ISAI 5:24 - Pathien Lekhabu Inthieng (BSI)

²⁴ Chuleiin, meichawkin bupâwl a liek hmang duok duok hlak ang le, hlohna ṭâwl chu meichawka a tlu zawt zawt angin an zung chu hmawn- na angin um a ta, an pâr chu pilvut angin intung lui lui a tih; sipaihai LALPA dân chu an dit nawh a, Israel- hai Mi Inthieng thu chu an ngainêp leiin.

ISAI 5:24 ပူးပေါင်းရင်းမြစ်များ

2 LALHAI 19:22

Tu am i sukhmingsiet a, i hril- siet? Tu chung âm i râwl i sukpuom a, i mit i meng insâng? Israel Mi Inthieng chunga hin annâwm.

NEHEMIA 9:26

Nisienlakhawm, an hung kâw- mawh a, i chungah an hel a, i Dân chu an hnungsawn dai a, nangma tieng innghattir nâwk tumtu i zâwlneihai chu an that a, lungsenumtak tak thilhai an thawh a.

JOB LEKHABU (THE BOOK OF JOB) 18:16

A hnuoi tiengah a zunghai chu ṭâwl a ta, A chungtieng chun a kau chu vuoi bawk a tih.

JOB LEKHABU (THE BOOK OF JOB) 8:17

A zunghai chu hnuoi thuo kârahai chun an inrawl a, Lung hmunhai chu a hmuh a.

INPÂKNA HLABU 50:17

Thunun i theidah a, Ka thuhai hi i hnungtieng i dehâwn pei sih a.

FESUOKNA 15:7

I lalna ropuina chun nangma dotuhai che chu i peithlâk a: I lunginsenna chu i tir suok a, anni chu bupawl angin a kânghmang a.

FESUOKNA 5:12

Chuongchun, mipuihai chu Aigupta ram sûng po poa chun bupâwl aiah bu kûng la khâwm ding chun an indar ta sup sup a.

ISAI 1:31

Chun, mi hrâttak chu ziza pawn ang ni tâng a ta, a sinthaw chu meisi ang ni tâng a tih; chuongchun, kâng rêl an ta, tukhawma sukrêm naw ni hai,” tiin.

ISAI 1:4

A! hnam suol, khawhlona riktak phur mihai, chithla thil ṭha naw thaw- tuhai, nau rilotaka khawsa hlakhai an nih. LALPA chu an mâksan a, Israelhai Mi Inthieng chu an hmusit a, insuktumin an hnungtawl tah.

ISAI 24:6

Chuleiin, ṭawngsie inphurnain hnuoi a fâk zo a, a umhai chu thiem- naw inchangtirin an um tah; chuleiin, hnuoia umhai chu an kâng hlum a, mi tlâwmte chau an um tah.

ISAI 26:11

“LALPA, i kut chu pharin a um a, nisienlakhawm, an hmu si nawh; amiruokchu, mihai ta dinga i ṭha- hnemngaina chu hmûng an ta, inzak tâng an tih; anih, nangma dotuhai chu meiin kâng hmang a tih.

ISAI 30:12

Chu lei chun, Israelhai Mi Inthieng chun hieng ang hin a hril a, “Hi hi thu hi in hmusit lei le nêksâwrna le kâwmawsietna in ring a, a chunga in innghat leiin;

ISAI 30:9

Chuonghai chu mi hel hmang dâm, nau khêlhlip dâm, nau, LALPA dân ngai nuom lohai an ni sih a;

ISAI 47:14

Ngai ta, bupâwl ang el nîng an ta; meiin kâng a tih; meichawk thil- thawtheinaa inthawk chun insanhim naw ni hai a; insuklumna ding mei- hawl ang khawm ni naw nih a, awi ding mei ang khawm ni bawk naw ni.

ISAI 7:9

chun, Ephraim lu chu Samari a na, Samari lu chu Remalia naupa ringawt el hi a ni sih a. In ring det naw chun sukdetin um ṭhuoi naw ti niu, tiin,’ ti rawh,” a ta.

ISAI 8:6

“Hieng chihai hin Siloa tui damtêa luong dêl dêlhai chu an dit naw lei le, Rezin le Remalia naupa chunga an lâwm leiin,

ISAI 9:18

Rîtlona chu mei angin a chawk dur dur hlak sih a, buor le hlohling- neihai chu a kâng hmang hlak; anih, ramhnuoi thing bitna hmunahai chun a kâng dur dur a, a khu ân tung ngut ngut hlak.

ISAI 9:19

Sipaihai LALPA lunginsenna leiin ram chu a kâng siet a, mihai khawm chu meia ti ding thing ang an na; tukhawma mâni unau ngei khawm an hla nawh.

JEREMIA 6:19

Aw leihnuoi, lo hre ta, ngai ta, ka thuhai chu an ngai naw leiin hi hnam chunga hin thil ṭha naw, an ngaituonahai ra ngei chu kân tlungtir ding a nih; ka dân hlak chu an lo hnâwl a.

