ISAI 5:6 - Pathien Lekhabu Inthieng (BSI)

⁶ Sukrêm vawng ka ta; sâtderin um naw nih a, cho phitin um bawk naw nih; buor le hlohlingneihai mâwng lem a tih; sûmhai khawm a chungah ruo hrim hrim insûrtir lo dingin thu pe bawk ka tih.

ISAI 5:6 ပူးပေါင်းရင်းမြစ်များ

1 LALHAI 17:1

Tisbe khuo, Gilead rama Tisbe khuoa mi Elija chun Ahab kuoma chun, “LALPA, a hmaa ka ngîrna hlak, Israelhai Pathien hring- na sâlin ka hril a nih; kum ieng zât amani sûng chu ka thu naw chun ruo le dâidaw tla hrim hrim naw nih,” a ta.

1 LALHAI 8:35

I chunga thil an suksuol leia, vân a ping a, ruo dâm a hung sûr naw pha chun hi hmun tieng hi nghaa an ṭawngṭai a, i hming an inpâk a, anni i sukrimsi leia an suolhai an sim chun;

JOB LEKHABU (THE BOOK OF JOB) 31:40

Bu nêkin hlingbuk ṭo lem sienla, buṭei nêkin buor ṭo lem raw se,” tiin. Job thuhrilhai chu a tâwp tah.

THUVARHAI 24:31

Chun, ngai ta, hlinghaiin a lo ṭhangnel vawng a, A phêkin hling bukhaiin ân khum a, A lung banghai khawm chu a chim thla bawk a.

ISAI 24:12

Khawpuia chun rausanna mâk- sanin a um a, a kul kawtkhâr chu vuok sietin a um tah.

ISAI 30:23

Chuongchun, ama chun in bu chi hnuoia in tu ding ta ding chun ruotui chu pêng a ta; hnuoia thil mâwnghai chu bu dingin pêng a tih; chu chu ṭhatak, hlâwktak nîng a ta, chu nia chun in ranhai chu ran tlatna hmun lientakahai chun tlâng an tih.

ISAI 32:10

Nuhmei ngaisamhai, kum khat le ni ieng amani zât chena chun lunginzîng tâng in tih; grêp lo ding hlak a um âwm si nawh a, grêp lo khâwm dinga chun iengkhawm a hung pieng âwm si nawh a.

ISAI 49:19

I hmun se ta le rausan hnunghai le sukbohmang hnung thua chun tuhin a umhai ta ding chun i chîn talaw ngei ngei ding a ni sih a; nangma lemtuhai kha hlatakah an um ta ding a nih.

ISAI 55:13

Hlohlingnei nêk chun fâr mâwng lem a ta, buor nêk chun inhmui mâwng lem a tih; chu chu LALPA ta dinga hmingṭhatna ding le, kum- khawtluonga inchikna sukbohmanga um lo ding nîng a tih.

ISAI 7:19

Chuongchun, hung an ta, an rêngin vadung ruom se rek rukahai, lungpui pûka dâm, hlohlingnei po poa dâm, ran tlatna hmun po poahai fûng an tih.

JEREMIA 14:1

Khawinṭhâl chungthua Jere- mia kuoma LALPA thu hung tlung chu:

JEREMIA 14:22

Khawhri be mihai teplohai lai chun ruo insûrtir thei hrim an um am? Annawleh, vânhai chun ruohai chu a pêk thei am a nih? Aw LALPA kan Pathien, nang chu ama chu i ni a ni naw maw? Chuleiin, nangma chu nghâk zing kan ti che, hieng thilhai po po hi i siem sih a.

JEREMIA 25:11

Chuongchun, hi ram pumpui hi rausan le maktiah um a ta; chun, hnamhai chun kum sâwmsari sûng Babulon lal rawng chu bâwl an tih.

JEREMIA 45:4

Chuongchun, ama kuoma chun hieng hin hril i tih: LALPA chun hieng hin a tih: Ngai ta, ka rem ta chu sukchim ka ta, ka phun ta khawm chu phawidawk ka tih; hi hi ram pumpui sûnga hin:

ṬAP HLA 2:6

A biekbûk chu huon ang elin, a lâk hmang luipêk a; Ân khâwmna hmun chu a suksiet bawk a; LALPA chun Zionah, inkhâwmpui hunbi neihai le châwlnihai chu theinghila um dingin a siem a, A lunginsenna nasatna chun a thiempu le lal chu a hmusit tah a.

HOSEA 3:4

Israel thlahai chu ni tamtak laltak le mi lien le, inthawina le lung- phun inser, thiempu zakuo amanih, milimhai amanih, nei loin an um ding a ni sih a.

HOSEA 9:6

Ngai ta u, sietna chu an mâksan a, Aigupta chun anni chu lo kei khâwm lem a tih, Memphis chun lo phûm a tih; An tangkaruo thil ditumhai chu zakthlaiin bâwm a ta, An puon inhaia chun hlo hlingnei um a tih,

JOEL 1:7

Ka grêp hrui a suksiet a, ka theichang kûng hâwng a khek a, a khek fai vawng a, a peihâwn a; a kâuhai chu a fil vâr vawng a.

AMOS 4:7

“Chun, bu sîk hun ding thla thum a la ni laiin in chunga ruo sûr ding khawm ka chel a, khawpui pakhat chungah kân sûrtir a, khawpui dang chungah kân sûrtir nawh a; hmun khat chungah a sûr hlak a, a sûr nawna hmun chu a ṭâwl hlak.

LUKA 21:24

Chun, kâwlhnâmin thîng an ta, hnam tin kuomah sala ṭhuoiin um an tih; chun, Jentailhai ni a kim hma- khat chu Jerusalem chu Jentailhai sirdein um a tih.

DÂN PAHNINA 29:23

a ram pumpui chu kât le chi le kângzêu, iengkhawm chîng nawna, iengkhawm inder nawna, hlobethai khawm inder nawna, Sodom le Gomorra le Adma le Zeboiim suksiet, LALPA lunginsen le lungâwinawa a suksiet ang anga suksiet a ni an hmu hnung chun,

THUPUONGSUO 11:6

Chuonghai chun an thu hril sûng po ruo sûr naw dinga vân sukping theina an nei a; an nuom pha phaa thisena inchangtir dingin tuihai chungah thu an nei a, khawvêl hi hremna tinrênga hrem dingin thu an nei bawk a.