ISAI 5:30 - Pathien Lekhabu Inthieng (BSI)

³⁰ Chu nia chun tuisuoriet inri dur dur angin an chungah inri dur dur an ta, chuongchun, miin ram chu an hei thlîr chun, ngai ta, inthim le lungin- zingna ruok nîng a tih, var hlak chu chutaka sûmahai chun sukthimin a um a.

ISAI 5:30 ပူးပေါင်းရင်းမြစ်များ

THUHRILTU 12:2

chu huna chun, “Annia chun inhawitina ka nei nawh,” i tina hun a hung tlung hma hin; nisa amanih, var amanih, thla amanih, arasihai amanih an inthim hmain, sûmhai chu ruo hnunga an hung ki nâwk hma hin.

ISAI 13:10

Vân arasihai le a sizuchohai chun an var insuo naw ni hai a, nisa chu a suok laia sukthimin um a ta, thla khawma a var chu ân vartir ta naw ding a nih.

ISAI 13:4

Chu! tlânga mipui ri, mipui nasatak ri ang el chu! Chu! hnam tin rama mi um khâwmhai sa mur mur ri chu! Sipaihai LALPA chun râl thaw dingin sipaihai ân pun tâwl a ni chu.

ISAI 17:12

A mipui tamtak inri dur dur, tuisuoriethai inri dur dur anga inri dur durhai le hnam tin inri hum hum, tui nasatak inri hum hum anga inri hum humhai chu aw!

ISAI 30:6

Sim rama sahai phurrik chu. Lunginzîngna le thlaphângna ram, sakeibakneipui le sakeibakneichal, rûlhmuk le rûl chawk vuong thei suokna ram chu, an sum chu sabengtungte chunga dâm, an rohai chu sanghâwngsei zângpâwngahai chun phurin an ta dinga ṭhathnemna nei naw mihai kuoma pêk dingin, an fe tlâng duol duol a.

ISAI 59:9

Chuleiin, rorêlna chu einia in- thawka hlatakah a um hlak a, felna chun a mi hnawt phâk ngai bawk nawh: var ei nghâk hlak a, nisienla- khawm, ngai ta, inthim a hung ni hlak; varna ei nghâk hlak a, nisienla- khawm, inthim mupa bawk ei fe hlak.

ISAI 8:22

chun, hnuoi tieng nghâng an ta, ngai ta, lunginzîngna le inthimna, thlaphâng ngûina chu nîng a tih; chuongchun, inthim sâmupa hnawt hmangin um an tih.

JEREMIA 13:16

Tlâng inthimhai chunga in kehai chu ân sui hmain le, inthim ân umtir hma hin LALPA in Pathien chu chawimawina pe ro; chun, a var in zawng lai chun, ama chun thina hlimah ân changtir a, inthim nasatak el chu a siem tah a.

JEREMIA 30:5

“LALPA chun hieng hin a tih: Thlamuongna ni loin, ṭitna le inthin râwl ka hriet a.

JEREMIA 50:42

Anni chun thalngul le fei an chawi a; an rilo hle a, lunginsietna an nei nawh; an râwlhai chu tuisuoriet angin ân rûm a, sakawr chungahai chun an chuong a; Aw Babulon nau- nu, nangma chunga chun, indonaa mi angin, mi tin chu an intlar a nih.

JEREMIA 6:23

Thalngul le fei an chawi a; an râwng hle a, lunginsietna hrim an nei dêr nawh; an râwl chu tuisuoriet angin ân hawk a, anni chu sakawr chunghaia chun an chuong a; mi tin el chu indonaa angin, i chunga chun, aw Zion naunu, an hung intlar a nih.

ṬAP HLA 3:2

Ama chun a mi ṭhuoi a, varah ni loin, inthimah a mîn lâwntir a.

EZEKIEL 26:3

Lalpa PATHIEN chun hieng hin a tih: Ngai ta, aw Tura, nang ka dodâl che a nih; tuipuiin a fâwnhai chu a hung insuoktir angin, hnam tam- takhai chu nangma do ding chein ka siem ding a nih.

JOEL 2:10

An hmaa chun hnuoi khawm ân thin a; vânhai ân hnîng a; nisa le thla chu an inthim a, arasihai chun an var an thup a:

AMOS 5:18

LALPA ni dittuhai, in chung a rik ie! Iengdinga LALPA ni chu in dit am a na? Var ni loin inthim a ni lem.

AMOS 8:9

Chun, Lalpa PATHIEN chun a hril a, Chu nia chun, sûn changlai nisa intlâktir ka ta, nisa sat lai chun hnuoi chu sukthim ka tih.

MATTHAI 24:29

“Nisienlakhawm, chuong ni rinum zo phingle chun, nisa inthimin um a ta, thla var ta naw nih a, vâna arasihai hung tlâng an ta, vân thilthawtheinahai chu sukhnîngin um a tih.

THUPUONGSUO 6:12

Chun, inchikna parukna chu a hang sût lai ka en zing a, chun, simkhawleihnuoi nasatakin a hung inhnîng a; chun, nisa chu sahmul saiip puon angin a hung dum a, thla khawm chu a pumin thisen angin a hung um tah a.