ISAI 49:15 - Pathien Lekhabu Inthieng (BSI)

¹⁵ Nuhmeiin a naupa, a rîla ra chu, lunginsiet nawna dingin a nau nêne ne lai chu a theinghil thei am a nih? Chuonghai chun an theinghil thei a ni thei a, nisienlakhawm, kei chun theinghil naw ning che.

ISAI 49:15 ပူးပေါင်းရင်းမြစ်များ

JOB LEKHABU (THE BOOK OF JOB) 24:20

Sul chun ama chu theinghil a ta, nge chun inhniktakin ama fâng a tih, Ama chu hriet zing khawm ni ta naw ni; Chun, fel nawna chu thing anga sukthliek ni bawk a tih.

INPÂKNA HLABU 103:13

Pain a nauhai a lunginsiet ang hin, LALPA chun ama ṭituhai chu a lunginsiet hlak.

INPÂKNA HLABU 27:10

Ka nu le pa chun an mi mâksan ta sih a, Nisienlakhawm, LALPA chun mi la pawm a tih.

INPÂKNA HLABU 77:9

Pathien chun lunginsiet a theinghil am a ni aw? Lungsenin a lainatnahai chu a khâr ta am a ni aw?

THUVARHAI 31:2

Ieng am, ka naupa? Ieng am, ka sul ra ka naupa? Ieng am, ka thutiemhai naupa?

ISAI 14:1

LALPA chun Jakob rawi chu lunginsiet a ta, Israelhai chu thlangin anni rama ngei chun a lân umtir ding a ni sih a; chun, ram dang mihai chun anni chu hung zâwm an ta, Jakob sûnghai chu chel tlat an tih.

ISAI 44:21

Aw Jakobhai, chuong thilhai chu hre zing ro, Israelhai, hre zing bawk ro; ka siehlawhai in ni sih a; keiin kân ngîr cheu a; ka siehlawhai in nih; aw Israelhai, ka theinghilin um naw ti niu.

ISAI 49:14

“Nisienlakhawm, Zion chun, ‘Jehova chun a mi mâksan a, Lalpain a mi theinghil tah,’ a tih a.

ISAI 54:10

Tlâng lienhai chu fe hmang an ta, tlâng chînhai chu sawnin um bawk an tih; ka zainêmna ruok hi chu i kuoma inthawkin fe hmang naw nih a, ka remna thuthlung chu sawnin um bawk naw ni, LALPA a lungin- siettu che chun a tih.

JEREMIA 31:20

Ephraim hi ka naupa dittak am a nih? Ama hi naupang tiawi am a nih? Ama ka thunun pha, ama chu ka hriet zing tlat el hi? Chuleiin, ka lungril chun ama ka lainat a; matheiloin, ama chunga chun zâ- ngaina nei ngei ka tih, LALPA chun a tih.

JEREMIA 51:5

Israelhai amanih, Judahai ama- nih, an Pathien, sipaihai LALPA chu a nghatsan si nawh a; an ram chu Israel Mi Inthieng dodâlin khawhlo- nain sip hle sien khawm.

ṬAP HLA 4:10

Lunginsietna hau nuhmeihai kut chun an nauhai ngei chu an suong a; Ka mihai naunu suksieta a umnaa chun an buhai an nih.

ṬAP HLA 4:3

Sihalhai hmana an nêne an keisuok a, an têhai an innêktir a; Ka mihai naunu ruok chu, thlalêra varîngseihai angin a khawhlo a ni ta hi.

HOSEA 11:1

Israel chu a naupang lai chena inthawk ka hmangai a, Aigupta rama inthawkin ka naupa dinga ka ko suok a nih.

LEVI DÂN 26:29

In naupasalhai sa fâng in ta, in naunuhmeihai sa khawm fa bawk in tih.

MALAKI 3:17

Sipaihai LALPA chun, “Anni chu ka tahai nîng an ta, ro mak bîktak ka siemna nia ngei chun; chun, miin a naupa ama rawngbâwl- tu chu a hla hlak angin anni chu hlâng ka tih.

MATTHAI 7:11

Chuongchun, nangni mi suol hmanin in nauhai thil ṭha pêk nachang in hriet chun, in Pa vâna mi chun a hnituhai chu thil ṭha a pêk lem hman hman naw ding am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:31

hrietthiemna bo, thu tiem bawsietuhai, piengpui lunginsietna nei naw mihai, lunginsietna nei naw mihai an lo ni tah a;

1 SAMUEL 12:22

A hming ropuitak lei hin LALPA chun a mihai chu a nghatsan âwm si nawh a, a mihai ni dinga siem cheu chu LALPA lâwm zâwngtak a ni sih a.