ISAI 51:10 - Pathien Lekhabu Inthieng (BSI)

¹⁰ Nang hi tuisuoriet, tui inthûk lientak tui sukkangtu, tuisuoriet mawng inthûk chu intlanhai kaina dinga lampuia siempêktu i ni nâwm a nih?

ISAI 51:10 ပူးပေါင်းရင်းမြစ်များ

INPÂKNA HLABU 106:10

Anni theidatu kuta inthawk chun a sandam a, Hmêlma kuta inthawk chun ân tlan tah a.

INPÂKNA HLABU 106:9

Tuisuoriet Sen chu a hal a; chuongchun, a kang tah a, Chuongchun, anni chu thlalêra ṭhuoi tlang ang elin tui inthûktakahai chun a ṭhuoi tlang tah a.

INPÂKNA HLABU 74:13

Nang chun i hrâtnain tuisuoriet kha i sukṭheh a, Nang chun tuia drakonhai luhai chu i sukkawi a.

INPÂKNA HLABU 77:19

I lampui chu tuisuorietah a um a, I lampuihai chu tui lientakah a um a; I kehnunghai khawm hriet a ni nawh.

FESUOKNA 14:29

Israel thlahai ruok chu tuipui kâra chun hnuoi hulah an feh a, tui chu an changtieng le vawitieng chun bang angin a umpêk a.

FESUOKNA 15:13

Nangin i zângainain mipui în tlanhai chu i ṭhuoi a; I umna hmun inthiengah i hrâtnain anni chu i ṭhuoi a.

ISAI 11:15

Chun, LALPA chun Aigupta tuisuoriet kilkawi chu sukse vawng a ta; Vadungpui khawm chu a thli lum vut vut chun a kut thin khum a tih; vadungtê pasaria siem khawp rauin vuong a ta, mihai chu kepha khawm hu loin infekaitir a tih.

ISAI 11:16

Chuongchun, Aigupta rama inthawka an suok nia, Israelhai ta dinga lamlien a lo um ang khan a mihai thi mahla la um sunhai ta ding chun Assuria rama inthawkin lamlien hung um a tih.

ISAI 35:10

chun, LALPA intlanhai chu kîr nâwk an ta, hla sak pumin Zion chu tlung an tih; chatuona lâwmna an lu chungah um tâng a ta, hlimna le lâwmna hmûng an tih, lungngaina le inrûmna chu bo tâng a tih.

ISAI 35:8

Chun, chutaka chun lamlien um a tih; lampui leh, chu chu, “In- thiengna Lampui,” tîng an ta; mi inthieng naw chu chutaka chun fe naw ni hai; amiruokchu, chuhai ta ding chun ni lem a tih; mi inzin inlawnhai, anih, mi invêthai khawm, chutaka chun inhmang naw ni hai.

ISAI 35:9

Sakeibaknei hrim hrim chutaka chun um naw nih a, sa hnukinrâwl hrim hrim chutaka chun hang fe bawk naw nih, chutaka chun hmun ding khawm um naw nih: intlanhai ruok chu chutaka chun fêng an tih;

ISAI 42:15

Tlânghai le muol pâwnghai chu sukchim ka ta, a hlohnahai po po chu sukṭâwl vawng ka tih: vadunghai chu thlierkâra hai siem ka ta, dîlhai chu sukkang ka tih.

ISAI 43:16

LALPA chun hieng ang hin a tih: tuisuorieta lampui siemtu le, tui nasatakhaia lampui siemtu;

ISAI 50:2

Ieng leiin am ka hung khan mi hrim hrim an um nawh a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthaw- theina hrim hrim ka nei nâwm a nih? Ngai ta u, ka kâwknain tuisuoriet ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thuh a, dangchârin an thi hlak.

ISAI 62:12

Chuongchun, anni chu Mi Inthienghai, LALPA intlanhai tîng an tih; nang chu Zawng suok, mâksan naw khawpui, tîng an ti che,’ tiin,” a tih a.

ISAI 63:9

An lunginzîngna po poa chun ama chu a lunginzîng ve hlak a, vân- tirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl tah a; tienlai ni po poa chun anni chu a puokin anni chu a pawm hlak a.

MIKA 7:15

Aigupta rama inthawka i fe suok lai ang khan a kuomah thil maktakhai inentir ka tih.

ZEKARIA 10:11

Chun, ama chun sukrinumna tuisuoriet chu fe thleng a ta, tui- suorieta chun a fâwnhai chu thâwng a ta. Nile li inthûkhai po po khawm chu kang intan a tih; chun, Assuria chapona chu sukhnuoi nîng a ta, Aigupta lalhmawl chu fe hmang tâng a tih.