ISAI 5:25 - Pathien Lekhabu Inthieng (BSI)

²⁵ Chuleiin, LALPA lung chu a mihai chungah ân thawk a, a kut chu an chungah ân let a, a vuok a, chuongchun, tlânghai chu an inthin dur dur a, an ruonghai chu khawlai dungah hmunhnawk ang elin ân hlum rem rum a. Chuong lâwma a thaw khawm chun a lunginsen chu a la bo chuong nawh a; a kut chu a lân let ta rawp a.

ISAI 5:25 ပူးပေါင်းရင်းမြစ်များ

1 LALHAI 14:11

Jeroboam sûngkuo laia mi, khawpuia thi taphawthai chu uiin fâng an ta; rama thi taphawthai chu chunglêng vatehaiin fâng an tih; chu chu LALPAIN a hril tah a nih,’ ti rawh.

1 LALHAI 16:4

Baasa sûngkuohai laia khawpuia thi taphawthai chu uiin fâng an ta, chun, a sûngkuo laia mi rama thi taphawthai chu chunglêng vatehaiin fâng an tih,” tiin.

1 LALHAI 21:24

Ahab sûngkuohai laia mi khawpuia thihai po chu uiin fâng an ta; rama thihai po chu chunglêng vatehaiin fâng an tih,” tiin.

2 LALHAI 13:3

Chun, LALPA lung chu Israelhai chunga chun a chawk a, chuongchun, Suria lal Hazael kuta le, Hazael naupa Benhadad kuta chun a pêk ta pei a.

2 LALHAI 9:37

Jezebel ruong chu Jezreel khaw kul bulah huona êk ang el la nîng a tih; chuongchun, hi hi Jezebel a ni hi aw, an ti nawna dingin,’ ti thu a hril kha a ni hi,” a ta.

2 CHANCHIN SUINA 36:16

nisienlakhawm, Pathien tirko- hai chu an nuisan a, a thu chu an hmusit a, a zâwlneihai chu an nuiêu a, sukṭhat nâwk theina um ta lo hiel khawpa, mipuihai chunga LALPA lungsenna chu chawkthoa a um hiel chen chun.

JOB LEKHABU (THE BOOK OF JOB) 9:13

“Pathien chun a lungsen chu la kîr naw nih a, Rahab ṭhangpuituhai chu a hnuoiah an kûn ngei kha.

INPÂKNA HLABU 106:40

Chuleiin, LALPA lung chu a mihai chungah ân thawk a, A rochan chu a tirdak tah a.

INPÂKNA HLABU 114:7

Nang leihnuoi, LALPA hmaa chun inthin rawh, Jakobhai Pathien hmaa chun,

INPÂKNA HLABU 18:7

Chu phingle chun hnuoi hi ân hnîng a, ân thin tah a, A lunginsen leiin tlânghai khawm chu, Ân nghatna pumin ân thinin ân hnîng tah a.

INPÂKNA HLABU 68:8

Hnuoi hi ân hnîng dur dur a, Vânhai khawm khi Pathien hmaa chun a far a, Sinai tlâng meu khawm saw Pathien hmaah, Israelhai Pathien hmaa chun ân hnîng dur dur kha.

INPÂKNA HLABU 77:18

I vâninrûm ri chu thlivirah a um a, Kâwlinlephai chun khawvêl hi a el zawt zawt a; Hnuoi hi inthinin ân hnîng dur dur a.

INPÂKNA HLABU 78:38

Nisienlakhawm, ama chu lai- natnaa a sip leiin an rîtlona chu a ngaidam a, anni chu a sukbohmang nawh; Anih, vawi tamtak a lunginsenna chu a lâk kîr a, A lunginsenna chu a rêngin a chawktho nuom ngai nawh.

INPÂKNA HLABU 83:10

Chuong mihai chu Endor khuoah an bohmang a, Hnuoi dingin êkdûr ang el an lo ni ta kha.

FESUOKNA 7:19

Chun, LALPA chun Mosie kuomah, “Aron kuomah, ‘I hmawl la la, Aiguptaa tui po po an vadunghai chungah, an tuiluongnahai chungah le, an dîlhai chungah le, an tuitinghai chunga chun i kut phar rawh, thisen an hung ni theina dingin; chun, Aigupta ram sûng po poa thing tuibêlhai le lung tuibêlhaia khawm chun thisen hung nîng an tih,’ tiin hril rawh,” a tih a.

ISAI 10:4

Salhai hnuoiahai chun kûn an ta, thata umhai hnuoiahai chun tlûng an tih, chu chau chu an chan ni tâng a tih. Chuong ang lâwma a thaw khawm chun a lunginsen chu a la bo chuong si nawh a, a kut chu a lân let ta rawp a.

ISAI 10:6

Râllâk la ding le, thil lâkpêk la ding le kawtthlêr chirhak anga sir dingin ama chu Pathien inza naw hnam do dingin tir ka ta, ka lunginsenna mihai chu thaw dingin thu pêng ka tih.

