ISAI 49:3 - Pathien Lekhabu Inthieng (BSI)

³ chun, ka kuomah, “Nang chu ka siehlaw i na; Israel, chawimawia ka umna ding chu i nih,” a tih a.

ISAI 49:3 ပူးပေါင်းရင်းမြစ်များ

ISAI 41:8

Nisienlakhawm, nangni Israel- hai ka siehlaw, Jakob hai ka mi thlang, ka ruolpa Abraham thlahai,

ISAI 42:1

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

ISAI 43:21

chuong ka mihai chu ka ta dinga inpâkna an suklang theina dinga ka ta dinga ka siemhai chu an nih.

ISAI 44:23

Aw vânhai, hlimtakin hla sak ro, LALPAIN chu chu a thaw ta sih a; leihnuoi hnuoitienghai, khêk ro, tlânghai, aw ramhnuoi le a sûnga thing um tinrênghai, hla sak suok phut ro: LALPA chun Jakobhai chu ân tlan tah a, Israelhaia chun ân chawimawi ding a ni sih a.

ISAI 50:10

Nangni laia LALPA chu ṭih a, a siehlaw thuawi chu, tu am a na? Inthima lênga var hrim hrim nei naw chun LALPA hming chu ring sienla, a PATHIEN chungah innghat raw se.

ISAI 52:13

Ngai ta, ka siehlaw chun vartakin thâwng a ta, chawimawi le chawisângin um a ta, insângtakin um a tih.

ISAI 53:10

Nisienlakhawm, LALPAIN ama chu vuok thiduk a nuom hrim a nih; a sukna ta ngei a; a hringna chu suol ta dinga thilinhlâna a hmang pha chun, a chithla chu hmu tâng a ta, a dam sûng nihai chu suksei a ta, LALPA dit zâwng chu a kuta hlawtlingin um a tih.

LEVI DÂN 10:3

Chuongchun, Mosie chun Aron kuomah, “Hi hi a nih LALPAIN, ‘A mi hnaituhaia chun inthiengin inlang ka ta, mipui po po hmaa chun chawi- mawiin um ka tih,’ tiha a hril kha,” a tih a. Aron chu a to zing a.

ZEKARIA 3:8

Tuhin thiempu lal aw Josua, nang le i hmaa i rawihai ṭhung hlakhai le chun ngai ta u; inchikna dinga mihai an ni sih a; ngai ta u, a Kau, ka siehlaw chu ka hung lâk suok ding a ni sih a.

MATTHAI 17:5

A la hril lai zingin ngai ta, sûm vârtakin anni a hung hlie tah a; chun, ngai ta, sûma inthawk râwlin, “Hi hi ka Naupa dittak, ka ilâwm bêk bêk chu a nih, ama thu ngai ro,” a ta.

JOHAN 12:28

Pa, i hming inchawimawi rawh,” a ta. Chuongchun, vâna inthawkin râwl a hung suok a, “Ka chawimawi tah, chawimawi nâwk bawk ka tih,” a ta.

JOHAN 15:8

Hi hi leiin ka Pa chu chawi- mawiin a um hlak, tamtaka in ra hin; chuongchun, ka închûktirhai nîng in tih.

JOHAN 17:1

Chuong thu chu Isûn a hril a; chun vântieng nghain, “Pa, a hun a tlung tah; i Naupa chawimawi rawh, Naupa hin a chawimawina ding chein;

JOHAN 17:4

Nangin thil thaw ding i mi pêk kha ka thaw zo tah a, khawvêla hin ka chawimawi ta che.

EPHESI 1:6

a lunginsietna ropuizie chu Dittaka a thlâwna a mi pêk chu inpâk dingin.

2 THESSALONIKA 1:10

chu ni, a mi inthienghaia chun chawimawia um ding le, ringtuhai po poa chun (kan thu inhriettir cheu kha in awi sih a) makti dinga a hung nia chun.

1 PETER 2:9

Nisienlakhawm, inthima in- thawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni sih a.