ISAI 52:13 - Pathien Lekhabu Inthieng (BSI)

¹³ Ngai ta, ka siehlaw chun vartakin thâwng a ta, chawimawi le chawisângin um a ta, insângtakin um a tih.

ISAI 52:13 ပူးပေါင်းရင်းမြစ်များ

ISAI 42:1

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

ISAI 49:1

Aw thlierkârhai, ka thu ngai unla, hlataka mi tinhai, lo ngai bawk ro; LALPA chun sula inthawk hrimin a mi ko a; ka nu phîng sûnga inthawk hrimin ka hming a lo hril tah a;

ISAI 49:3

chun, ka kuomah, “Nang chu ka siehlaw i na; Israel, chawimawia ka umna ding chu i nih,” a tih a.

ISAI 53:12

Chuleiin, ama chu mi lienhai chanvo ang sem vêng ka ta, ama chun râllâk sumhai chu mi hrâthai sem vêng a tih; a hringna chu thi khawp raka a bunthlâk a, bawsetuhai laia tiemsaa a um leiin; nisienlakhawm, mi tamtak suolna chu a phur a, baw- setuhai ta ding chun a ṭawngṭaipêk a.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti sih a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

JEREMIA 23:5

Ngai ta, nihai chu a hung tlung mêk; LALPA chun a tih: David-a hin kau feltak chu hung inṭotir ka ta, ama chun lal angin rorêl a ta, vartak- in thâwng a ta; rama chun rorêlna le felna chu suksuok a tih.

EZEKIEL 34:23

An chunga chun berâmpu pakhat sieng ka ta, ka siehlaw David ngei chu, ama chun anni chu châwm a ta, an ta dingin berâmpu nîng a tih.

ZEKARIA 3:8

Tuhin thiempu lal aw Josua, nang le i hmaa i rawihai ṭhung hlakhai le chun ngai ta u; inchikna dinga mihai an ni sih a; ngai ta u, a Kau, ka siehlaw chu ka hung lâk suok ding a ni sih a.

MATTHAI 28:18

Chuongchun Isu chu an kuomah a hung a, anni rawi chu a biek a, “Hnuoi le vâna thuneina po po ka kuomah pêk a ni tah.

JOHAN 3:31

“Chung tienga hung chu mi po po nêka chunghnungtak a nih; hnuoia pieng chu hnuoia mi a nih, hnuoi thu a hril hlak, vâna inthawka hung chu mi po po nêka chunghnungtak a nih.

HEBRAIHAI 1:3

Ama chu a Pathien ropuina var le, a tak angpui ngei leh, ama thil- thawtheina thuah iengkim tungding- tu niin, suolhai a sukthieng hnungin chung tienga Ropuitak changtienga khin a hang ṭhung a.