ISAI 49:10 - Pathien Lekhabu Inthieng (BSI)

¹⁰ An phîngṭâmin dangchâr naw ni hai a; lumin sukrinumin nisain em bawk naw ni; anni lunginsiettu chun a ṭhuoi ding a ni sih a; tuihnâr kâwl- ahai ngei chun a ṭhuoi ding a nih.

ISAI 49:10 ပူးပေါင်းရင်းမြစ်များ

ISAI 14:1

LALPA chun Jakob rawi chu lunginsiet a ta, Israelhai chu thlangin anni rama ngei chun a lân umtir ding a ni sih a; chun, ram dang mihai chun anni chu hung zâwm an ta, Jakob sûnghai chu chel tlat an tih.

ISAI 25:4

Mi ṭiumhai thuok chu thlipuiin bang a nam sawk sawk anga a hung um lai hin, nang chu mi rimsihai ta dingin kulbîng, pasie lunginzîng laia dinga kulbîng, thlipuia inthawka inhumhimna, nisa sat hlietu i ni hlak sih a.

ISAI 32:2

Mi pakhat chu thlipuia inthawka inbîkna hmun ang le, ruopuia in- thawka inbîkna ang nîng a ta, hmun ṭâwla tui luonghai ang, ram châutaka lungpui lientak hlim ang el chu.

ISAI 33:16

ama chu chungtieng chun um a ta, a kulbîng insânghai chu lungpui kulbînghai chu nîng a tih: bu chu a kuoma pêk nîng a ta, a tuihai chu um ngei ngei a tih.

ISAI 35:6

Chu pha chun kebaihai chu sakhi angin inchâwm an ta, ṭawng thei- nawhai lei chun hlimtakin hla sak a tih; thlalêra chun tuihai chu hung inkhaw suok huou huou a ta; ram ṭâwla chun vadunghai tui chu hung inchik suok hur hur bawk a tih.

ISAI 35:7

Chuongchun, ṭieuphit lumtak hmun chu dîlah inchang a ta, hnuoi dangchârtak chu tuihnârhaiah in- chang a tih: sihalhai chêngna, an zâlnaa chun hlobet, phairuong le thielkuong um a tih.

ISAI 4:6

Sûna chun nisa sat hlietu ding le thlipui le ruopuia inthawka inhum- himna le inbîkhmangna ding hmun dinga bâwktê nîng a tih.

ISAI 40:11

Ama chun berâm vêngtu angin a pâwl chu châwm a ta, berâmtehai chu a bânin pawm khâwm a tih, a âng- sûnga siein fepui a ta, te ṭhuoi laihai chu damtêin ṭhuoi diel diel a tih,” ti rawh.

ISAI 41:17

Mi rimsi le pasiehai chun tui an zawng hlak a, a um si nawh a, an lei dangchârin a ṭâwl vawng hlak; kei LALPA hin anni chu dawn ka ta, kei Israelhai Pathien hin anni chu mâksan naw ning.

ISAI 43:19

Ngai ta u, thil thar ka thaw ding a nih; tuta inthawk hin mâwng a tih; chu chu in hriet naw ding am a nih? Thlalêra meu khawm lampui siem ka ta, ram ṭâwla chun vadunghai siem bawk ka tih.

ISAI 48:17

LALPA, nangni intlantu, Israel- hai Mi Inthieng chun hieng ang hin a tih, “Kei hi LALPA in Pathien, in ṭhatna dinga nangni inchûktirtu, in fena lampuia ṭhuoitu ding cheu chu ka nih.

ISAI 48:21

Thlalêrahai chun a ṭhuoi lai khan an dang a châr nawh a; lung- puia inthawk chun an ta dingin tuihai ân luong suoktir a; lungpui chu a sukkawi a, chuongchun, tuihai chu a hung suok ta zur zur a.

ISAI 51:14

Sal ṭhuoi hmanga um chu inrangtaka insuoin um a ta, thiin khursûngah fe naw nih a, a bu chu um naw bawk naw ni.

ISAI 52:12

Inhmâwtakin in fe suok âwm si nawh a, tlânsiein fe bawk naw ti niu; LALPA chun in hma a ṭhuoi ding a ni sih a; Israelhai Pathien chu in hnung dâltu nîng a tih.

ISAI 54:10

Tlâng lienhai chu fe hmang an ta, tlâng chînhai chu sawnin um bawk an tih; ka zainêmna ruok hi chu i kuoma inthawkin fe hmang naw nih a, ka remna thuthlung chu sawnin um bawk naw ni, LALPA a lungin- siettu che chun a tih.

ISAI 54:8

Ka lunginsen luotin mitkhapkâr nanga tieng ka hmai ka thup a; nisienlakhawm, kumkhawtluong zai- nêmnain lunginsiet ka ti che, LALPA nangma intlantu chun a tih.

ISAI 58:11

Chun, LALPA chun ṭhuoi rawp a ti cheh a, hmun ṭâwla khawm sukkhawp a ti che a, i ruhai khawm sukhrât bawk a tih; chun, huon tuia châwm ang le, tuihnâr kang ngai lo ang ni tâng i tih.

ISAI 65:13

Chuleiin, LALPA Pathien chun hieng ang hin a tih, “Ngai ta u, ka siehlawhai chun fâng an ta, nangni ruok chu phîngṭâmin um in tih: ngai ta u, ka siehlawhai chun dâwn an ta, nangni ruok chu dangchârin um in tih; ngai ta u, ka siehlawhai chu hlim an ta, nangni ruok chu inzak in tih:

JEREMIA 31:9

Ṭap pumin hung an ta, thla- muongtakin anni chu ṭhuoi ka ta, tuihai vadungpuihai sîra chun, lam- pui tlûnah an insui nawna dinga chun anni chu infetir ka ta, Israel pa chu ka na, Ephraim chu ka nau lutîrtak a ni sih a.

EZEKIEL 34:23

An chunga chun berâmpu pakhat sieng ka ta, ka siehlaw David ngei chu, ama chun anni chu châwm a ta, an ta dingin berâmpu nîng a tih.

JONA 4:8

Chun, nisa a hung suok chun Pathienin khawsak thli lum a ruot a; nisa chun Jona lu chu a em a, a thidang a, a ta ding chun thi a hni tah a; “Keia ta dingin dam nêkin thi a ṭha lem,” a ti tah a.

MIKA 7:14

Karmel tlâng kâra khawsâwt- taka um i rochan berâm ruol, I mihai chu i hembâwk hmangin châwm la, inhma ang khan Basan le Gileada châwmin um tâwl raw hai se,

MATTHAI 5:6

“Felnaa phîngṭâma dangchârhai chu an hamṭha; an la tlai ding a ni sih a.

JOHAN 6:35

Chun, Isûn an kuomah, “Kei hi hringna bei chu ka nih, tûkhawm ka kuoma hung chu phîngṭâm naw ni, tûkhawm a mi ring chu iengtika khawm dangchâr naw ni.