ISAI 46:10 - Pathien Lekhabu Inthieng (BSI)

¹⁰ keiin a tâwp ding chu a tira inthawk hrimin ka hril hlak a, thil la thaw nawhai chu tienlaia inthawk khan ka hril ta hlak; “Ka remruot chu ngîrsuok a ta, ka dit zâwng po po chu thaw vawng ka tih,” ka tih a,

ISAI 46:10 ပူးပေါင်းရင်းမြစ်များ

INṬANNA 3:15

nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.

INṬANNA 49:10

Lal hmawl chu Judaa inthawk hin bo naw nih a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

JOB LEKHABU (THE BOOK OF JOB) 23:13

Nisienlakhawm, ama chu ngaituona thleng lo a na, tuin am ama chu herhmang thei a ta? A lungrilin a nuomtak chu, chu ngei chu a thaw hlak.

INPÂKNA HLABU 135:6

LALPA chun a nuom taphawt chu a thaw hlak a, Vânahai, hnuoiahai, tuisuorietahai, tui inthûktak po pohaia khawm.

INPÂKNA HLABU 33:11

LALPA remruot ruok chu kumkhuoin um det a ta, A lungrila a ngaituohai chu suon po po chenin umdet a tih.

THUVARHAI 19:21

Mihriem lungrila chun remruotna tamtak a um a, Amiruokchu, LALPA thurâwn chau chu ngîrsuok a tih.

THUVARHAI 21:30

LALPA kal zâwnga thurâwn amanih, Hrietthiemna amanih, varna amani khawm a um nawh.

ISAI 10:12

Chu lei chun Lalpa chun, Zion tlâng le Jerusalem chunga sinthaw ding po po a thaw zo pha chun, Assuria lal a lungril chapo ra le a mit chapo ropuina chu la hrem ka tih.

ISAI 14:24

Sipaihai LALPA chun hieng anga hrilin ṭawng ân khâm tah, “Matheiloin ka ngaituo ang tak hin hung tlung a ta;

ISAI 25:1

Aw LALPA, nang chu ka Pathien i na; chawimawi ka ti cheh a, i hming inpâk ka tih; thil maktak, inhmaa remruothai chu, ringumtak le thutakin i thaw sih a.

ISAI 40:8

Hlobet chu a vuoi a, a pâr chu a ṭuoi hlak: ei Pathien thu ruok hi chu chatuonin um zing a tih.”

ISAI 41:21

In thu chu hung hril ro, LALPAIN a tih; pathien in tina san takhai chu hung la suok unla, Jakob- hai Laltak chun a tih.

ISAI 41:4

A tira inthawkin suon po po koin, tuin am thawh a, thaw zo? Kei LALPA, a hmasa tak le a nuhnung tak kuoma um hi, a thawtu chu ka nih.

ISAI 43:13

Anih, ni um china inthawk khan kei chu ama chu ka nih, chuongchun, ka kuta inthawka sansuok thei tu- khawm an um dêr nawh, sin thâwng ka ta, tuin am chu chu sût an ta?” tiin.

ISAI 44:7

Tienlaia mihai ka siem china inthawk tah keima thaw angin tuin am ko a ta, tuin am chuong chu hril a ta? Tlung dinghai le la hung um dinghai chu hril raw se.

ISAI 45:21

Hril unla, hung suksuok ro, anih, inrâwn tâwl raw hai se; inhmaa inthawk tah tuin am ân hriettir a? Tienlaia inthawk tah tuin am a hril a? Kei LALPA hin ka thaw a ni naw am a nih? Keima naw chu Pathien dang hrim an um nawh. Keima naw chu a dang hrim an um nawh; Pathien fel le sandamtu ka nih.

ISAI 46:11

khawsak tienga inthawkin vate hnukinrâwltak, ram hlataka in- thawka ka mi ruot chu ka ko a, anih, ka hril tah a, muolsuo bawk ka tih; ka tum tah a, thaw bawk ka tih.

ISAI 48:14

Nangni rawi po pohai, inkhâwm unla, ngai ro; anni lai chun tuin am hieng thil hi a hril hlak a? LALPA chun ama chu a hmangai a, ama chun Babulon chunga chun a dit zâwng thâwng a ta, a bân chu Kaldaihai chungah inletin um a tih.

ISAI 48:3

Kha hma thilhai chu tiena tlângah ka lo hril tah a, anih, ka baua inthawkin a suok a, kân hriettir a; kârloin ka muolsuo thut a, a hung tlung tah a.

ISAI 53:10

Nisienlakhawm, LALPAIN ama chu vuok thiduk a nuom hrim a nih; a sukna ta ngei a; a hringna chu suol ta dinga thilinhlâna a hmang pha chun, a chithla chu hmu tâng a ta, a dam sûng nihai chu suksei a ta, LALPA dit zâwng chu a kuta hlawtlingin um a tih.

ISAI 55:11

chuong ang bawkin ka baua inthawka ka thu suok chu um a tih: iengkhawm thaw nei loin ka kuomah hung kîr nâwk naw nih a, ka dit ang chu thaw lem a ta, thil thaw dinga ka tirnaa chun hlawtling bawk a tih.

JEREMIA 44:28

Chuong kâwlhnâma inthawka suokthlenghai, mi tlâwmte chau chu Aigupta rama inthawk chun Juda rama chun hung kîr nâwk an tih; chuongchun, va mikhuol dinga Aigupta rama Juda la um sun va fehai po po khan, keia thu am a ni, anni thu a ieng am a dingchang lema ti hre tâng an tih.

EZEKIEL 39:8

Ngai ta, a hung tlung mêk a nih, thaw a ni ngei ding a nih, Lalpa PATHIEN chun a tih; hi hi a nih ni ka ihril chu.

DANIEL 4:35

Hnuoi chung hluotuhai po po chu iengkhawm ni lo anga ngai an na, Hnuoi chung hluotuhai le vâna sipai pâwl ruolhai chunga chun A nuom ang angin a thawh a, Tukhawmin a kut chu an chel thei nawh a. “Nangin ieng am i thaw an leh?” an ti thei bawk nawh.

HOSEA 5:9

Ephraim chu hremna nia chun sukrêm nîng a ta, Thil hung ni ngei ding chu Israelhai laia chun kân hriettir tah a nih.

THILTHAWHAI 15:18

Khawvêl siem tîra inthawkin hieng thu inhriettir hlaktu Lalpa chun a tih,’ ti ziek ang khan.

THILTHAWHAI 3:23

Chun, mi tûkhawm, chu zâwlnei thu chu ngai naw taphawt chu, mi laia inthawk sukbohmang dai nîng an tih,” a ti kha.

THILTHAWHAI 5:39

amiruokchu, Pathien ithaw suok a ni chun anni sukbohmang thei naw ti niu; chuong naw chun, Pathien do ni hlau rawi in tih,” a ta. Chun, a hril chu rem an ti tah a.

HEBRAIHAI 6:17

Chuongchun, Pathienin thu- tiem rohluo dinghai kuoma chun a rêl danglam thei nawzie, nasa nâwk zuola inentir nuomin inkhâmin a sukdet a;