JEREMIA 8:9

Mi varhai chu an inzak a, sukbei- dawngin an um a, ṭhuoi hmangin an um a; en ta u, LALPA thu chu an dit naw chu: annia chun ieng ang varna hrim am a um a na?

EZEKIEL 15:6

Chuleiin, Lalpa PATHIEN chun hieng hin a tih; Grêphrui thing chu ramhnuoia thing danghai laia meia ti dinga ka pêk angin; chuong ang bawk chun Jerusalem hluotuhai chu pêng ka tih.

HOSEA 11:9

Ka lunginsen nasatak chu hlen naw ning a, Ephraim chu sukbohmang tum nâwk ta naw ning. Kei chu mihriem ni loin, Pathien ka ni sih a, Nangmaa um Mi Inthieng chu, Khawpui chu hung lûtkhum naw ning.

HOSEA 5:12

Chuleiin, Ephraim ta ding chun hângthim ang ka na, Juda sûngkuohai ta ding chun hmawnna ang ka nih.

HOSEA 9:16

Ephraim chu vuokin a um a, an zung chu a vuoi zo tah, Ra insuo naw ni hai; Anih, insuo hai sien khawm, an sul ra ditumtak chu That tho tho ka tih.

JOEL 2:5

Indona tawlailîr ri angin tlâng chunga chun an kat sup sup a, pâwl kâng chawk dur dur ang le indonaa mipui hrâttak inzosa angin.

AMOS 2:4

LALPAIN hieng ang hin a tih, “Juda bawsietna pathum leiin, anih, pali leiin, a hremna sukbo naw ning; LALPA dân chu an pawm nawh a, a thupêkhai chu an vawng nawh a;

AMOS 2:9

“Nisienlakhawm, anni hmaah Amor mihai sidar thing anga insâng le thingsaisuo anga hrât khawm kha ka sukbohmang tah a; a chungtienga a ra le, a hnuoitienga a zung khawm ka sukbo a.

NAHUM 1:10

Hling bawn anga umin an uoin dâwn chun chie hu hnêp angin um sienla khawm, bupâwl ṭâwl ang ela sukbohmang vawng nîng an tih.

MALAKI 4:1

Sipaihai LALPA chun a tih, “Ngai ta u, ni chu a hung tlung a, rawtuina thuk angin a chawk sih a; chapotaka thawtuhai po po le, khaw- hlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr loin.

MATTHAI 3:12

A kutin a leipup a chawi a, a hrizâwl zâp fai hieu a ta, a pangah a bû hlûng a ta, a si ruok chu mei rêm thei loin raw hmang a tih,” a ta.

LUKA 10:16

“Tûkhawm nangni thu ngai chu keima thu ngai a nih; tûkhawm a dit naw cheu chu kei a mi dit naw a nih; tûkhawm kei mi dit naw chu a mi tirtu dit naw a nih,” a ta.

LUKA 3:17

a kutin leipup a chawi a, a hri- zâwl zâp fai hieuna ding le, a bupang- a a bu hluna dingin; a si ruok chu mei rêm thei loin raw hmang a tih,” a ta.

LUKA 7:30

Pharisaihai le dânhretuhai ruok chu a kuoma baptisma lo chang tah an ni ve nawh a, anni ta dinga Pathienin rem a iruotpêk chu an pawm nawh.

JOHAN 12:48

Tûkhawm mi dit loa, ka thu hrilhai vawn lo chun, thiemnaw inchangtirtu pakhat a nei a nih; ka thu hril kha, kha thu ngei khan ni kin nia chun ama thiemnaw inchangtir a tih.

THILTHAWHAI 13:41

‘Hmusittuhai en ta u, Makti unla, bohmang ro; In dam sûng hin thil kawng khat ka thaw hi, Chu thil chu miin hril hai sienla cheu khawm, Awi tawp naw ti niu,’ a ti kha,” a ta.

DÂN PAHNINA 28:24

In ram hluo chu pilvut le pilvut khuah LALPAIN inchangtir a ta; in bohmang hmakhat chun inchunga vâna inthawkin hung tlâng a tih.

1 THESSALONIKA 4:8

Chuleiin, a pawisa nawtu chu mihriem pawisa naw a ni nawh a, Pathien, a Thlarau Inthieng pe hlaktu cheu kha pawisa naw a ni lem.

1 SAMUEL 15:23

Helna hi aisan thiemna suolhai leh ân ang a, kawmâwna hi milim biek le rîtlona suol tluk a nih. LALPA thu i dit naw leiin ama khawma lal dingin a dit bîk ta naw che a nih,” a ta.

1 SAMUEL 15:26

Chun, Samuel chun Saula kuomah, “Fepui naw tawp ka ti che, LALPA thu chu i dit si nawh a; chun, LALPA khawmin Israelhai lal dingin a dit bîk ta naw che a nih,” a ta.