ISAI 45:16 - Pathien Lekhabu Inthieng (BSI)

¹⁶ Muolphotakin um an tih, anih, an rêngin inzaktakin um an tih; milim siemtuhai chu inzaknaa chun lût tâwl an tih.

ISAI 45:16 ပူးပေါင်းရင်းမြစ်များ

INPÂKNA HLABU 97:7

Milim siemfâwmhai rawngbâwl- tuhai po po chu muolphoin um raw se, Milimhai suongtuhai chu: Nangni pathien po pohai, ama chibai bûk ro.

ISAI 41:19

Thlalêra chun sidar thing dâm, sittim thing dâm, inhmui thing dâm, hriek thing dâm phun ka ta; ram ṭâwla chun fâr dâm, phân dâm, fâr- suok dâm phun vawng tâwl ka tih;

ISAI 42:17

Milim siem fâwmhai ring a, milim sunghai kuoma, “Kan pathien in nih,” tituhai chu innghatkîrtirin um an ta, nasatakin muolpho an tih.

ISAI 44:11

Ngai ta, a pâwlpuihai po po chu muolpho an tih; sinthaw mihai khawm mihriem laia mi an nih; an rêngin inkhâwm vawng hai sienla, ngîr raw se; ṭîng an ta, muolpho tâwl an tih.

ISAI 44:9

Milim siem fâwm siemtuhai chu an rêngin boruok el an na; an thil dit zâwnghai ienga ṭhahnem ni naw ni hai; an muolphona ding hrim hrimin anni hrietpuituhai khawmin an hmu thei nawh a, an hriet thei bawk nawh.

ISAI 45:20

“Inkhawm unla hung ro; hnam tin laia hremna pumpeltuhai, hung hnai seng ta u, an thing milim siem- fâwm chawi hlak a, mi sanhim thei lo pathien kuoma ṭawngṭai hlaktuhai chun hrietna hrim hrim an nei nawh.

JEREMIA 48:13

An ringtak Bethel chu Israel sûngkaw ta dinga inzapuium a ni ang khan, Moab chu Kemos chun inzapui a tih.