ISAI 50:2 - Pathien Lekhabu Inthieng (BSI)

² Ieng leiin am ka hung khan mi hrim hrim an um nawh a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthaw- theina hrim hrim ka nei nâwm a nih? Ngai ta u, ka kâwknain tuisuoriet ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thuh a, dangchârin an thi hlak.

ISAI 50:2 ပူးပေါင်းရင်းမြစ်များ

INṬANNA 18:14

LALPA ta dingin thil hrim hrim intak taluo a um am a nih? Hun ruotah, hun a tlung tiktik chun, i kuomah hung nâwk ka tih, chun Sara chun naupasal nei a tih,” a ta.

2 CHANCHIN SUINA 32:15

Chuleiin, tuhin Hezekia hin hlêm naw raw se cheu, hieng ang kawng hin thlêmthlu bawk naw raw se cheu, nangni khawma ring hrim hrim naw ro; ka thlatuhai le keima kuta inthawk hin, tu ram amanih, tu hnam amani pathien chun a mihai chu a sansuok thei hrim hrim ngai si nawh a; ka kuta inthawk hin in Pathien chun a va sansuok thei âwm naw cheu deh aw!’” tiin.

INPÂKNA HLABU 106:9

Tuisuoriet Sen chu a hal a; chuongchun, a kang tah a, Chuongchun, anni chu thlalêra ṭhuoi tlang ang elin tui inthûktakahai chun a ṭhuoi tlang tah a.

INPÂKNA HLABU 107:33

Ama chun vadungpuihai chu thlalêrah ân changtir hlak a, Tuihnârhai chu hnuoi ṭâwlah ân changtir bawk hlak.

FESUOKNA 14:21

Chun, Mosiein tuipui chunga chun a kut a phar a, chun LALPAIN sak thli hrâttak zânkhawvâra hrâng- in tuipui chu ân luong kîrtir a, tuipui chu ram ṭâwlah a siem a, tuihai chu an inṭhe tah a.

FESUOKNA 14:29

Israel thlahai ruok chu tuipui kâra chun hnuoi hulah an feh a, tui chu an changtieng le vawitieng chun bang angin a umpêk a.

FESUOKNA 7:18

Chun, vadunga nga umhai chu thîng an ta, vadung chu a thûkin thûng a tih; chun, Aigupta mihai chun vadunga tui chu dâwn dingin tirdak an tih,’ ti rawh,” a tih a.

FESUOKNA 7:21

Vadunga nga umhai chu an thi tah a; chun, vadung chu a thûkin a thu tah a, Aigupta mihai chun vadunga tui chu an dâwn thei ta nawh a: Aigupta ram sûng po poah thisen chu a um sih a.

THUVARHAI 1:24

Ka ko cheu a, in ngaisak nawh a, Ka bân ka pharsuok a, tu- khawma in ngaisak nawh a,

ISAI 11:15

Chun, LALPA chun Aigupta tuisuoriet kilkawi chu sukse vawng a ta; Vadungpui khawm chu a thli lum vut vut chun a kut thin khum a tih; vadungtê pasaria siem khawp rauin vuong a ta, mihai chu kepha khawm hu loin infekaitir a tih.

ISAI 19:5

Chun, tuipui tuihai chu kang a ta, vadunghai chu luong hmangin hung kang intan tâng a tih.

ISAI 23:11

Tuisuoriet chungah a kut a phar a, ramhai chu a sukhnîng a, LALPA chun Kanaan ram chungchâng thuah thu a pêk a, a kulbînghai sukse ding- in.

ISAI 36:20

Chuong ram pathienhai po po laia mi chun tuhaiin am an ram keimaa inthawkin an sanhim ta hlak leh? LALPA chun Jerusalem hi keimaa inthawk hin sanhim uok a ti maw?’ tiin,” a ta.

ISAI 41:28

Chun, ka hei en khawma mi hrim hrim an um nawh a; anni chu ka hei indawn khawmin anni lai remruottu, thu pakhat khawm dawn thei, tukhawm an um dêr nawh.

ISAI 42:15

Tlânghai le muol pâwnghai chu sukchim ka ta, a hlohnahai po po chu sukṭâwl vawng ka tih: vadunghai chu thlierkâra hai siem ka ta, dîlhai chu sukkang ka tih.

