ISAI 47:1 - Pathien Lekhabu Inthieng (BSI)

¹ Aw Babulon nau nunghâk, ṭum la, pilvutah ṭhung rawh; aw Kaldai naunu, lalṭhungpha boin hnuoiah ṭhung rawh; inno le ṭha an ti ta naw ding che a nih.

ISAI 47:1 ပူးပေါင်းရင်းမြစ်များ

JOB LEKHABU (THE BOOK OF JOB) 2:13

Chuongchun, ama kuoma chun hnuoi chungah ni sari le zân sari an ṭhung a, a tu khawm chun a kuomah iengkhawm an hril nawh a; a lung- ngaina chu a nasa êm êm a nih ti an hmu sih a.

JOB LEKHABU (THE BOOK OF JOB) 2:8

Ama chun ama le ama ân huotna dingin bekawihâr a lâk a; vut lai chun a ṭhung tah a.

INPÂKNA HLABU 137:8

Aw Babulon naunu, sukbo- hmanga um ding, Kan chunga i thaw anga, Thung ding che chu lâwmtakin um a tih.

INPÂKNA HLABU 18:27

Rinum tuor mihai chu i sandam ding a ni sih a, Mi chapohai ruok chu suktlâwm i tih.

INPÂKNA HLABU 89:44

A ropuina chu i suktâwp a, A lalṭhungpha chu hnuoiah i pei thlâk tah a.

ISAI 13:1

Babulon phurrik Amoz naupa Isaiin a hmu chu.

ISAI 13:13

Chuongchun, vân khi sukthin ka ta, sipaihai LALPA lunginsen leiin; a lunginsenna nasatak nia chun, hnuoi khawm hi a umna hmun sawn dawr khawpa sukhnîngin um a tih.

ISAI 14:1

LALPA chun Jakob rawi chu lunginsiet a ta, Israelhai chu thlangin anni rama ngei chun a lân umtir ding a ni sih a; chun, ram dang mihai chun anni chu hung zâwm an ta, Jakob sûnghai chu chel tlat an tih.

ISAI 21:1

Tuipui thlalêr phurrik chu. Sim rama thlivir a fe thlengin thlalêra inthawkin, ram ṭiumtaka inthawk chun, a hung ie.

ISAI 23:12

Chun, ama chun, “Aw Zidon nau nunghâk, mi nêksâwr, hlim nâwk ta naw ti nih; tho la, Kittim ramah kai rawh; chutaka khawm chun châwlna hrim hrim hmu chuong naw ti nih,” a ta.

ISAI 26:5

Ama chun insângtaka umhai chu a suktlâwm ta sih a, khawpui insângtak chu; chu chu a sie hnuoi a, hnuoi tlung rakin a sie hnuoi a, pilvut tlung rakin a sukthlûk a.

ISAI 3:26

A kul kawtkhârhai chun an âwm inchumin ṭap an ta; ama chu ruok a ta, hnuoiah inṭhung a tih.

ISAI 37:22

hi hi a chungchâng thu LALPA- IN a hril chu a nih: Zion naunu nunghâk chun a hmusit cheh a, a nuisan che; Jerusalem naunu chun a lu a thin khum che.

ISAI 52:2

Aw Jerusalem, pilvut i kai kha inthin rawh, tho la, ṭhung rawh; aw Zion naunu, sala um, i rîng khuop- nahai kha sût rawh.

JEREMIA 13:18

Lal kuoma le a nu kuoma chun hril la: “Inngaitlâwm unla, ṭhung ro, in lukâwmhai chu a hung inhnuoi tah a, in ropuina lallukhum ngei chu.

JEREMIA 46:11

Gileada chun hang fe la, thinghnai damdâwi hang la rawh, aw Aigupta naunu nunghâk inthieng, a thlâwn elin damdâwi tamtak i lo hmang tah a; i ta dingin damna hrim a um nawh a.

JEREMIA 48:18

“Aw nang Dibona chêng naunu- hmei, i ropuinaa inthawkin hung thla la, dangchârin ṭhung rawh; Moab suksetu chu i chungah a hung tlung a, i kul nghethai chu a suksiet ta sih a.

