ISAI 51:15 - Pathien Lekhabu Inthieng (BSI)

¹⁵ Kei LALPA i Pathien, a fâwnhai chu inri hum hum khawpa tuisuoriet chawklettu chu ka ni sih a; ka hming chu sipaihai LALPA a nih.

ISAI 51:15 ပူးပေါင်းရင်းမြစ်များ

NEHEMIA 9:11

Chun, an hmaa chun tuisuoriet chu i sukṭheh a, chuongchun, hnuoi hulah tuisuoriet sûng chu an fe thleng a; anni hnawttuhai chu tui inthûktakah, tui nasataka lung pei lût ang elin i pei lût a.

JOB LEKHABU (THE BOOK OF JOB) 26:12

A thilthawtheinain tuisuoriet chu a sukreh a, A hrietthiemna chun Rahab chu a sukthlûk bawk a;

INPÂKNA HLABU 107:25

Ama chun thu a pêk a, thlipui ân hrângtir a, Chu chun a tuifâwnhai chu a suksâng hlak.

INPÂKNA HLABU 136:13

Tuisuoriet Sen sukṭhetu kuoma chun: A ngilneina chu kumkhaw- tluongin a um ding a ni sih a.

INPÂKNA HLABU 74:13

Nang chun i hrâtnain tuisuoriet kha i sukṭheh a, Nang chun tuia drakonhai luhai chu i sukkawi a.

FESUOKNA 6:7

Ka mihai ni dingin lâng ka ti cheu a, in ta dingin Pathien ni bawk ka tih; chun, Aigupta mihai rik- phurna hnuoia inthawka la suoktu cheu, in Pathien LALPA ka nih ti hre tâng in tih.

ISAI 47:4

A mîn tlantu chu a hming sipai- hai LALPA a na, Israelhai Mi Inthieng chu.

ISAI 48:2

(Khawpui inthienga mi an inti si hlak a, Israelhai Pathien chungah ringna an innghat bawk a nih; a hming chu sipaihai LALPA a nih).

ISAI 51:10

Nang hi tuisuoriet, tui inthûk lientak tui sukkangtu, tuisuoriet mawng inthûk chu intlanhai kaina dinga lampuia siempêktu i ni nâwm a nih?

ISAI 54:5

Nangma siemtu chu i pasal a ni sih a; a hming chu sipaihai LALPA a nih; Israelhai Mi Inthieng chu nang- ma intlantu a ni bawk a nih; ama chu khawvêl po po Pathien tîng an tih.

JEREMIA 10:16

Jakob chanvo chu hieng ang hi a ni ve nawh a; thil po pohai siemtu chu a na; Israel chu a rochan hnam a na; sipaihai LALPA chu a hming a nih.

JEREMIA 31:35

Sûna nisa chu var dinga pea, zâna arasihai le thla var dinga ruotna petu, tuisuoriet chu chawkthoa, tuifâwnhai inrûmtirtu LALPA chun hieng hin a tih: ama chu sipaihai LALPA chu a hming a na;

JEREMIA 51:5

Israelhai amanih, Judahai ama- nih, an Pathien, sipaihai LALPA chu a nghatsan si nawh a; an ram chu Israel Mi Inthieng dodâlin khawhlo- nain sip hle sien khawm.

LEVI DÂN 11:44

Kei hi LALPA in Pathien ka ni sih a; chuleiin, insukthieng unla, inthiengin um ro; kei kân thieng sih a; hnuoia chêng, bawkinvâk chi a ieng ieng khawma insukpawrche naw ro.