ISAI 50:6 - Pathien Lekhabu Inthieng (BSI)

⁶ Ka ruongzâng hi vawtuhai kuom- ah ka dawh a, ka bienghai hi hmul phawituhai kuomah ka daw bawk a; muolphonaa le chilsâkkhumnaah ka hmai ka hup nawh.

ISAI 50:6 ပူးပေါင်းရင်းမြစ်များ

NEHEMIA 13:25

Chun, anni chu ka khak tâwl a, ṭawngsie kân phur a, ṭhenkhat lem chu ka vuok a, an sam dâm ka kei phawipêk a, an naunuhmeihai chu chuong naupasalhai chu inneitir lo ding le, chuonghai naunuhmeihai chu an naupasalhai ta dingin amanih, anni ta ding khawma nei lo dingin Pathien sâlin ṭawng kân khâmtir a.

JOB LEKHABU (THE BOOK OF JOB) 16:10

Ka chungah an bau an mi kâk khum a; Hmusittakin ka biengah an mi ben a; Ka chunga chun anni chu an pungkhâwm a.

JOB LEKHABU (THE BOOK OF JOB) 30:10

An mi pâwlser a, keimaa inthawka hlatakah an ngîr a, Ka hmaia chil mi sâk khum khawm an ma nawh.

INPÂKNA HLABU 129:3

Hnuoi inlettuhai chun ka ruongzânga hin hnuoi an inlet a, An changkuong tlâng thlûrhai chu an suksei hleh a.

INPÂKNA HLABU 69:7

Nangma leia hrilsiet ka tuor leiin. Inzaknain ka hmai ân khum zo tah.

INPÂKNA HLABU 69:8

Ka unauhai laia chun mikhuol ka hung ni tah a, Ka nu nauhai kuoma chun hriet ngailo mi ka lo ni tah a.

ISAI 53:5

Nisienlakhawm, ama chu ei bawsietnahai leiin inhliemin a um a, ei khawhlonahai leiin vuok thidukin a um a; ei thlamuongna dinga thu- nunna chu a chungah a tlah a, a vuokna invuolhaia sukdamin ei um tah.

ISAI 53:7

Ama chu nêksawr le sukrinumin a um a, nisienlakhawm, ân ngaitlâwm a, a bau khawm a ka nawh; berâmte that dinga an ṭhuoi ang le berâm a hmul vâwtu hmaa to zinga a um ang elin, anih, a bau a ka nawh.

ṬAP HLA 3:30

Ama bentu chu a bieng dawpêk sienla, kâwknaa sipa suksipin um raw se.

MIKA 5:1

Aw sipai ruol naunu, tuhin sipai ruolah inpunkhâwm la, ama chun a mîn huol tah a na, Israelhai rorêltu chu a bekah hmawlin vuong an tih.

NAMBAR 12:14

Chun, LALPAIN Mosie kuom- ah, “A pain a hmaia chil a sâk ngawt khawma ni sari chu ân zak naw ding am a nih? Riebûk puoah ni sari khum hmang ni sienla, chu zoa chun ṭhuoi lût nâwk ni raw se,” a tih a.

MATTHAI 26:67

Chun, a hmaiah chil an sâk a, kutin an hnawk a;

MATTHAI 27:26

Chu zoa chun Barabba chu ân suopêk tah a; Isu ruok chu a vuok a, krawsa hemde dingin a pêk tah a.

MATTHAI 27:30

Chun, chil an sâk khum a, luong chu an lâkpêk a, a lua chun an vuok a.

MATTHAI 5:39

Kei ruok chun ka hril cheu hi, mi suol khing naw ro. I bieng changtienga ben taphawt che chu a khing tieng khawm dawpêk lem rawh.

MARKA 14:65

Chuongchun, aṭhen lem chun chil an sâk khum phut nghâl el tah a, a hmai an tuom a, an vuok a, a kuomah, “Hril rawh!” an tih a. Chun, manmihai khawm chun chel pumin an ben sawk sawk a.

MARKA 15:19

Chun, a lua chun luongin an vuok a, chil an sâk khum a, dingṭhaṭhuonin chibai an bûk a.

JOHAN 18:22

Chu chu a hril phingleh, a kâwla ngîr manmi pakhatin Isu a ben a, “Thiempu Laltak hieng ang hin i dawn maw?” a ta.

HEBRAIHAI 12:2

Isu ei ringna siemtu le suk- famkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung tah a.