JEREMIA 50:1

Zâwlnei Jeremia hmanga, Kal- daihai ram chungthu, Babulon chungthua LALPA thuhril chu:

JEREMIA 50:42

Anni chun thalngul le fei an chawi a; an rilo hle a, lunginsietna an nei nawh; an râwlhai chu tuisuoriet angin ân rûm a, sakawr chungahai chun an chuong a; Aw Babulon nau- nu, nangma chunga chun, indonaa mi angin, mi tin chu an intlar a nih.

JEREMIA 51:1

LALPA chun hieng hin a tih: “Ngai ta u, Babulon chunga le, Kaldaia chêngtuhai chunga chun suksietna thli hung inhrângtir ka ta.

JEREMIA 51:33

Sipaihai LALPA Israel Pathien chun hieng hin a ti sih a: “Babulon naunu chu hrizâwl bu chîl mêkna lai ang chu a nih; nakie sâwt nawtêah, ama ta dingin bu chil hun la hung tlung a tih,” tiin.

JEREMIA 51:51

Kâwkna chu ei hriet tâk leiin ei inzak a, buoinahai chun ei hmaihai khawm an inkhum tah a, LALPA ina hmun inthienga chun mikhuolhai chu an hung lût ta sih a.

ṬAP HLA 2:10

Zion naunu upahai chu hnuoi chungah an ṭhung a, an to ṭawk ṭawk a; An luhai chunga chun pilvut an vânvawr a; saiip puonin an inthuom a; Jerusalem nunghâkhai khawm hnuoi tieng an luhai an kûn el a nih.

ṬAP HLA 2:21

Mi a naupang le upa khawm chu kawtthlêra chun hnuoiah an zâl a; Ka nunghâkhai le ka tlangvâlhai chu kâwlhnâmah an tluh a; I lunginsenna nia chun anni chu i sukhlum a, Anni chu i that a, i lunginsiet nawh a,

ṬAP HLA 4:5

Dutuitaka fâk zawng hlaktuhai kha, kawtthlêrhaia bohmangin an um a; Sen inlâra enkawl tleihai khawm khan êkdûr chu an pawm a.

EZEKIEL 26:16

Tuisuorieta lalhai po po chu an lalṭhungphahaia inthawk chun ṭhung thlâng an ta, an lal puonhai chu sieng an ta, an silfên cheimawihai chu hlîp an ta, anni chu inthinnain inthuom tâng an tih; leihnuoi chungah ṭhung an ta, ieng lai khawmin inthin an ta, nangma chu maktîng an ti che.

EZEKIEL 28:17

I mâwina leiin i lungril a lo insâng tah a, I tlêtna lei chun i varna chu i lo suksiet tah a, Hnuoiah ka pei thlawr cheh a, An hmu theina ding chein lalhai hmaa chun kân zâltir che a nih.

JONA 3:6

Chuong thu chu Ninevi khaw laltak nahrietah a hung tlung tah a, a lalṭhungphaa inthawk chun a tho a, a lal puon chu a hlîp thlâk a, saiip puon a sil a, vut lai a ṭhung tah a.

HAGGAI 2:22

ramhai lalṭhungpha khawm chu pei thlâng ka tih; chun, hnamhai lalram hrâtna chu sukse bawk ka tih; chun, tawlailîrhai chu pei thlâng ka ta, a chunga chuongtuhai le chun; sakawrhai le a chunga chuong, mi tin chu mâni unau kâwlhnâm ngeia suktlâwm ni tâng a tih,’ tiin.

ZEKARIA 2:7

Babulon naunu le chêng hmun- khat Zion, hung la, hung suok rawh.

THUPUONGSUO 18:7

“Ân sukropui le ân hawitirzie ang pei khan sawisain suklungngai thung ro; a lungril chun, ‘Lalnuin ka ṭhung a nih, hmeithai hrim ka ni nawh a, lungngaina hmu dêr naw ningah’, a ti sih a.