ISAI 52:1 - Pathien Lekhabu Inthieng (BSI)

¹ Aw Zion, har la, har la, i hrâtna inbel rawh; aw Jeru- salem, khawpui inthieng, i silfên mawitakhai chu inbel rawh; tuta chen chu sertanlo le mi pawrche chu i sûngah an lût ta âwm si nawh a.

ISAI 52:1 ပူးပေါင်းရင်းမြစ်များ

1 CHANCHIN SUINA 16:29

LALPA kuomah a hming ropui chu pe unla, Thil inhlân ding chawiin, a hmaah hung ro. Aw, inthieng mawina inbelin LALPA chu chibai bûk ro.

NEHEMIA 11:1

Mipuihai hotuhai chu Jeru- salema chun an um a; sâwm laia pakhat pei khawpui inthieng Jerusalema um ding le sâwm laia pakuo khaw danga um dinghai in- hrietna dingin, mi dang po chun ai an sân a.

INPÂKNA HLABU 110:3

I mihai chu i thilthawtheina nia chun mâni nuomthuin an inpêk hlak a, Inthieng mawinaah, zîngkâr phîng sûnga inthawkin, I tleirâwl daidaw chu i nei a.

FESUOKNA 28:2

I unaupa Aron ta dingin mawina ding le ropuina dingin silfên inthieng i siempêk ding a nih.

FESUOKNA 28:40

“Aron naupasalhai ta dinga mawina le ropuina dingin zakaw- chunghai, kâwngkhihai le lukhimhai siempêk i tih.

ISAI 1:21

Iengtiziea khawpui ringumtak chu nawchizawra inchang el am a ni le aw! Rorêl felnaa sipnu a ni hlak vei leh! Amaa chun felna a um hlak a, tu ruok hin chu tuolthattuhai an um lem ta hi.

ISAI 1:26

chun, i chungah rorêltuhai chu a tîra an um ang khan inumtir nâwk ka ta, i sûnga remruottuhai chu a hmasa taka an um ang khan inumtir nâwk bawk ka tih; chu hnunga chun, ‘Felna khawpui, khawpui ringumtak,’ la tîng an ti che.

ISAI 26:2

Hnam fel thutak zâwmtu chu a lût theina dingin kul kawtkhârhai chu hawng ro.

ISAI 35:8

Chun, chutaka chun lamlien um a tih; lampui leh, chu chu, “In- thiengna Lampui,” tîng an ta; mi inthieng naw chu chutaka chun fe naw ni hai; amiruokchu, chuhai ta ding chun ni lem a tih; mi inzin inlawnhai, anih, mi invêthai khawm, chutaka chun inhmang naw ni hai.

ISAI 4:3

Chun, Ziona la um le, Jerusalem- a la umhai chu inthieng ti ni tâng an tih, Jerusalema a la damhai laia hming ziekhai po po chu:

ISAI 48:2

(Khawpui inthienga mi an inti si hlak a, Israelhai Pathien chungah ringna an innghat bawk a nih; a hming chu sipaihai LALPA a nih).

ISAI 49:18

“Tang la, i mit inlên vêl la, en rawh; hieng po po hi an inkhâwm a, i kuomah an hung a ni hi. Ka hringna sâlin, ‘Nang chun chawimawina inbel angin hienghai hin inbelin, mo chu ân khit angin, hienghai hin inkhit ngei i tih’, LALPAIN a tih.

ISAI 51:17

Aw Jerusalem, LALPA kuta inthawka a lunginsenna noa mi dâwntunu, har la, har la, tho rawh, nang chun pêm pêmna no berbua mi chu i dâwn a, i dâwn fai rêt a.

ISAI 51:9

Aw LALPA bân, har la, har la, hrâtna thar inbel rawh; tienlaia, tien- lai suonhai um laia i har ang khan har rawh. Nang hi Rahab sât nawi- tu, dragon suntu kha i ni an nâwm a nih?

ISAI 60:1

Tho la, var rawh, i var chu a hung tlung a; LALPA ropuina chu i chungah a hung suok ta hi.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 61:10

LALPAA chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta sih a.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pea, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, LALPA phunhai ti an ni theina dingin.

ISAI 64:10

I khawpui inthienghai chu thlalêrah a hung inchang a, Zion chu thlalêrah a hung inchang a, Jerusa- lem chu hmun râusanah a hung inchang ta hi.

