ISAI 52:4 - Pathien Lekhabu Inthieng (BSI)

⁴ Lalpa PATHIEN chun hieng ang hin a ti sih a, “Ka mihai chu a tira chun Aigupta rama um dingin an fe thla a, chun, Assuria mihai chun ieng lei ni loin an nêksâwr tâwl a.

ISAI 52:4 ပူးပေါင်းရင်းမြစ်များ

INṬANNA 46:6

Chuongchun, Jakob le a thlahai po po chun, Kanaana an them suok,an ranhai le an thuomhnawhai chu an sawm a, Aigupta chu an tlung tah a.

INṬANNA 46:7

Jakob chun a naupasalhai, a tupahai, a naunuhmeihai, a tunuhai, a thlahai po po chu, Aiguptaa chun a lûtpui tâwl tah a.

JOB LEKHABU (THE BOOK OF JOB) 2:3

LALPA chun Setan kuoma chun, “Ka siehlaw Job hi i ngaituo hlak am? Hnuoi chunga hin ama anga mi fel le mi tluong, Pathien ṭi mi le suol nghat- san mi an um si nawh a; a san nei loa ama sukbohmang dinga a chungah i mîn chângtir khawma ama chun a ringumna chu a chel det tlat a nih,” a tih a.

INPÂKNA HLABU 25:3

Anih, nangma nghâktu hrim hrim chu tukhawm muolphoin um naw ni hai, A san um loa vervêktaka thawtuhai ruok chu muolphoin um an tih.

INPÂKNA HLABU 44:12

I mihai hi iengkhawm niloah i zawr a, An man chu i hausakpui chuong si nawh.

INPÂKNA HLABU 69:4

A san boa a mi theidatuhai chu ka samzai nêkin an tam lem a, Indiknawtaka mi doa, mi sukbohmang tumtuhai chu mi hrâttak an nih, Kân rûk dêr naw khawm an min rultir a.

ISAI 14:25

ka ruot ang tak hin um bawk a tih: ka rama chun Assuria mi chu suksieng ka ta, ka tlângahai chun chîl hrep ka tih, ti ang hin; chu hnunga chun a rîngkawl inbâttir chu annia inthawk chun bo tâng a ta, an rik inphurtir chu anni liengkoa inthawk chun bo bawk tâng a tih.

JEREMIA 50:17

“Israel chu berâm indar a nih: sakeibakneihai chun ama chu an lo hnawt hmang tah a; a hmasatak chun Assuria lal chun anni chu a fâkzo a; a tâwpah Babulon lal Nebukadnezzar hin a ruhai chu a sukthliek tah a.

JOHAN 15:25

Ieng khawm ni sien, an Dân Lekhabuah, ‘Annîn a san boin an mi theida,’ ti thu ziek kha, a hung tlungna dingin an thaw a ni hi.