ISAI 52:8 - Pathien Lekhabu Inthieng (BSI)

⁸ Ngai rawh, i râl vêngtuhai râwl chu! Râwl an insuoh a, hlimtakin hla an sak tâwl chu, LALPA chu Ziona a hung kîr nâwk pha chun inhmatuok- in an hmu ding a ni sih a.

ISAI 52:8 ပူးပေါင်းရင်းမြစ်များ

INPÂKNA HLABU 102:22

LALPA rawngbâwl dinga, Mi tin le ram tin an inkhâwm pha chun.

HLAHAI HLA 3:3

Vêngtu khawpui fang vêltuhai chun an mi hmuh a, An kuoma chun, “Ka thlain a hmangai kha in lo hmu am?” ka tih a.

HLAHAI HLA 5:7

Vêngtuhai khawpuia fe vêlhai chun an mi hmuh a, An mi vuok a, an mi sukhliem a; Kul vêngtuhai chun ka puon lukhum an mi lâkpêk a.

ISAI 24:14

Chuonghai chun an râwl in- suong an ta, khêk an tih; LALPA ropuina leiin tuisuorieta inthawkin inringtakin an khêk ie.

ISAI 26:1

Chu nia chun Juda ramah hi hla hi sak an tih; “Khawpui dettak ei nei a, ama chun sandamna chu kul banghai le kulpuihai leh ruot a tih.

ISAI 27:2

Chu nia chun, “Uoin grêp huon pakhat chu, chu chu chawimawiin hla sak ro.

ISAI 30:26

Chu naw khawm chu, LALPA chun a mihai silna chu a tuom a, an sâtna pawphai chu a sukdam ni chun, thla var chu nisa var tlukin um tâng a ta, nisa var chu a lêt sariin, ni sari sûng var tlukin, um tâng a tih.

ISAI 35:10

chun, LALPA intlanhai chu kîr nâwk an ta, hla sak pumin Zion chu tlung an tih; chatuona lâwmna an lu chungah um tâng a ta, hlimna le lâwmna hmûng an tih, lungngaina le inrûmna chu bo tâng a tih.

ISAI 40:9

Aw Zion kuoma chanchin ṭha hriltu, tlâng insângtaka hin hang fe rawh, aw Jerusalem kuoma chanchin ṭha hriltu, inringtakin i râwl insuo rawh; insuo rawh, ṭi naw rawh; Juda khuohai kuoma chun, “En ta u, in Pathien hi!

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “LALPA chun a siehlaw Jakobhai chu ân tlan tah,” ti ro.

ISAI 56:10

A râl vêngtuhai chu an mit ân del a, hrietna nei naw ruok an na; ui râwl nei lo ruok an na, an inngak thei nawh; mang nei a, zâl zing a, imu hêmi an nih.

ISAI 58:1

“Inringtakin khêk rawh, in- dawi naw rawh, tawtawrâwt angin i râwl insuo tuor tuor la, ka mihai kuomah an bawsietna chu hril la, Jakob sûnghai kuoma chun an suolnahai chu hril bawk rawh.

ISAI 62:6

Aw Jerusalem, i kul chungah râl vêngtuhai kân vêngtir a, asûn azânin ieng tika khawm to naw ni hai; nangni LALPA hrietpuitua umhai, um ṭawk ṭawk dêr naw ro,

JEREMIA 31:12

Chun, hung an ta, Zion tlâng insângna laiahai chun hla hung sak an ta; LALPA ṭhatnaa chun bua leh, uoina leh, hrieka leh, berâm le bâwng ruol têhaiah lâwm an tih; an thla chu tuihnâwngtak huon ang nîng a ta, lungngai nâwk ta hrim hrim naw ni hai.

JEREMIA 32:39

kumkhuoa an mi ṭi theina dingin anni chu lungril pakhat le lampui pakhat chau pêng ka tih; anni le an hnunga an thlahai ṭhatna dingin.

