ISAI 49:25 - Pathien Lekhabu Inthieng (BSI)

²⁵ Nih e a, LALPA chun hieng ang hin a tih, ‘Mi hrâttak salhai meu khawm lâkpêkin um an ta, mi ṭium râllâkhai chu sansuokin um an tih; nangma dotu chu ka do ding a ni sih a, i nauhai khawm ka sandam ding a nih.

ISAI 49:25 ပူးပေါင်းရင်းမြစ်များ

INṬANNA 12:3

Chun, malsâwmtu che taphawt chu malsâwm ka ta, ṭawngsie inphurtu che chu ṭawngsie inphur ka tih: nangmaa chun hnam tin la thawveng an tih,” a tih a.

INPÂKNA HLABU 35:1

Aw LALPA, a mi thawtuhai chu nangin thaw la, A mi dotuhai chu nangin do rawh.

ISAI 10:27

Chu nia chun a rikphur chu i liengkoa inthawka lâk hmangin um a ta, a rîngkawl chu i rînga inthawka lâk hmangin um bawk a tih; hriek nâl lei chun rîngkawl chu suksietin um tâng a tih,” tiin.

ISAI 10:6

Râllâk la ding le, thil lâkpêk la ding le kawtthlêr chirhak anga sir dingin ama chu Pathien inza naw hnam do dingin tir ka ta, ka lunginsenna mihai chu thaw dingin thu pêng ka tih.

ISAI 14:1

LALPA chun Jakob rawi chu lunginsiet a ta, Israelhai chu thlangin anni rama ngei chun a lân umtir ding a ni sih a; chun, ram dang mihai chun anni chu hung zâwm an ta, Jakob sûnghai chu chel tlat an tih.

ISAI 14:2

Chun, chi tin chun anni ṭhuoi an ta, an hmun ding chu intlun an tih; chuongchun, Israel sûnghai chun LALPA rama chun anni chu suokpa- ahai le suoknuahai la nei an tih; anni sala mantuhai chu salah la man an ta, anni suknawmnatuhai chunga chun ro la rêl an tih.

ISAI 19:20

Chu chu Aigupta rama sipaihai LALPA ta ding chun inchikna le hrietna nîng a tih, nêksâwrtuhai leiin LALPA chu an la ko ding a ni sih a; chuongchun, ama chun sandamtu le humhimtu tir a ta, ama chun annirawi chu sansuok a tih.

ISAI 25:4

Mi ṭiumhai thuok chu thlipuiin bang a nam sawk sawk anga a hung um lai hin, nang chu mi rimsihai ta dingin kulbîng, pasie lunginzîng laia dinga kulbîng, thlipuia inthawka inhumhimna, nisa sat hlietu i ni hlak sih a.

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi LALPA chu a ni hi; ama hi ei nghâk zing a, a san- damnaa chun hlimin lâwm ei tih,” tîng an tih.

ISAI 33:22

LALPA chu ei rorêltu a na, LALPA chu dân mi petu a nih; LALPA chu ei lal a na, ama chun mi sandam a tih.

ISAI 35:4

Lungril dâwihai kuoma chun, “Hrâttakin um unla, ṭi naw ro, ngai ta u, in Pathien chu phubalâkna leh hung a tih, Pathien thungna le chun; hung a ta, sandam a ti cheu,” ti ro.

ISAI 40:2

Jerusalem mihai kuomah thla- muongna tieng pangah thu hril unla, an indona chu a tâwp a, an suolna chu ngaidam an nih a, an thil suksuol po po aiah LALPA kuta inthawkin a let hniin an hmu tah ti hril ro.

ISAI 5:29

An ri inri dur dur chu sakei- baknei inrûm ang el nîng a ta, sakeibaknei vânglaihai inhûk ang elin inri dur dur an tih; anih, inri dur dur an ta, an sa se ding chu sêng an ta, himtakin fe hmangpui an tih, san- suoktu ding tukhawm um naw ni hai.

ISAI 51:14

Sal ṭhuoi hmanga um chu inrangtaka insuoin um a ta, thiin khursûngah fe naw nih a, a bu chu um naw bawk naw ni.

ISAI 51:22

i LALPA Jehova, i Pathien, a mihai thu hrilpui hlaktu chun hieng ang hin a tih; “Ngai ta, pêm pêm- na no, ka lunginsenna no berbu ngei chu, i kuta inthawkin ka lâk suok tah; dâwn nâwk ta naw ti ni;

ISAI 54:13

I nauhai po po chu LALPA in- chûktirin um an ta, i nauhai lung- muongna chu nasatak nîng a tih.

JEREMIA 15:21

Mi rilohai kuta inthawk chun sansuok ka ti cheh a, thil ṭium kuta inthawk chun intlansuok bawk ka ti che.

JEREMIA 29:10

LALPA chun hieng hin a ti sih a; Babulona intâng kum sâwmsari a tling hnunga chun, hung sir ka ti cheu a, hi hmuna inkîrtir ding cheuin in kuoma chun ka thu tiem chu hlen ka tih.

JEREMIA 31:11

LALPA chun Jakob chu ama nêka hrât lem kuta inthawk chun ân tlansuokin a sansuok ta sih a.

LEVI DÂN 25:54

Chuong ang zâwnga intlan a ni naw khawma, jubili kum chun suok a ta, ama le a nauhai leh.

NAHUM 2:13

Sipaihai LALPA chun, “Ngai ta, ka do che a nih, i tawlailîrhai chu raw khu hlut hlut ka ta, i sakeibaknei têhai chu kâwlhnâmin bohmang an tih; chun, hnuoia i sase hi suktâwp ka ta, i palaihai râwl chu hriet ni ta naw ni,” a ta.

ZEKARIA 14:12

Chun, hihi hnam po pohai Jerusalem dotuhai chunga LALPAIN a hremna ding hri chu nîng a tih; an kehaia an ngîr zing laiin an taksa chu hung kawrhmang a ta, an mithai chu an mitkhurhaia chun hung thêp- hmang a ta, an leihai khawm chu an bauah hung bohmang a tih.

ZEKARIA 14:3

Chun, LALPA chu fe suok a ta, indona nia a do angin, chuong hnam- hai chunga chun do a tih.

ZEKARIA 9:11

Chun, nanga chungthua chun, i thuthlung thisen leiin i sal intânghai chu khur sûng tui um nawnaa in- thawk chun ka tir suok tah a.

MARKA 3:27

Tukhawm mi hrât ina lûtin a sum chu a lâkpêk thei ngai nawh, mi hrât chu an phier hmasa zet naw chun; chu hnunga ruok chun a in chu inrampêk el an tih.

GALATI 4:26

Chungtieng Jerusalem ruok chu suok a ni nawh a, chu ngei chu eini nu a nih.

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol sih a, Pathien Naupa hung inlang san tak chu Diebol sin- thawhai a sukbohmang theina dingin a nih.

THUPUONGSUO 18:20

“Aw vân le nangni mi in- thienghai, tirkohai dâm, zâwlneihai dâm, lâwm ro, ama chun in chunga ro a rêlna chun Pathienin a chungah ro a rêl ve ta hi,” tiin.