ISAI 50:10 - Pathien Lekhabu Inthieng (BSI)

¹⁰ Nangni laia LALPA chu ṭih a, a siehlaw thuawi chu, tu am a na? Inthima lênga var hrim hrim nei naw chun LALPA hming chu ring sienla, a PATHIEN chungah innghat raw se.

ISAI 50:10 ပူးပေါင်းရင်းမြစ်များ

2 SAMUEL 22:29

Aw LALPA, khâwnvar i ni sih a; LALPA chun kân thimna hi sukvar a tih.

1 CHANCHIN SUINA 5:20

Anni chunga chun ṭhangpuiin an uma, Hagar mihai chu an kuta pêkin an um tah a; anni le um po pohai le chun; indonaa chun Pathien chu an ko a, ama chun anni chu a dawn a, anni chun amaa chun ringna an innghat sih a.

2 CHANCHIN SUINA 20:12

Aw kan Pathien, nangin an chungah ro i rêl ding a ni naw am a nih? Hieng keini mi hung thaw tum pâwl nasatak el chunga hin hrâtna kan nei si nawh a; ieng am thaw ding a na ti khawm kan hriet bawk nawh; nangma tieng kan hung ngha a nih,” tiin.

2 CHANCHIN SUINA 20:20

Chun, zîngkâr inhmatakin an tho a, Tekoa thlalêra chun an hang feh a, chun, chuonga an fe suok lai chun Jehosaphat chu a ngîr a, “Aw Juda le Jerusalema chêngtuhai, mi lo ngai ta u; LALPA in Pathien chu ring unla, chuongchun, sukdetin um in tih; a zâwlneihai chu ring unla, chuongchun, hlawtling in tih,” a ta.

JOB LEKHABU (THE BOOK OF JOB) 13:15

Ama chun mi sukhlum sien khawm, ama chu la beisei rawp ka tih. A hmabulah ka thiemna thu ka la hril ding a ni si a.

JOB LEKHABU (THE BOOK OF JOB) 29:3

A khâwnvar ka lu chungah a var lai, A var ringa inthimna ka fe thleng lai khan;

INPÂKNA HLABU 111:10

LALPA ṭina chu varna bul a na, Chuong anga thaw taphawthai chun hrietthiemna ṭha an nei a. Ama inpâkna chu kumkhaw- tluonga um ding a nih.

INPÂKNA HLABU 128:1

LALPA ṭî taphawt chu an hamṭha ie, A lampui hrawtuhai chu.

INPÂKNA HLABU 145:21

Ka bau hin LALPA inpâkna thu hril a ta; Chun, tisa po po chun a hming inthieng chu kumkhaw- tluongin inpâk raw se.

INPÂKNA HLABU 23:4

Anih, thina hlim varuom hraw lang khawm, Thil ṭha naw hrim hrim ṭi naw ningah, nang ka kuomah i um sih a: I hembâwk le i hmawlin a mi thlamuon hlak a nih.

INPÂKNA HLABU 25:12

LALPA ṭi mi chu tu am a na? Ama chu a lampui thlang ding chu lân entir a tih.

INPÂKNA HLABU 25:14

LALPA thurûk chu ama ṭituhai kuomah a um a, A thuthlung chu anni inhriettir a tih.

INPÂKNA HLABU 28:7

LALPA chu ka hrâtna le ka phaw a na, Ka lungril hin ama chu a ring a; chuongchun, sanin ka um a, Chuleiin, ka lungril hi nasatakin a hlim a, Ka hla chun ama inpâk ka tih.

INPÂKNA HLABU 42:11

Aw ka hringna, iengdinga i kûn zing am? Iengdinga ka sûnga hin i buoi am a na? Pathien beisei rawh, ama chu ka lân pâk ding a ni sih a. Ka hmêl sukmawitu le ka Pathien chu.

INPÂKNA HLABU 62:8

Nangni mipuihai, ienglai khawmin ama chu ring unla, In lungril chu a hmaa chun bunthla ro: Pathien chu ei ta dinga inhumhimna a nih.

THUHRILTU 12:13

Hi hi thil tâwp chu a nih; thil po po chu hriet a ni tah a; Pathien ṭî la, a thupêkhai chu zâwm rawh; hi hi mi- hriem thilthaw ding pumpui chu a nih.

ISAI 10:20

Chun, chu ni chun, Israelhai hlabîkhai le Jakob sûnghai laia a la dam sunhai chun anni thattu chu ring nâwk ta naw ni hai a; LALPA Israelhai Mi Inthieng chu, titakzetin ring lem tâng an tih.