ISAI 43:16

LALPA chun hieng ang hin a tih: tuisuorieta lampui siemtu le, tui nasatakhaia lampui siemtu;

ISAI 44:27

tui inthûktak kuoma, ‘Kang intan rawh, i vadunghai khawm ka sukkang ding a nih,’ titu,

ISAI 51:10

Nang hi tuisuoriet, tui inthûk lientak tui sukkangtu, tuisuoriet mawng inthûk chu intlanhai kaina dinga lampuia siempêktu i ni nâwm a nih?

ISAI 54:6

Nuhmei mâk, lungrila lungngai- tak, tlangvâl laia nuhmei tah, pei hnung ko nâwk angin LALPAIN a ko che a ni hi, i Pathienin a tih.

ISAI 59:1

Ngai ta u, LALPA kut chu san- dam theilo dingin suktawiin a um nawh a, a na chu hre theilo dingin, a sêt bawk nawh:

ISAI 59:16

Chun, mi hrim hrim an um nawh ti a hriet a, hnipêktu hrim hrim an um nawh ti a hriet a, hnipêktu hrim hrim an um naw chu mak a tih a; chuleiin, ama bân ngei chun san- damna ân siempêk a, ama felna ngei chun ama le ama ân chelngîr tah a.

ISAI 63:13

An insui nawna dinga tui in- thûktaka thlalêra sakawr ṭhuoi anga anni ṭhuoi kaitu kha khâw lai am?

ISAI 64:6

Mi inthieng naw angin kan lo um vawng ta sih a, kan felnahai po po khawm silfên inthieng naw ang a na; kan rêng hin hna angin kan vuoi hlak a; kan khawhlonahai hin thli angin a mi lên hmang hlak.

ISAI 65:12

ka ko lai cheu khan in mi dawn nuom nawh a, thu ka hril lai khan nain in hriet nuom nawh a, ka mithmuah thil suol chu in thaw lema, ka thil lâwm naw zâwng chu in thlang leiin kâwlhnâmin in chantâwk chu rêlpêk ka ti cheu a, in rêngin thatnaa chun kûn vawng in tih.

ISAI 66:4

Ka ko lai khan tukhawma an mi dawn nawh a, thu ka hril lai khan nain an hriet nawh a, ka mithmua thil suol chu an thaw lem a, ka thil lâwm naw zâwng chu an thlang leiin kei khawmin anni hlêmna ding chu thlangpêk ka ta, an ṭi zâwnghai chu an chungah intlungtir ka tih,” tiin.

JEREMIA 14:9

Ieng dingin am mi maktia um, mi thilthawtheitak sandam thei silo ang chu nîng i ta? Nang chu, Aw LALPA, keini lai hin i um a, i hming chawia ko kan na; keini mi mâksan naw rawh.

JEREMIA 35:14

Uoin dâwn lo dinga thu a naupasalhai a ipêk, Rekab naupa Jonadab thuhai chu thawin a um a, vawisûn ni chen hin an dâwn nawh a, an thlatu thupêk chu an pawm leiin: amiruokchu, zîngkâra thoa thuhrilin, in kuoma chun thu ka hrila chu in ngai si nawh a.

JEREMIA 35:15

Chun, zîngkâra thoa anni hung tirin, ‘Mi tin chu mâni lampui suola inthawk chun hung kîr unla, in thil- thawhai chu siemṭha unla, pathien danghai chu an rawng bâwl dingin zui bawk naw ro, chuongchun, nangni le in thlatuhai kuoma ram ka ipêk cheua hin chêng in tih,’ tiin, ka siehlaw zâwlneihai po po chu in kuomah ka hung tir a; nisienla- khawm, in na khawm in sit nawh a, ngai khawm in mi ngai naw kha.

JEREMIA 5:1

Jerusalem kawtthlêrahai chun hmatieng hnungtieng tlân unla, tuhin va en ta u! chutaka hmun lienahai chun va zawng unla, va hre ta u, mi hrim in va hmuin, mi thil indiktaka thaw a, thudik zawng hrim an um am; chun, chuong a ni chun ngaidam ka tih.

JEREMIA 7:13

Chun, tuhin LALPA chun, ‘Hieng thilthawhai po po hi in thaw ta leiin, inhmataka thoa thu hrilin, in kuoma ngei chun thu ka lo hril tah a; nisienlakhawm, in ngai si nawh a; ka ko cheu a, in mi dawn nawh a;

JEREMIA 7:27

Chun, hieng thuhai po po hi an kuoma chun i hril ding a nih; ami- ruokchu, i thu chu ngai naw ni hai; anni chu ko bawk i ta, nisienla- khawm, dawn naw ni hai che.

