuoitienghai, khêk ro, tlânghai, aw ramhnuoi le a sûnga thing um tinrênghai, hla sak suok phut ro: LALPA chun Jakobhai chu ân tlan tah a, Israelhaia chun ân chawimawi ding a ni sih a.

ISAI 44:26

mâni siehlaw thu sukdet a, mâni palaihai remruot sukmuol- suotu, Jerusalem chungchâng thua, ‘Chutaka chun mi um nâwk an tih,’ titu le, Juda ram khawpuihai chung- châng thua, ‘Siemin um nâwk tâwl an ta, a sietna laihai chu siem ṭha nâwk ka tih,’ titu,

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “LALPA chun a siehlaw Jakobhai chu ân tlan tah,” ti ro.

ISAI 49:13

Aw vânhai, hlimtakin hla sak ro; aw leihnuoi, hlimtakin um rawh; aw tlânghai, hla sak suok phut ro; LALPA chun a mihai chu a thlamuon sih a, a mi rinum tuorhai khawm chu a lunginsiet ding a ni sih a.

ISAI 51:12

Kei, keima ngei hi, nangni thlamuontu cheu chu ka nih; thi ding mihriem le hlobet ang chaua siema um ding mihriem naupa ṭia,

ISAI 51:3

LALPA chun Zion chu a thla- muon ta sih a; a hmun se tahai po po chu a thlamuon a, a thlalêr chu Eden angin a siem a, a ram ṭâwl chu LALPA huon angin a siem bawk a; chutaka chun lâwmna le hlimna dâm, lâwmthu hrilna le hla sak ri dâm um a tih.

ISAI 55:12

Hlimtaka suokin, lungmuong- taka ṭhuoi suokin in um ding a ni sih a, tlâng lienhai le tlâng chînhai chun in hmaah hla sak suok phut an tih, phûl thing po pohai chun an kut ben bawk an tih.

ISAI 61:4

Chun, hmun hlui se tahai chu rem nâwk an ta, kha hmaa khuo râusana lo um tahai chu inngîr ṭha nâwk an ta, khawpui se tah, suon tamtak râusana um ta chu siem ṭha nâwk an tih.

ISAI 63:9

An lunginzîngna po poa chun ama chu a lunginzîng ve hlak a, vân- tirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl tah a; tienlai ni po poa chun anni chu a puokin anni chu a pawm hlak a.

MIKA 4:10

Aw Zion naunu, nuhmei nau invawi nau nei ding angin na tuor la, invawi rawh; tuhin khawpuia in- thawk fe suok i ta, ramah chêng i tih. Babulon chen khawmin i fe ding a ni sih a: chutaka chun sansuokin um i ta, chutaka chun i hmêlmahai kuta inthawkin LALPA chun sansuok a ti che.

GALATI 4:27

“Nang ching, nau nei ngai lo hlim rawh. Nang nauha invawi ngai lo khêk suok rawh; Pasal nei mi nêk chun khawsâwtnu chun Nauhai a nei tam lem sih a,” ti ziek a ni kha.