ISAI 46:7 - Pathien Lekhabu Inthieng (BSI)

⁷ An liengkoah an put a, an fepui a, a hmun dinga chun an sie hlak a, a ngîr ta zing a, a umnaa inthawk chun insawn ta naw nih: anih, miin ama chu ko an ta, nisienlakhawm, dawn thei si naw ni a, an lunginzîngnaa inthawkin sansuok thei chuong naw ni.

ISAI 46:7 ပူးပေါင်းရင်းမြစ်များ

1 LALHAI 18:26

Chun, bâwngchal an puol chu an lâk a, an buotsai tah a, “Aw Baal, mi hung dawn raw khai,” tiin zîngkâra inthawka sûn chenin Baal hming chu an ko a. Nisienlakhawm, riva iengkhawm a um dêr nawh a, a dawntu hrim hrim hlak an um bawk nawh. Chun, an maichâm siem vêla chun an inchâwm an inchâwm el a.

1 LALHAI 18:29

Chun, nisa a hung inher chun zân tieng inthâwi hun chen ding hin an hril ruol duol duol zing a, nisienlakhawm, râwl riva hrim hrim a um nawh a, dawntu ding hrim hrim amanih, a lo ngaisaktu hrim hrim amani khawm an um bawk nawh a.

1 LALHAI 18:40

Chun, Elija chun an kuomah, “Baal zâwlneihai hi man unla, pakhat khawm insuo naw ro,” a ta. Chun, an man a, Elija chun Kison vadunga chun a ṭhuoi thlâk a, chutaka chun a that tâwl a.

ISAI 37:38

Chun, a pathien Nisrok ina chun pathien a biek laiin a naupa- salhai Adrammelek le Sarezer hai chun kâwlhnâmin an sât hlum a; chuongchun, an tlânhmang a, Ararat rama chun an lût tah a. Chun, a naupa Esar-haddon chun ama aiawin ro a rêl tah a.

ISAI 40:20

Chuong ang thilpêk pe zo loa, pase taluo chun thing hmawn lo ding a thlang hlak; milim siemfâwm, inhnîng lo ding, a ta dinga inngîrtirpêktu ding ama ta dingin a zawng hlak.

ISAI 41:28

Chun, ka hei en khawma mi hrim hrim an um nawh a; anni chu ka hei indawn khawmin anni lai remruottu, thu pakhat khawm dawn thei, tukhawm an um dêr nawh.

ISAI 41:29

En ta u, an rêngin, an sinthaw- hai chu iengkhawm ni lo a na, thil umlo el a nih, an milim sunghai khawm chu thli le boruok el a nih.

ISAI 41:7

Chuongchun, a chârna tieng thua chun, “A ṭha ie,” tiin themthiem mi chun rângkachak sut mi ân fui a, tubaua sutnâm mi chun dolunga sut mi chu ân fui bawk a; chun, ân hnîng nawna dingin kilnahaiin a kil tlat a.

ISAI 44:12

Thîrsuin hreipui a sut hlak a, meihawla chun a thun lût a, tubau- haiin a sut a, a bân hrâttak chun a sut hlak, anih, a phîng a hung ṭâm a, a tha chu a hung zawi hlak; tui hrim hrim a dâwn nawh a, a châu hlak.

ISAI 45:20

“Inkhawm unla hung ro; hnam tin laia hremna pumpeltuhai, hung hnai seng ta u, an thing milim siem- fâwm chawi hlak a, mi sanhim thei lo pathien kuoma ṭawngṭai hlaktuhai chun hrietna hrim hrim an nei nawh.

ISAI 46:1

Bela chu a lo kûn zing a, Nebo chu a lo insukhnuoi zing bawk a; an milimhai chu ran chunga le sa chunga chun an dawm kai tah a; Milim phurlawna umhai chu phurrik, sa châu ta dinga phurrik an nih.

ISAI 47:15

Chuongchun, în suksâwlna hlak thilhai chu a um ding a nih: i nau- pangtea inthawka i kuoma sum- dâwng hlaktuhai chu mâni lampui sengah invâk hmang an ta; sanhimtu ding che tukhawm um naw ni hai.

JEREMIA 10:5

Leipuia vate ṭi milim ang an na, nisienlakhawm, an ṭawng nawh a; an fe thei naw leiin zâwn an ngai a. Anni chu ṭi naw la, thil suol khawm an thaw thei nawh a, annia chun thil ṭha thawna ding khawm a um bawk nawh.

JEREMIA 11:12

Chun, Juda khawpuihai le, Jerusalem hluotuhai chu, riminhnik an inhlânna pathienhai kuoma chun fêng an ta, ko an tih; nisienlakhawm, chuonga an buoi lai huna chun anni chu sandam ngai hrim hrim naw ni hai.

JEREMIA 2:28

Anleh, i pathienhai i ta dinga i siemhai kha khaw lai am an um a? I buoi lai huna an sanhim thei che chun inthotir ta la; i khawpuihai tamzie ang peiin i pathienhai chu an tam sih a, Aw Juda.

DANIEL 3:1

Lal Nebukadnezzar chun rângka- chak milim a siem a, ân sângzie chu tawng sâwmruk a na, a khang- tieng chu tawng ruk a nih; Babulon biel sûnga Dura phaizâwla chun ân ngîrtir tah a.

JONA 1:5

Chun, lawng mihai chun an ṭih a, mâni pathien an ko seng a; lawng chu an ta dinga a zângna dingin lawng sûnga thuomhnawhai chu tuisuorieta chun an pei suok tah a, Jona ruok chu lawng sûngril taka chun a lo lût tah a, a lo zâl a, a lo ininnghil dêr tah a.

1 KORINTH 12:2

Awinawhai in ni lai khan, ieng ang khawma an ṭhuoi ang pei cheu khan, khâng milim rawl neilo tienga khan ṭhuoihmangin in um ti in hriet a.

1 SAMUEL 5:3

Chun, Asdod khuoa mihai chun a zînga zîngkâr an hang tho chun, ngai ta, LALPA bâwm hmaa chun Dagon chu a hmaia hnuoi sikin a lo tlu dêr el a. Chun, Dagon chu an lâk a, a umna hmuna chun an sie nâwk a.