ISAI 50:1 - Pathien Lekhabu Inthieng (BSI)

¹ LALPA chun hieng ang hin a tih, “In nu mâkna lekha, ka mâkna chu, khaw lai am a um a? Annawleh, ka leibatnahai a tu tak kuom âm ka zawr cheu a? Ngai ta u, in khawhlonahai leiin a nih zawra in um chu, in bawsietnahai leiin a nih in nu khawm kha mâka a um chu.

ISAI 50:1 ပူးပေါင်းရင်းမြစ်များ

1 LALHAI 21:25

(A nuhmei Jezebel infuipawr a, LALPA mithmua thil ṭha naw thaw dinga inzawr Ahab ang hrim hrim hi tukhawm an um nawh.

2 LALHAI 17:17

Chun, an naupasalhai le an naunuhmeihai chu meiah an inlûttir a, aisân le dawi dâm an chîng a,LALPA suklungsenna dingin a mithmua thil ṭha nawtak thaw dingin an inzawr a.

2 LALHAI 4:1

Chun, zâwlnei naupasalhai nu- hmeihai laia nuhmei tu amani chu a khêk a, Elisa kuomah, “I siehlaw ka pasal chu a thi tah a, i siehlaw chun LALPA a ṭi hlak ti i hriet a, chuongchun, a leibatnapa a hung a, ka nauhai pahni suoka um dingin ama kuomah ṭhuoi a tum a nih,” a ta.

NEHEMIA 5:5

Ei taksa chu ei unauhai taksa ang bawk a na; ei nauhai khawm an nauhai ang bawk an ni sih a; nisienla- khawm, hi, ei naunuhmeihai, ei naupasalhai hi siehlawa um dingin suokah ei inlûttir takngiel ding a ni hi; ei naunuhmei ṭhenkhat lem chu suokah an lût ta nghe ngheh a, san ngaina hre nghâl lo me; mihaiin ei huonhai le ei grêp huonhai chu an nei ta sih a,” ti dâm an um nuol bawk a.

ESTHER 7:4

sukchimit ding le, that ding le, sukbohmang ding sa, kei le ka chipuihai hi zawr kan ni ta sih a. Amiruokchu, siehlawpahai, siehlaw- nuhai ding ang dâma zawr ni inlang chu, lal sietna ding chu hmêlma chun a thung zo naw ding khawma, ka to ṭawk ṭawk ding a na,” a ta.

INPÂKNA HLABU 44:12

I mihai hi iengkhawm niloah i zawr a, An man chu i hausakpui chuong si nawh.

FESUOKNA 21:7

“Miin a naunuhmei siehlawnu ni dinga a zawr chun, siehlawpahai suok angin chu minu chu suok thei naw nih.

ISAI 1:28

Nisienlakhawm, bawsetuhai le mi suolhai suksietna chu um inruol a ta, LALPA mâksantuhai khawm sukbohmangin um an tih.

ISAI 27:8

Ama chu în fe hmangtir laiin a hun charin ama chu i sêl a; khawsak thli hrâng ni chun ân thli natak chun ama chu a lên sawn tah a.

ISAI 43:27

In thlatu hmasa tak khan thil a suksuol a, in palaihai khawmin ka hmaah an bawsiet a.

ISAI 46:8

Aw bawsetuhai, chu chu hre zing unla, insukpasal unla, hre suok nâwk ro.

ISAI 52:3

LALPA chun hieng ang hin a ti sih a; “Iengkhawm ni loa zawr in ni tah a, chuongchun, tangka ni loa intlan ni tâng in tih,” tiin.

ISAI 54:6

Nuhmei mâk, lungrila lungngai- tak, tlangvâl laia nuhmei tah, pei hnung ko nâwk angin LALPAIN a ko che a ni hi, i Pathienin a tih.

ISAI 54:7

Mitkhapkâr chau el ka mâk cheh a; nisienlakhawm, lunginsietna nasa- takin ṭhuoi nâwk ka ti che.

ISAI 58:1

“Inringtakin khêk rawh, in- dawi naw rawh, tawtawrâwt angin i râwl insuo tuor tuor la, ka mihai kuomah an bawsietna chu hril la, Jakob sûnghai kuoma chun an suolnahai chu hril bawk rawh.

ISAI 64:6

Mi inthieng naw angin kan lo um vawng ta sih a, kan felnahai po po khawm silfên inthieng naw ang a na; kan rêng hin hna angin kan vuoi hlak a; kan khawhlonahai hin thli angin a mi lên hmang hlak.

JEREMIA 3:1

“Miin a nuhmei a mâk a, ama chu a mâksan a, pasal dang ta a hung ni tah a, amapa chu amanu kuoma chun a lût nâwk ding am a nih? Chuong a ni chun chu ram chu nasa- taka sukpawrche a ni naw ding maw? Nang khawm chu, ngaizâwng tam- takhai le chun nawchizawr angin i lo khawsa tah a, anachu, ka kuoma bawk i hung kîr nâwk ding? LALPA chun a tih.

JEREMIA 3:8

Israel hnungtawl chun uiretna thil a lo thaw ka hmu lei tak chun ama chu ka mâk a, inmâkna lekha ka pêk tah ti a hmu sa khawmin a zuor- puinu rilotak Juda chun ṭitna châng a hriet chuong nawh a, ama ngei khawm chu a fe a, nawchizawrah a khawsa ve tah a.

JEREMIA 4:18

I thilthawhai le i lampui chun hieng thilhai hi ân neitir che a ni hi; hi hi i khawhlona chu a nih: khâk khawm a kha sih a; i lung chen a tlung ta sih a.

HOSEA 4:5

Sûna chun tlûng i ta, nangma leh zânah zâwlnei khawm tlûng a tih; I nu khawm sukbohmang ka tih.

LEVI DÂN 25:39

“I unau a hung paseh a, i kuoma a hung tlulût chun, suok angin i sawr ding a ni nawh a;

MATTHAI 18:25

Pêk ding a nei naw leiin, a pu chun a nuhmei leh, a inei po po leh zawra thung ding thu a pêk a.

DÂN PAHNINA 32:30

Iengtin am pakhatin sâng hnawt a ta, Pahniin sîng intlânsiettir an ta, An Lungpuiin anni a zawr a, LALPAIN anni ân hlân a ni si naw chun?