ISAI 14:19

Nang ruok chu a zung kaksuok tirdakumtak le, râl ithat, kâwlhnâma sunthleng, khursûnga lunghai laia zu fehai silfên angin i thlân ina inthawka hlatakah pei suokin i um ta lem hi; ruong ke hnuoia sirde ang elin.

ISAI 23:11

Tuisuoriet chungah a kut a phar a, ramhai chu a sukhnîng a, LALPA chun Kanaan ram chungchâng thuah thu a pêk a, a kulbînghai sukse ding- in.

ISAI 25:11

Chuongchun, tui inhlieuin tui inhlieu dinga a vai ang hin, chu lai chun a kut chu vai a tih; chun, a chapona chu a kut vervêk pum chun LALPA chun sie hnuoi a tih.

ISAI 29:2

chu pha chun Ariel hi suklung- zîng ka ta; chuongchun, sûnna le ṭapna um a tih; chun, ama chu ka ta dingin Ariel ang chu nîng a tih.

ISAI 42:25

Chuleiin, a lunginsenna nasat- na le inthawna ṭha chu an chungah a bunthlâk a; chuongchun, anni chu a raw vêl a, nisienlakhawm, an lungril- in an ngaituo si nawh.

ISAI 51:20

I naupasalhai chu an châu a, sakêl lêna a âwk angin kawtthlêr tâwp tienga chun an zâl phung a, LALPA lunginsenna le i Pathien kâwkna chun an sip tah a nih.

ISAI 64:3

Kan beisei naw thil râpthlâk i thaw lai khan i hung ṭum a, tlânghai chu i hmaah an luong thlâk dûl dûl kha.

ISAI 66:15

Ngai ta u, a lunginsenna chu hrîkthla ding le, a kâwkna chu mei- chawkhaia hrîkthla dingin, LALPA chu mei leh a hung ding a ni sih a, a tawlailîrhai chu thlivir ang el nîng a tih.

ISAI 66:24

Chun, fe suok hlak an ta, keia chunga bawsetuhai ruok chu en an tih, an ngêhai chu a thiin, an mei chu sukhlumin a um ding a ni si nawh a, mi po po ta dingin thil tirdakumtak nîng a tih”.

ISAI 9:11

Chuleiin, LALPA chun Rezin dotuhai chu ama do dingin chawisâng a ta, a hmêlmahai chu chawktho a tih.

ISAI 9:16

Hieng mihai ṭhuoituhai hin an ṭhuoi suol hlak a nih, an iṭhuoihai chu sukbohmangin an um hlak a nih.

ISAI 9:17

Chuleiin, LALPA chu an tlang- vâlhai chungah lâwm naw nih a, an naufahrahai le hmeithaihai chu lunginsiet bawk naw nih; an rêngin Pathien inzâ naw mi le thil ṭha naw thawtu an ni vawng a, bau po po chun thu teplo a hril seng sih a. Chuong ang lâwma a thaw khawm chun a lunginsen chu a la bo chuong si nawh a, a kut chu a lân let ta rawp a.

ISAI 9:20

Chuongchun, miin an chang- tienga mi inchûng an ta, nisienla- khawm, an phîng la ṭâm ta rawp a ta, an vawitienga mi fâng an ta, nisien- lakhawm, tlai chuong naw ni hai, mi tinin mâni bân taksa fa seng an tih.

ISAI 9:21

Manassehaiin Ephraimhai fâng an ta, Ephraimhaiin Manassehai fâng an tih; chun, an pahni chun Judahai do hmunkhat an tih. Chuong ang lâwma a thaw khawm chun a lunginsen chu a bo si nawh a, a kut chu a lân let ta rawp a.

JEREMIA 15:3

Chun, an chunga tlung dingin thil chi li ruot ka ta; LALPA chun a tih: kâwlhnâm chu sukhlum dingin, uihai chu keinawitu dingin, chun, chunglêng vatehai le hnuoia ramsa- hai chu fa zotu ding le suksetu dingin.

JEREMIA 16:4

Thina lungngaiumtakin thîng an ta, ṭa khawm ṭa ni naw ni hai a, phûm khawm phûm ni naw ni hai; leihnuoi chunga êkdûr ang chau nîng an ta, ṭâmna le kâwlhnâm chun anni chu fâkzoin um an tih; chun, an ruonghai chu chunglêng vatehai le hnuoi chunga ramsahai ta dinga bu nîng a tih.

JEREMIA 17:4

Nang khawm, nang ngei khawm, i rochan dinga, ka pêk chea chun um zing naw ti nih a, ram i hriet ngai loa chun i hmêlmahai rawng inbâwltir ka ti che a; ka lunginsennain mei, kumkhuoa chawk ding chu i lo sêm ta sih a.

JEREMIA 4:24

Tlânghai chu ka en leh, ngai ta, an inthin a, muolhai po po khawm chu hnungtieng hmatieng an in- sâwi a.

JEREMIA 4:8

Hi hi lei hin saiip puon dierkei unla, sûn unla, ṭap inrûm ro; LALPA lunginsenna ṭium chu einia inthawk- in a hnungkîr si nawh a.