ISAI 12:2

Ngai ta, Pathien chu ka san- damna a na, ring ka ta, ṭiin um naw ning ah; LALPA Jehova chu ka hrâtna le ka hla a ni sih a; a mi sandamtu a lo ni ta bawk a,” tiin.

ISAI 26:9

Ka hringna hin zâna chun a ngai cheh a; anih, ka sûnga thlarau um hin zîngkâr chun ka zawng che; i rorêl- nahai chu hnuoiah a um po leh khawvêla umhai chun felna chu an inchûk hlak sih a.

ISAI 42:1

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

ISAI 50:4

Mi sâwltak chu thua ka suksâwl- dam theina dingin LALPA Pathien chun inchûktirhai lei a mi pêk a; ama chun tûk tinin a keihar a, inchûk- tirhaiin an hriet anga hre dingin ka na hi a keihar hlak.

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

ISAI 59:9

Chuleiin, rorêlna chu einia in- thawka hlatakah a um hlak a, felna chun a mi hnawt phâk ngai bawk nawh: var ei nghâk hlak a, nisienla- khawm, ngai ta, inthim a hung ni hlak; varna ei nghâk hlak a, nisienla- khawm, inthim mupa bawk ei fe hlak.

ISAI 8:17

Kei chun Jakob sûnghai laia a hmai thuptu LALPA chu nghâk ka ta, ama chu thlîr zing ka tih.

ISAI 9:2

Mi inthim hnuoia fehai chun var nasatak an hmu tah a; thina hlim rama umhai chunga ngei chun var a hung var tah a.

ṬAP HLA 3:2

Ama chun a mi ṭhuoi a, varah ni loin, inthimah a mîn lâwntir a.

DANIEL 3:28

Chun, Nebukadnezzar chun a hril a, “Sadrak, Mesak le Abednego hai Pathien, a vântirko hung tir a, a siehlaw ama ringtuhai hung san- himtu chu inpâkin um raw se; lal thuhai chu a hung sukdanglam a, an Pathien chau naw chu pathien dang hrim hrim chu a rawng an bâwla chibai an bûk nawna dingin an taksahai chu a humpêk tah a.

NAHUM 1:7

LALPA chu a ṭha a, lunginzîng nia chun kul nghet a nih, amaa an ringna innghattuhai chu a hriet.

ZEPHANIA 3:12

Amiruokchu, i sûnga chun mi pasiehai le mî sukrimsika umhai chu mâksan ka ta, LALPA hming chu ring tâng an tih.

HAGGAI 1:12

Chuongchun, Sealtiel naupa Zerubbabel le, Jehozadak naupa, Josua, thiempu lal le, chu chi la um sunhai chun LALPA an Pathien râwl le, LALPA an Pathienin ama a tir angin, zâwlnei Haggai thuhai chu an pawm tah a; chuongchun, mipui chun LALPA chu an ṭi tah a.

MALAKI 3:16

Chun, LALPA ṭi mihai chu an inbiek tâwl a; chun, LALPA khawmin anni chu a ngai ngei a, a hriet a, ama hmaa chun hriet zingna lekhabu chu, LALPA ṭituhai le, ama hming ngaituo hlaktuhai ta ding chun ziekin a um tah a.

JOHAN 12:46

êntua khawvêla hung ka ni hi, tûkhawm a mi ring taphawt inthima an um zing nawna dingin.

JOHAN 8:12

Chun, Isûn an kuomah thu a hril nâwk a, “Kei khawvêl êntu ka nih, tûkhawm a mi zui chu inthimah lêng tawp naw ni; hringna var nei lem a tih,” a ta.

EPHESI 5:8

Inhma khan inthim in na, tu ruok hin chu Lalpaa chun var in hung ni ta hi, var nauhai angin um ro,

HEBRAIHAI 5:9

chuongchun, sukṭhat famkima hung umin a thu awi po pohai ta dingin chatuona sandamna bulpui a hung ni tah a,

1 PETER 5:7

amain a ngaisak hlak cheu leiin in lunginzîngna po po ama chungah innghat vawng ro.

1 SAMUEL 30:6

Chun, David chu a lunginzîng hle el a, mi tin an naupasalhai le an naunuhmeihai leiin mi po po an lungril a na êm êm a, ama chu lunga dêng thu an hril leiin; nisienla- khawm, David chu a Pathien LALPAA chun ân sukhrât a.