ISAI 5:4 - Pathien Lekhabu Inthieng (BSI)

⁴ Ka grêp huona hin ka thaw ta ang bâk khan chu a chungah ieng am thaw nâwk chuong ding a la um ta rawp a? Grêp raa ra dinga ka beisei vei le khan ieng leia grêp suoka a hung ra el am a ni aw?

ISAI 5:4 ပူးပေါင်းရင်းမြစ်များ

FESUOKNA 37:22

an mûmhai le an kauhai chu ama le chun zawmkhat vawng an nih a, a pumpui chun rângkachak in- thieng hlawm khata sut vawng an nih.

ISAI 1:5

Iengdinga hel zuol deu deu a, vuoka la um rawp ding am in nih a? Lu chu a pumin a nah a, lungril khawm chu a pumin a châu tah.

JEREMIA 2:21

Grêp hrui ṭha mi, a chi indik tak ela ka phun vei che leh, iengtiziea ka ta dinga grêphrui danglam kûng suoka hung inchang el am i ni leh?

JEREMIA 2:5

LALPA chun hieng hin a tih: “In thlatuhai khan keimaa hin ieng fel nawna am an hmu a, keimaa in- thawka hlataka khan an fe hmang a, teplo khata chun an fe a, teplo an hung chang el a nih a?

JEREMIA 24:2

Leikhâwr pakhata chun theichang ṭhatak tak el, theichang hmin hmasa ang kha a um a; leikhâwr danga chun theichang setak tak el, fâk thei lo khawpa sie chu a um a.

JEREMIA 7:25

In thlatuhai Aigupta rama inthawka an hung suok nia inthawka vawisûn ni chen hin ni tin inhmatak- in thoin, ka zâwlneihai ka siehlawhai po po chu an kuomah ka hung tir a;

JEREMIA 7:26

nisienlakhawm, keia thu chu an ngai chuong nawh a, an na khawm an sit bawk nawh a, an rîng chu an suktlûn a, an thlatuhai nêkin an thaw ṭha naw lem tah a.

EZEKIEL 24:13

I pawrchenaa chun hurna a um a; ka sukfai cheh a, sukfaia i um naw leiin, i pawrchenaa inthawkin sukfai ni ngai ta hrim hrim naw ti ni, ka lunginsenna hi i chunga ka suk- lungâwi hmakhat chun.

HOSEA 10:1

Israel chu grêp hrui inbuktak, ra hautak a nih; A ra tam hu ang peiin a mâichâm a sukpung a, A ram ṭhatzie ang peiin lung inser phun ṭhatak tak a siem a,

MATTHAI 23:37

“Aw Jerusalem, Jerusalem! zâwlneihai thattu, i kuoma an hung tirhai lunga lo dêng hlumtu, ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum a! Nisienlakhawm, in nuom si nawh.