JEREMIA 6:12

Chun, an inhai, an lohai, an nuhmeihai chu mi danghai kuoma pêk nîng an ta; ram hluotuhai chunga chun ka kut kân let ding a ni sih a, LALPA chun a tih.

JEREMIA 8:2

nisa dâm, thla dâm, vâna umhai po po, an hmangaia a rawng an lo bâwlhai, an zawnga an biekhai hmaa chun keidar an tih; lâk khâwm ni naw ni haia, phûm khawm ni bawk naw ni hai, hnuoia êkdûra ṭhang ding ni lem an tih.

JEREMIA 9:22

LALPA chun hieng hin a tih: Thu chu hril rawh, hmun âwlahai chun mihriem ruonghai chu êkdûr ang chun tlâng an ta, busîk hnunga hmu ṭhel ang chau chun, tukhawma la khâwm naw ni.

ṬAP HLA 5:22

Annawleh, nangin i mi hnâwl let dêr el am a nih? Kan chungah i lung a sen êm êm el am a nih?

EZEKIEL 15:6

Chuleiin, Lalpa PATHIEN chun hieng hin a tih; Grêphrui thing chu ramhnuoia thing danghai laia meia ti dinga ka pêk angin; chuong ang bawk chun Jerusalem hluotuhai chu pêng ka tih.

EZEKIEL 30:25

Chun, Babulon lal bânhai chu chelngîrpêk ka ta, Pharao bânhai ruok chu tlahnuoi a tih; Babulon lal kutah ka kâwlhnâm ka sieh a, Aigupta ram chungah ama chun ân let pha chun LALPA chu ka nih ti mi hre tâng an tih.

EZEKIEL 6:14

Chun, an chunga chun ka kut chu inlet ka ta, thlalêra inthawka Dibla tieng, an hluona sûng po po chu, ram chu râusana siemin suk- sieng ka tih; chun, LALPA chu ka ni ti mi hre tâng an tih,” tiin.

DANIEL 9:16

Aw LALPA, i felna ang peiin i lunginsenna le i ṭiumna chu i tlâng inthieng, Jerusalem i khuoa inthawk chun, ka hni che hi, herhmang ni raw se. Kan suolnahai lei le, kan thla- tuhai khawhlonahai lei chun Jerusa- lem le i mihai chu kan vêla mi po pohai hrilinsîm kan lo ni ta hi.

HOSEA 14:4

An hnungtawlna hi sukdam ka ta, Annia inthawka ka lungin- senna chu ân kieng ta leiin, Anni chu ka hmangai hrim hrim ding a nih.

AMOS 8:8

Hi hi lei hin ram chu ân thinin, a sûnga um taphawthai chu an lungngai naw ding am a nih? Anih, Vadung ang chun hung lien vawng a ta, Aigupta ram Vadung angin hung buoiin hung kang a tih.

MIKA 1:4

Mei bula khuoihlu ang le hmun inṭêna tui inkhaw thla ang elin, tlânghai chu a hnuoia chun intui an ta, vadung ruomhai chu kakintan an tih.

NAHUM 1:5

Tlâng lienhai chu ama leiin an inhnîng a, tlâng chînhai chu an intuihmang a; a hmaa chun hnuoi hi ân thin a, anih, khawvêl le a sûnga um po pohai le chun.

HABAKKUK 3:10

Tlânghai chun an hmu cheh a,an ṭih a; Tui insawkhai khawm chu an fe hmang tah a; Li inthûk chun a râwl ânsuoh a, A kuthai chu chungtieng a phar a.

ZEPHANIA 1:17

Chuongchun, mihriemhai chunga chun rinumna intlungtir ka ta, LALPA chungah thil an lo suksuol ta leiin mitdelhai angin lâwn an ta, an thisen chu pilvut anga bun- thlâk nîng a ta, an taksahai chu êk ang elin.

DÂN PAHNINA 31:17

Chu pha chun an chungah ka lung chawk a ta, nghatsan ka ta, inbîksan ka tih, bohmang an ta, thil ṭha naw le lunginzîngna tamtak an chungah tlung a tih; chuongchun, chu ni chun, ‘Ei Pathien eini lai a um naw leiin hieng thil ṭha naw ei chungah a hung tlung a ni naw am a nih?’ tîng an tih,

DÂN PAHNINA 31:18

pathien dang tieng nghaa thil ṭha naw an thawhai po po lei chun an kuoma inthawkin kân thup ngei ngei ding a nih.

1 THESSALONIKA 2:16

sandam an ni theina dinga Jentailhai laia thu hril an mi khap hlak sih a, chuong anga an suol inkhi- na suksip rawp dingin, nisienla- khawm, lunginsenna chu an chungah a tâwp khâwk râwtin a hung tlung tah.

THUPUONGSUO 20:11

Chun, lalṭhungpha lientak vâr- tak le a chunga ṭhung chu ka hmuh a, a hmaa inthawk chun hnuoi le vân an tlân hmang a, an ta dingin hmun hrim a um ta nawh a.