ISAI 49:6 - Pathien Lekhabu Inthieng (BSI)

⁶ ama chun, “Jakobhai hnam tung- dingna ding le Israelhai laia hum- hima umhai chu inumtir nâwkna dinga, ka siehlawa i um hi, thil chiterek a la na; Jentailhai sukvartua khawm ruot bawk ka ti che; kâwl- kawdawng chena ka sandamna chu a tlung theina dingin,” a ta.

ISAI 49:6 ပူးပေါင်းရင်းမြစ်များ

INṬANNA 49:10

Lal hmawl chu Judaa inthawk hin bo naw nih a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

2 LALHAI 20:10

Hezekia chun a dawn a, “Hlim chu sirbi sâwm chena a hang intâwl chu a awl êm a, chu chu ni lo e, hlim chu sirbi sâwm chenin intâwl kîr lem raw se,” a ta.

2 LALHAI 3:18

Chun, hi thil hi LALPA mit- hmua chun thil chitê a na, chun, Moab mihai khawm chu in kutah pe bawk a ti cheu.

INPÂKNA HLABU 37:28

LALPA chun rorêlna fel a ngaina sih a, A mi inthienghai chu a fesan ngai nawh a. Kumkhuoha dinga vawngṭhatin an um hlak a, Mi rilo thlahai ruok chu sukbohmangin um an tih.

INPÂKNA HLABU 67:3

Aw Pathien, mi tinin inpâk sienla che, Mi tinrênghai chun inpâk raw hai se che.

INPÂKNA HLABU 97:10

Aw LALPA hmangaituhai, suol chu theida ro, Ama chun a mi inthienghai hringna chu a vawng ṭha hlak a; Anni chu mi rilohai kuta inthawkin a sanhim hlak.

ISAI 11:10

Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.

ISAI 42:10

Tuisuorieta zu fehai le, a sûnga um po pohai le, thlierkârhai le, a chunga um po pohai, LALPA chawi- mawiin hla thar sak unla, leihnuoi tâwpa inthawk khawma ama inpâk- na hla sak ro.

ISAI 42:6

“Kei LALPA hin felnain ka ko che, i kut chel ka ta, humhim ka ti cheh a, mihai thuthlung ding le, Jentailhai sukvartu dingin ka ruot che a nih:

ISAI 45:22

Kâwlkawdawnga mi po pohai, keia tieng hung ngha unla, sandamin um ro; kei hi Pathien ka ni sih a, a dang hrim hrim an um nawh.

ISAI 46:13

chuongchun, ka ropuina Israel- hai ta dingin sandamna chu Ziona chun sieng ka tih.

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “LALPA chun a siehlaw Jakobhai chu ân tlan tah,” ti ro.

ISAI 51:4

Aw ka mihai, ka thu hi lo ngai unla; aw ka hnamhai, ka thua hin na lo sit ta u; keimaa inthawkin dân thu a hung suok ding a ni sih a, mi tin enna dingin ka rorêlna chu inchâwltir ka tih.

ISAI 52:10

LALPA chun hnam tinrênghai mithmua chun a bân inthieng chu a hlîm tah; chuongchun, kâwlkaw- dawnga mi po poin ei Pathien san- damna chu hmûng an tih.

ISAI 55:5

Ngai ta, i hriet naw hnam chu ko i ta, nangma hre ngailo hnam chu i kuomah hung tlân an ta; LALPA i Pathien lei le, Israelhai Mi Inthieng lei chun; ama chun a chawimawi si cheh a.

ISAI 56:8

LALPA Pathien, Israelhai hnawt suoka umhai ṭhuoi khâwmtu chun, “Ama ta ṭhuoi khâwma umhai naw khawm hnam danghai a kuomah la ṭhuoi khâwm ka tih,” a ta.

ISAI 60:3

Chuongchun, hnam tin chu i var tieng chun hung an ta, lalhai khawm i hung suok varna tieng chun hung bawk an tih.

ISAI 62:11

Ngai ta u, LALPAIN leihnuoi tâwp chenin hieng ang hin ân hriettir a nih, “Zion naunu kuomah hieng ang hin hril ro, ‘En ta, nangma sandamna a hung tlung ding a ni hi; en ta, a lâwmman chu a kuomah a um hi, a thungna chu a hmaah a um bawk a.

JEREMIA 12:16

Chun, Baal kuoma ṭawng in- khâm dinga ka mihai an inchûktir anga, “LALPA chu a hring zing angin,” tia, ka hminga ṭawng inkhâm dinga, ka mihai lampuihai chu taima- taka an inchûk chun, ka mihai laia chun anni khawm chu siempuitling nîng an tih.

MIKA 5:3

Chuleiin, nau invawitu chun a nei hmakhat chun anni chu nghatsan a tih: chuongchun, a unau la um sunhai chu Israel thlahai lai chun kîr nâwk an tih.

ZEKARIA 6:13

LALPA biekin ngei chu hung bâwl a tih; ama chun ropuina chu khum a ta, a lalṭhungphaa ṭhungin ro rêl a tih; a lalṭhungpha chunga chun thiempu nîng a ta, an pahnia inkâra chun inremna thurêl chu um a tih,’ tiin.

ZEKARIA 8:22

Anih, chi tamtakhai le hnam hrâttak takhai chu LALPA ditsakna chu ngên ding le, Jerusalema sipaihai LALPA chu zawng dingin la hung an tih,” tiin.

LUKA 2:32

Jentailhai kuoma suklangna var le I mi Israelhai ropuina ding chu,” a ta.

THILTHAWHAI 13:47

Chuong ang chun Lalpain thu a mi pêk a nih. ‘Jentailhai sukvartuah ka ruot che, Kâwlkawdawng chena sandamna in tlun theina dingin,’ ti ziek ang khan,” an ta.

THILTHAWHAI 26:18

An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.

THILTHAWHAI 26:23

khânga Krista chun rinum tuor a ta; chun, mithi laia inthawka a thonâwk leiin mi po po kuoma le Jentailhai kuoma khawm var inhmutirtu hmasatak nîng a tih, an ti thu kha,” a ta.