ISAI 49:11 - Pathien Lekhabu Inthieng (BSI)

¹¹ Chuongchun, ka tlâng po po chu lampuiah siem ka ta, ka lamlienhai chu suksângin um bawk a tih.

ISAI 49:11 ပူးပေါင်းရင်းမြစ်များ

INPÂKNA HLABU 107:4

Thlalêra ram ṭâwl lampuia chun an invâk an invâk a, Mihriem umna khuo hrim hrim an hmu nawh a.

INPÂKNA HLABU 107:7

Mihriem umna khuoa an fe theina dingin, Lampui tlûntakah a ṭhuoi tah a.

ISAI 11:16

Chuongchun, Aigupta rama inthawka an suok nia, Israelhai ta dinga lamlien a lo um ang khan a mihai thi mahla la um sunhai ta ding chun Assuria rama inthawkin lamlien hung um a tih.

ISAI 19:23

Chu nia chun Aigupta rama inthawkin Assuria ram chenin lam- lien um a ta; chuongchun, Assuria mihai chu Aigupta ramah fêng an ta, Aigupta mihai chu Assuria ramah fe bawk an tih; Aigupta mihai chun Assuria mihai leh Pathien chu chibai bûk hmunkhat tâng an tih.

ISAI 43:19

Ngai ta u, thil thar ka thaw ding a nih; tuta inthawk hin mâwng a tih; chu chu in hriet naw ding am a nih? Thlalêra meu khawm lampui siem ka ta, ram ṭâwla chun vadunghai siem bawk ka tih.

ISAI 52:12

Inhmâwtakin in fe suok âwm si nawh a, tlânsiein fe bawk naw ti niu; LALPA chun in hma a ṭhuoi ding a ni sih a; Israelhai Pathien chu in hnung dâltu nîng a tih.

ISAI 57:14

Chun, ama chun, “Sung pâwng ro, sung pâwng ro, lampui buotsai ro, ka mihai lampuia an tlûkna ding chu pei ro,” tîng a tih.

ISAI 62:10

Suok unla, kul kawtkhârahai chun suok ro; mihai ta dingin lampui buotsai unla, sung pâwng unla, lamlien chu sung pâwng ro; lunghai chu rût fai unla, mihai ta dingin inchikna târ suok ro.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.