ISAI 5:27 - Pathien Lekhabu Inthieng (BSI)

²⁷ Anni laia tukhawm sâwl naw ni hai a, insui bawk naw ni hai; tukhawm inlusu naw ni hai a, ininnghil bawk naw ni hai; an kâwngkhi chu sûtthâwlin um naw nih a, an kekawk khitna chu intan bawk naw nih;

ISAI 5:27 ပူးပေါင်းရင်းမြစ်များ

1 LALHAI 2:5

Chun, Zeruia naupa Joab mi thawzie, Israelhai sipai hotu pahni Nera naupa Abner le Jether naupa Amasa hai a thawzie ngei kha i hriet a. Khânga a that a, inrem laia indo lai thisen insuoin ân suoh a, a kâwnga a kâwngkhi le a kekawk buna indona thisen a sukkaizie hai kha.

JOB LEKHABU (THE BOOK OF JOB) 12:18

Lalhai khuopna chu a sût a; An kâwnghai chu kâwngkhiin a khitpêk a,

JOB LEKHABU (THE BOOK OF JOB) 12:21

Lal nauhai chunga chun hmusitumna a buok a, Mi hrât kâwngchûn chu a sûtpêk bawk a.

INPÂKNA HLABU 18:32

Hrâtnaa ka tâia mi khittu le, Ka lampui sukṭha famkimtu Pathien chu.

INPÂKNA HLABU 93:1

LALPA chu lalah a ṭhung a, a ropuinain ân thuom a, LALPA chu ân thuom a, hrât- nain a kâwngah ân khit tah a: Khawvêl khawm hi ân hnîng thei nawna dingin sukdetin a um a.

THUVARHAI 3:23

Chun, i lampuiah himtakin fe tâng i ta, I ke khawm insui ta naw nih.

ISAI 11:5

Felna hi a kâwnghrên nîng a ta, ringumna hi a kâwngkhi nîng a tih.

ISAI 45:1

LALPA chun a hriek nâl, Kura, hnamhai chu a hmaa tukdawl ding le, lalhai kâwngkhi chu sûtpêk ding le, a hmaa kawtkhârhai hawng- pêk ding le, kul kawtkhârhai khâr loa inumtirtu ding, a kut changtienga ka ichel kuoma chun hieng ang hin a tih,

ISAI 45:5

Kei hi LALPA chu ka na, a dang hrim an um nawh, keima naw chu Pathien hrim hrim an um nawh, mi hre ngai naw la khawm i kâwng khitpêk ka ti che:

DANIEL 5:6

Chun, lal hmêlput dân chu a hung danglam a, a ngaituonahai chun ama a sukbuoi tah a; a kâwngru insuktuoknahai chu a hung inthâwt a, a khûp le khûp chu an invuoktuo tah a.

MATTHAI 3:4

Chun, Johan chun sanghâwngsei hmul puon a sil a, a kâwng chu savun kâwngkhiin ân khit a; a bu chu khâuṭhikṭhi le ram khuoizu a nih.

DÂN PAHNINA 32:25

Puotiengah kâwlhnâmin thîng an ta, Sûngtienga chun thlabârin, Nunghâk, tlangvâl, nêne ne lai, Lua kêlsam ṭohai chenin.