JEREMIA 31:23

Sipaihai LALPA, Israel Pathien chun hieng hin a tih: An sal intângna ka hung lâk kîr nâwk pha chun Juda rama le chutaka khawpuihaia chun hi ṭawngbau hi la hmang nâwk an tih: “Aw indikna chêngna, LALPA chun mal sâwm raw se che,” ti dâm le, “Aw inthiengna tlâng,” ti dâm hi.

EZEKIEL 44:9

“Lalpa PATHIEN chun hieng hin a ti a nih: Mi hmêlmak, lungrila ser- tan lo, tisa khawma sertan lo mi hmêlmak ieng ang khawm Israel thlahai laia lo um ta khawm chu, ka hmun inthienga chun a lût ding a ni nawh a.

DANIEL 10:9

A thuhril ri chu ka la hriet ta rawp a: chun, a thuhril ri chu ka hriet phingleh, hnuoitienga ka hmai in- nghatin ka bawkkhup a, inhniktakin ka in tah a.

JOEL 3:17

Chuongchun, LALPA in Pathien ka tlâng inthieng Ziona chêng ka nih ti hrieng in tih; chuongchun, Jerusa- lem khuo chu inthieng a ta, mikhuol tukhawm fethleng nâwk ta dêr naw ni hai.

NAHUM 1:15

Tlânghaia chanchin ṭha in- tluna, inremna thu tlânginsampui- tuhai ke chu en ta! Aw Juda, i ruoi- ṭhenahai chu inser la, i thutiemhai chu sukpuitling rawh; mi rilo chun a pal thleng nâwk ta âwm si naw cheh a, sukbohmang dêr a ni tah a nih.

HAGGAI 2:4

Anachu, Aw Zerubbabel, tuhin insukhrât rawh,’ LALPA chun a ti a nih; LALPA chun, ‘Aw Josua, nang Jehozadak naupa thiempu lal, in- sukhrât la, a rama mi po pohai, insukhrât unla, sin chu thaw ro,’ a tih, nangni lai ka um si a, mipuihai LALPA chun a tih:

ZEKARIA 3:4

Vântirko chun, a hmaa ngîrhai kuoma chun, “Amaa inthawkin silfên ṭawptak kha la hmang ro,” a ta. Chun, ama kuoma khawm chun, “Ngai ta, i suolna chu nangmaa inthawkin kân fe hmangtir tah a, silfên man tamtak- in kân thuom ding che a nih,” a ta.

MATTHAI 4:5

Chu zoa chun diebol chun khaw inthienga chun a ṭhuoi lût a, Pathien biekin sîp zuma chun a sieh a;

LUKA 15:22

Nisienlakhawm, a pa chun a suokhai kuomah, ‘Puon ṭha tak kha hung la vat unla, insiltir ro; a kutah kutsebi dâm, a keah kekawk dâm inbuntir ro;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:14

Lalpa Isu Krista chun inthuom lem unla, in tisa inhâwkna puitlin dingin iengkhawm insiem naw ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:22

chu chu Pathien felna, Isu Krista ringna leia ama awitu taphawt kuoma suklanga um chu a nih; a danglamna hrim a um nawh a.

EPHESI 4:24

mihriem thar, felna le inthieng- na indiktaka Pathien angpuia siem chun inthuom ro.

EPHESI 5:14

suklanga um taphawt chu var a ni sih a. Chuleiin, “Nang a in! meng la, Mithi laia inthawkin tho rawh. Chuongchun, Krista chun, Hung ên var a ti che,” a ti kha.

EPHESI 6:10

A tâwp taka chun Lalpaa le a hrâtna thahruia chun thilthawtheina neiin um ro.

THUPUONGSUO 11:2

Biekin puotienga inhuonna sûng tuollai ruok chu inkhi sa naw, chu chu Jentailhai kuoma pêk a ni ta sih a; anni chun khaw Inthieng chu thla sawmli pahni sir dêng an tih.

THUPUONGSUO 19:14

Vâna sipaihai chun, puon zai inhmi vârtak, faitak silin, sakawr vârhai chunga chuongin an zui a.

THUPUONGSUO 19:8

Puon zai inhmi faitak, vârtak sil phal pêk a nih a, (puon zai inhmi chu mi inthienghai thilthaw fel a ni sih a.)

THUPUONGSUO 21:2

Chun, khaw inthieng Jerusalem thar chu, mo a pasal ela ân chei angin inzosa hieuin, Pathien kuoma vâna inthawka hung ṭum ka hmu bawk a.

THUPUONGSUO 21:27

Nisienlakhawm, thil inthieng- naw hrim lût dêr naw nih a, thil tirdakum thawhai le khêlinhlip khawm lût naw bawk an tih; Berâmte Hringna Bua hming an ziekhai chau lût an tih.