ISAI 51:16 - Pathien Lekhabu Inthieng (BSI)

¹⁶ Chun, vân khi ka keiphar thei a, leihnuoi innghatsan chu ka phûm thei a, Zionhai kuomah, “Ka mihai in nih,” ka ti theina dingin ka thuhai chu i bauah ka sie a, ka kutin ka hum che a nih.

ISAI 51:16 ပူးပေါင်းရင်းမြစ်များ

INPÂKNA HLABU 75:3

Hnuoi le a chunga um po pohai chu an intuihmang zo tah: Keiin a banhai chu ka phun a nih.

INPÂKNA HLABU 91:4

A thla chun inkhum a ti cheh a, A thla hnuoia chun himtakin um i ta, A thutak chu phaw chîn le phaw lien a nih.

INPÂKNA HLABU 92:13

LALPA ina phunhai chu, Ei Pathien biekin inhuonna tuol sûnga chun inno hlut hlut an tih.

FESUOKNA 33:22

ka ropuinain a fe khêl lai che chun lungpui kak kârah sieng ka ti cheh a, ka kutin i hmai hlieng ka ti che;

FESUOKNA 4:15

Ama kuoma chun thu hril i ta, thuhai chu ama bauah sieng i ta: i bau le ama baua chun um ka ta, ieng am in thaw ding chu inchûktir ka ti cheu.

ISAI 45:18

LALPA vân siemtu (ama chu Pathien), leihnuoi hi inngira siemtu chu (ama chun leihnuoi hi a sukdet a, iengkhawm ni loin a siem nawh a, mihriem umna dingin ân ngîr lem a nih) hieng ang hin a ti sih a, “Kei hi LALPA chu ka na, a dang hrim hrim an um nawh.

ISAI 48:13

Anih, ka kut hin leihnuoi innghatsan chu a phûm a, ka kut changtieng hin vânhai khi a keiphar a; ka ko phingleh an ngîr khâwm hlak.

ISAI 49:2

ka bau hi kâwlhnâm ngeitak angin a siem a, a kuta chun a mi thuphmang a, thal nâwt tle varah a mi siem a, a thal bâwma chun a mi khum tlat a;

ISAI 49:8

LALPA chun hieng ang hin a tih, “Hun lâwmumah ka dawn cheh a, sandamna niah ka ṭhangpui che; ram inngîr ding le rochan ram râusan ta hnunghai annirawi chu inhluotir dingin ka humhim chein, mihai thuthlung dingin ka ruot che:

ISAI 50:4

Mi sâwltak chu thua ka suksâwl- dam theina dingin LALPA Pathien chun inchûktirhai lei a mi pêk a; ama chun tûk tinin a keihar a, inchûk- tirhaiin an hriet anga hre dingin ka na hi a keihar hlak.

ISAI 57:19

Kei chun hmûrhai ra ka siem hlak a, ‘Inremna, inremna, hlataka um kuoma le hnaitaka um kuoma chun um raw se,’ LALPAIN a tih, ama chu sukdam ka tih.

ISAI 59:21

“Kei chu hi hi a nih an kuoma ka thuthlung chu: ka thlarau i chunga um le, ka thu i baua ka siehai chun, tuta inthawka chatuon chen khawmin i bau chu suoksan naw ni hai a, i thlahai thla nâwk sâwng bau khawm suoksan bawk naw ni hai,” LALPAIN a tih.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pea, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, LALPA phunhai ti an ni theina dingin.

ISAI 65:17

Ngai ta u, vân tharhai le hnuoi thar ka siem a ni hi; kha hmaa thilhai chu hriet zingin um ta naw nih a; lungrila khawm lût ta bawk naw ni.

ISAI 66:22

Vân tharhai le hnuoi thar ka la siem ding chu ka hmaa a um zing angin, in thlahai le in hming chu a um zing bawk ding a nih, LALPAIN a tih.

JEREMIA 1:9

Chun, LALPA chun a kutin a hung ban a, ka bau chu a tâwk tah a; chun, LALPA chun ka kuoma chun, “Ngai ta, i baua chun ka thuhai chu ka sie tah,

JEREMIA 24:7

An kuoma chun, LALPA ka nih ti mi hre dingin lungril pêng ka ta; chuongchun, ka mihai nîng an ta, kei khawm an Pathien nîng ka tih; an lungril po po leh ka kuomah an hung kîr nâwk ding a ni sih a.

JEREMIA 31:33

Amiruokchu, chuong nihai hnunga Israel sûngkuo le thuthlung ka siem ding chu hi hi nîng a tih, LALPA chun a tih: an sûngrilahai chun ka dân chu sieng ka ta, an lungrilahai chun ziek bawk ka tih; chun, an Pathien nîng ka ta, anni chu ka mihai nîng an tih,

JEREMIA 32:38

anni chu ka mihai nîng an ta, kei khawm an Pathien nîng ka tih;

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni ang- in fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘LALPA chu ka Pathien a nih,’ mi tîng an tih,” a ta.

ZEKARIA 8:8

anni chu hung ṭhuoi ka ta, Jerusalem sûnga chun chêng an tih; chun, anni chu ka mihai nîng an ta, kei chu, felna le indiknain an Pathien nîng ka tih,” tiin.

JOHAN 17:8

Nangin thu i mi pêkhai kha an kuoma ka pêk ta sih a; chuong chu an vawn a, i kuoma inthawka suok ka nih ti indiktakin an hriet tah, nangin i mi tir ti khawm an awi tah.

JOHAN 3:34

Pathien itir chun Pathien thu a hril hlak; ama chu Pathienin inkhi kherin Thlarau a pêk si nawh.

DÂN PAHNINA 18:18

An unauhai laia inthawkin nangma ang zâwlnei siempêk ka ta; a bauah ka thuhai sieng ka ta, a kuoma thu ka pêk taphawt chu an kuomah hril a tih.

DÂN PAHNINA 33:27

Chatuon Pathien chu în humhimna a na, Hnuoi tienga chun chatuon bân a um, Hmêlmahai chu a vaikiengpêk hlak cheh a, ‘Sukbohmang rawh,’ a tih a.

HEBRAIHAI 8:10

Chuong ni hnunga chun Israel sûnghai kuoma Thu ka thlung ding chu hieng hi a nih, Lalpain a tih; An lungrilah ka thupêkhai sieng ka ta, An lungrilah ziek bawk ka ta; Chun, anni ta dingin Pathien nîng ka ta, Keia ta dingin anni chu ka mihai ni bawk an tih:

2 PETER 3:13

Nisienlakhawm, a thutiem ang chun vân tharhai le hnuoi thar, a sûnga felna umhai chu ei beisei a nih.

THUPUONGSUO 1:1

Isu Krista thuphuongsuo, Pathienin a suokhai inhriettir dinga a kuoma a pêk, thil hung um vak ding thu chu; chu chu a vântirko hmangin a suok Johan kuomah a hung inhriettir a;