ISAI 49:4 - Pathien Lekhabu Inthieng (BSI)

⁴ Kei ruok chun, “Athlâwn elin sin ka thaw inrim a, iengkhawm ni loa le boruok elah ka tha ka sêng a, nisien- lakhawm, matheiloin ka chunga rorêlna ding chu LALPA kuomah a nih a um chu, mi thungna ding khawm chu ka Pathien kuomah a nih a um chu,” ka tih a.

ISAI 49:4 ပူးပေါင်းရင်းမြစ်များ

1 LALHAI 19:10

Ama chun, “LALPA sipaihai Pathien ta ding hin ṭhahnem ka ngai êm êm hlak a, Israel thlahai hlak chun i thuthlung an nghatsan a, i maichâmhai an sukchim a, i zâwl- neihai kâwlhnâmin an sâthlum sih a; a la um chu kei bak hi ka na, ka hring- na mi lâkpêk an tum a nih,” a ta.

THUVARHAI 29:26

Mi tamtakin rorêltu ditsakna chu an zawng hlak a, Amiruokchu, mihriem rorêlna chu LALPAA inthawka hung a nih.

ISAI 25:1

Aw LALPA, nang chu ka Pathien i na; chawimawi ka ti cheh a, i hming inpâk ka tih; thil maktak, inhmaa remruothai chu, ringumtak le thutakin i thaw sih a.

ISAI 35:4

Lungril dâwihai kuoma chun, “Hrâttakin um unla, ṭi naw ro, ngai ta u, in Pathien chu phubalâkna leh hung a tih, Pathien thungna le chun; hung a ta, sandam a ti cheu,” ti ro.

ISAI 40:10

En ta u, Lalpa PATHIEN chu mi hrâttak angin a hung ding a ni hi; a bân chun a aiah ro rêl a tih; en ta u, a lâwmman chu a kuomah a um hi, a thungna chu a hmaah a um bawk a.

ISAI 40:27

Iengdinga, aw Jakobhai, hieng anga in thaw am a na, iengdinga, aw Israelhai, hieng anga in hril am a na, “Ka lampui hi LALPAA inthawka thup a na, ro a mi rêlpêkna hi ka Pathiena inthawka lâk hmang a ni tah,” ti hi?

ISAI 57:21

Ka Pathien chun, “Mi rilohai ta ding chun lungmuongna hrim hrim a um nawh,” a tih.

ISAI 59:18

An thilthawhai angin, an thil- thawhai ang ngeiin, ama chun thung a tih, ama dotuhai chu lunginsen- nain, a hmêlmahai chu thungnain thung a tih; thlierkârhai chu thung- nain thung a tih.

ISAI 61:10

LALPAA chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta sih a.

ISAI 62:11

Ngai ta u, LALPAIN leihnuoi tâwp chenin hieng ang hin ân hriettir a nih, “Zion naunu kuomah hieng ang hin hril ro, ‘En ta, nangma sandamna a hung tlung ding a ni hi; en ta, a lâwmman chu a kuomah a um hi, a thungna chu a hmaah a um bawk a.

ISAI 65:2

Mi hel hmanghai ta dingin sûnnithlâkin ka bânhai ka phar hlak, chuonghai chu anni ngaituona ang peia lampui ṭha nawa fe hlakhai,

ISAI 65:23

A thlâwnin sin inrim naw ni hai a, vângduoina el dingin nau nei bawk naw ni hai a, LALPA malsâwm mi thlahai an ni sih a, an nauhai chu an kuomah um zing an tih.

EZEKIEL 3:19

Amiruokchu, mi rilo chu i vaulâwk a, a rîtlonaa inthawkin amanih, a lampui riloa inthawkin amanih a kîr naw chun a suola chun thîng a tih; nisienlakhawm, nang chun i thla chu sansuok i tih.

LEVI DÂN 26:20

chun, in tha chu sêng thlâwn mei mei nîng a tih, in ram chun ra insuo naw nih a, rama thinghai khawm chun ra an insuo naw ding a ni sih a.

MATTHAI 17:17

Chun, Isûn, “Ruolthar ringna nei loa kawmawhai, ieng chen am in kuomah um ka tih a, ieng chen am ngai thei ka ti cheu a? Ama chu ka kuoma hin hung ṭhuoi ro,” a ta, a dawn a.

MATTHAI 23:37

“Aw Jerusalem, Jerusalem! zâwlneihai thattu, i kuoma an hung tirhai lunga lo dêng hlumtu, ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum a! Nisienlakhawm, in nuom si nawh.

LUKA 24:26

Kristain chuong thil chu tuorin a ropuinaah a lût ding a ni hrim naw am a nih?” a ta.

JOHAN 1:11

Ama mihai kuomah a hung a, ama mihaiin an lo lâwm si nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:21

Amiruokchu, Israelhai thua chun, “Mi timawhai le sêlhrâthai ta dingin, Sûnnithlâkin ka bânhai ka phar hlak kha,” a tih a.

2 KORINTH 12:15

Kei chu ka nei po po in thlarau ta dingin lâwm takin hmang zo ka ta, kei ngei khawm inhmang zo vawng bawk ka tih. Chuong lâwma ka hmangai si cheu chun in mi hmangai tlâwm lem bîk el ding maw?

2 KORINTH 2:15

Sandam mêkhaia le, bohmang mêkhaia chun, Pathien ta dingin Krista rim inhnik kan ni sih a,

GALATI 4:11

In ta dingin tha ka sêng thlâwn el rawi am ti hi kân lau pêk cheu.

PHILIPPI 2:16

Chuongchun, a thlâwna tlân ka ni nawh a, a thlâwna sininrim ka ni bawk naw leiin Krista nia chun suong ding nei thei ka tih.

HEBRAIHAI 12:2

Isu ei ringna siemtu le suk- famkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung tah a.