ISAI 45:20 - Pathien Lekhabu Inthieng (BSI)

²⁰ “Inkhawm unla hung ro; hnam tin laia hremna pumpeltuhai, hung hnai seng ta u, an thing milim siem- fâwm chawi hlak a, mi sanhim thei lo pathien kuoma ṭawngṭai hlaktuhai chun hrietna hrim hrim an nei nawh.

ISAI 45:20 ပူးပေါင်းရင်းမြစ်များ

2 CHANCHIN SUINA 25:15

Chuleichun, LALPA lunginsen chu Amazia chunga chun a hung ṭal tah a, a kuoma chun zâwlnei a tir a, a kuomah, “I kuta inthawka an mihai ngei khawm sanhim thei si lo, mipuihai pathienhai chu iengdinga i zawng am a na?” a tih a.

2 CHANCHIN SUINA 28:23

Damaska mihai, ama hung rûntuhai pathienhai chu a biek a, ama chun, “Suria lalhai pathien- haiin anni a ṭhangpui leiin, kei khawm an mi ṭhangpui theina dingin an kuomah inthâwi ka tih,” a ta. Nisienlakhawm, ama sietna le Israel ram sûng po po sietna a ni lem tah a.

INPÂKNA HLABU 115:8

Chuong siemtuhai chu chuong ang bawk chun um an ta, Anih, chuong ringtu taphawthai chu.

ISAI 4:2

Chu ni chun LALPA kâu chu mawitak le ropuitakin um a ta, Israelhai a la damhai ta ding chun hnuoia rahai chu ṭhatak le mawi- takin um a tih.

ISAI 41:21

In thu chu hung hril ro, LALPAIN a tih; pathien in tina san takhai chu hung la suok unla, Jakob- hai Laltak chun a tih.

ISAI 43:9

Hnam tinrêng inkhâwm sienla, mi tin um khâwm raw se; anni laia tuin am hi hi hril thei a, kha hmaa thilhai mîn hriettir thei? Thiem inchangtira an um theina dingin an thu hretuhai chu hung ṭhuoi raw hai se; annawleh, nain hre hai sienla, “Thutak a nih,” ti raw se.

ISAI 44:10

Tuin am pathien chu ân ngîr chai leh? Annawleh, tuin am ienga ṭhahnem chuong lo milim siem fâwm a sung hrim leh?

ISAI 44:9

Milim siem fâwm siemtuhai chu an rêngin boruok el an na; an thil dit zâwnghai ienga ṭhahnem ni naw ni hai; an muolphona ding hrim hrimin anni hrietpuituhai khawmin an hmu thei nawh a, an hriet thei bawk nawh.

ISAI 46:1

Bela chu a lo kûn zing a, Nebo chu a lo insukhnuoi zing bawk a; an milimhai chu ran chunga le sa chunga chun an dawm kai tah a; Milim phurlawna umhai chu phurrik, sa châu ta dinga phurrik an nih.

ISAI 48:14

Nangni rawi po pohai, inkhâwm unla, ngai ro; anni lai chun tuin am hieng thil hi a hril hlak a? LALPA chun ama chu a hmangai a, ama chun Babulon chunga chun a dit zâwng thâwng a ta, a bân chu Kaldaihai chungah inletin um a tih.

ISAI 57:13

I khêk pha chun i lâk khâwmhai chun sanhim raw se che; nisien- lakhawm, anni rawi chu thliin lâng a ta, thuokin lên hmang vawng a tih; kei mi ringtu ruok chun ram hi nei a ta, ka tlâng inthieng hi hluong a tih.

JEREMIA 10:14

Mi tin el chu ngawngtak, hriet- na nei lo an na; rângkachak suttu tinhai khawm chu a milim kera siem lei chun sukzakin a um a; a milim sunghai chu khêlthu ngawt a na, an- nia chun inthuokna a um si nawh a.

JEREMIA 10:5

Leipuia vate ṭi milim ang an na, nisienlakhawm, an ṭawng nawh a; an fe thei naw leiin zâwn an ngai a. Anni chu ṭi naw la, thil suol khawm an thaw thei nawh a, annia chun thil ṭha thawna ding khawm a um bawk nawh.

JEREMIA 10:8

Anni chu ngawngtak le invêt an na, milim inchûktirna chu thing bul el chu a nih.

JEREMIA 48:13

An ringtak Bethel chu Israel sûngkaw ta dinga inzapuium a ni ang khan, Moab chu Kemos chun inzapui a tih.

JEREMIA 48:47

Nisienlakhawm, Moab sal in- tângna chu nakie tieng niahai chun la hung la kîr nâwk ka tih, LALPA chun a tih” tiin. Moab chunga rorêlna chu chuong chen chu a nih.

JEREMIA 50:28

“LALPA ei Pathien phubalâkna a biekin phubalâkna ngei chu Ziona hril ding a nih.

EPHESI 2:12

khâng lai khan Krista boin, Israel khuoletui leh intuolkhat loin, khawvêla hin beiseina hrim nei lo le, Pathien boa umin, tiemna thu- thlunghaia mikhuola in um kha.

EPHESI 2:16

kraws zâra taksa pumkhata pahnihai chu Pathien le ân remtir theina dingin: chu kraws chun intaina chu a sukhlum sih a.