JEREMIA 33:11

hlimna râwl dâm, lâwmna râwl dâm, moneitu râwl dâm, mo le, ‘Sipaihai LALPA kuoma chun lâwmthu hril ro, LALPA chu a ṭha sih a; a zainêmna chu kumkhuoin um zing a tih,’ tituhai râwl le, LALPA ina lâwmthu hrilna inthâwinahai hung chawituhai râwl ri chu. Hi ram sal intângna hi a tîr ang khan ka lamlêt ding a ni sih a, LALPA chun a tih.

JEREMIA 33:7

Juda sal intângna le Israel sal intângna chu inlamlêttir ka ta, a tîra ang khan anni chu rem ka tih.

JEREMIA 6:17

nisienlakhawm, “Chu chu hraw naw ning ungah,” an tih a. Chun, in chunga chun vêngtu ka sieh a, “Taw- tawrâwt ri chu lo ngai ta u,” tiin, nisienlakhawm, anni chun, “Ngai naw ning ungah,” an tih a.

EZEKIEL 3:17

“Mihriem naupa, Israel sûng- kuo vêngtu dingin ka siem che a nih: chuleiin, ka baua thu chu ngai la, keimaa inthawkin vaulâwkna chu pe rawh.

EZEKIEL 33:7

Chuongchun, nang mihriem naupa, Israel sûngkuo ta ding chun vêngtuah ka sie ta che a nih; chuleiin, ka baua thu chu hre la, anni chu keimaa inthawka vaulâwkna chu pe rawh.

ZEPHANIA 3:9

Chun, chutaka inthawk chun hmûr inthieng put chihai kuoma chun kîr nâwk ka ta, lungril hmun- khata a rawng bâwl dinga LALPA hming chu an rênga an lam theina dingin.

ZEKARIA 12:8

Chu ni chun LALPA chun Jerusalem hluotuhai chu hliekhûng a ta, chu nia anni laia hrât naw chu David ang nîng a ta; chun, David sûngkuo chu Pathien ang, an hmaa LALPA vântirko ang chu nîng a tih.

THILTHAWHAI 2:1

Chun, Pentikost ni a hung tlungin, an rêngin hmun khatah an um khâwm vawng a.

THILTHAWHAI 4:32

Chun, a ringtu mipuihai chu lungril hmunkhat le ngaituo hmun- khatin an um a; anni laia pakhat khawmin an sum nei, “Ka ta bîk a nih,” an ti nawh; thil po po an inṭâwm lem hlak.

1 KORINTH 1:10

Chun, unauhai, in rênga thu hmunkhat in hril a, nangni lai inṭhena hrim a um nawna dingin, lungril hmunkhat le ngaituo hmunkhata feltaka in inzawm tlat lemna dingin ei Lalpa Isu Krista hmingin ka ngên cheu.

1 KORINTH 13:12

Tuhin chu hlimenah ei hmu rei ruoi a nih, chu chu pha ruok chun inhmatuoin ni tâng a tih. Tuhin chu a kim loin ei hriet a, chu pha ruok chun hriet kim ka ni ang bawk hin hre kim tâng ka tih.

HEBRAIHAI 13:17

In hotuhai thu awi unla, an thu thuin um ro; chanchin hril ding an ni leiin, lungngai puma hril loa, hlim puma an hril theina dingin, in thlarau an vêng pêk hlak cheu a nih; lungngai puma hril chu in ta dingin a pawi ding a ni sih a.

THUPUONGSUO 18:20

“Aw vân le nangni mi in- thienghai, tirkohai dâm, zâwlneihai dâm, lâwm ro, ama chun in chunga ro a rêlna chun Pathienin a chungah ro a rêl ve ta hi,” tiin.

THUPUONGSUO 19:4

Chun, upa sâwmhni le pali le thilhring palihai chu an bawkkhup a, “Amen, Halleluia,” tiin Pathien lalṭhungphaa ṭhung chu chibai an bûk a.