JEREMIA 8:6

Ka ngai a, ka lo hriet a, anachu, thudik an hril nâwk a, mi tukhawm, “Ieng am ka lo thaw ta leh,” tiin a khawhlonaa inthawk chun ân sîr nawh a, mi tin chun mâni lampui seng an hrawh a, indonaa sakawr tlân bingbilet ang chun.

DANIEL 3:15

tuhin tawtawrâwt dâm, theihle dâm, ṭingṭang dâm, rawsem dâm, perkhuong dâm, baza le rimawi tinrêng ri chu in hriet pha pha, in bawkkhupa milim ka siem chu chi- bai in bûk ding chun a ṭha; ami- ruokchu, chibai in bûk naw chun, chu dârkâr sûng ngeia chun meithuk chawklai râpthlâktaka chun peiin um in tih; ka kuta inthawka sansuok ding cheu pathien chu tu am a ni leh?” a ta.

DANIEL 3:29

Chuleichun, thupêk ka siem, mi tin, hnam tin, le ṭawng tin, hieng Sadrak, Mesak le Abednego hai Pathien chunga thil hril suol taphawt chu, sât nawi vawng nîng an ta, an inhai khawm chu êk siekhâwmnaa siem nîng a tih; hieng ang kawnga mi sanhim thei pathien dang hrim an um naw leiin,” a ta.

DANIEL 6:20

Daniel kuomah, sakeibakneihai pûk kâwl chu a hung tlung hnai chun, ṭap râwlin a khêk a; lal chun Daniel kuoma chun, “Aw Daniel, Pathien hring siehlawpa, i Pathien a rawng i bâwl zing zing hlak chun sakeibak- neihaia inthawkin a sansuok thei che am a nih?” a ta.

DANIEL 6:27

Ama chun a sansuokin a sanhim a, Hnuoi le vâna khawm thilmakhai le inchiknahai a thawh a, Ama chu sakeibakneihai thilthawtheinaa inthawka Daniel sanhimtu chu a nih,” tiin.

HOSEA 11:2

Ka ko râwn po leh an mi hlat zuol det a, Baalhai kuomah an inthâwi lem a. Mi lim siem fâwmhai kuomah riminhnik an raw a nih.

HOSEA 11:7

Ka mihai chun mi nghatsan an tum zing a, Chuongchun, an ta dingin rîngkawl ruotpêk an nih, Chu chu tukhawma hlîppêk naw nih.

NAHUM 1:4

Tuisuoriet chu a kâwk a, a suk- kangintana, vadunghai po po khawm a sukkangintan zo a, Basan ram le Karmel tlâng an châu a, Lebanon tlâng pâr chu a châu a nih.

HABAKKUK 3:8

LALPA chu vadunghai chungachun a lungawi naw am anih? Vadunghai chunga chun i lunginsenna chu a umin, Tuisuoriet chunga chun i lunginsenna chu a um am a nih? I sakawrhai chunga chun i chuongin, I sandamna sakawr tawlailîr- haia chun i chuong hi?

NAMBAR 11:23

LALPA chun Mosie kuomah, “LALPA kut chu a tawi ta am a nih? I chungah ka thu angin a tlung le tlung naw chu hre nghâl i tih,” a ta.

MARKA 4:39

Chun, ama chu a hung har a, thli chu a hal a, dîl kuoma khawm chun, “To la, um ṭawk ṭawk rawh,” a ta. Chun, thli chu a ma a, a hung re ta ṭhup el a.

JOHAN 1:11

Ama mihai kuomah a hung a, ama mihaiin an lo lâwm si nawh.

JOHAN 3:19

Hi hi thiemnawna a nih, var khawvêlah a hung a, nisienlakhawm, mihaiin var nêkin inthim an dit lem a, an thilthawhai a suol leiin.

JOSUA 3:16

saktienga inthawka tui hung luong thla lai chu a ngîr tah a, hla reiah, Zarethan ram bula Adam khuoa chun a lo inhlawm ngîr ûr el tah a; chun, Araba tuisuoriet, Tui- suoriet Al chu, chu tienga luong lûthai khawm chu suktan vawng an ni tah a; chuongchun, mipuihai chu Jeriko khuo zawn taka chun an kai tah a.