ISAI 45:14 - Pathien Lekhabu Inthieng (BSI)

¹⁴ LALPA chun hieng ang hin a tih, “Aigupta sininrimhai le, Ethiopia sumdâwng mi le Sabeanhai mi insângtakhai chu in kuom tieng hung an ta; in taah um tâng an tih; nangni chu zui an ti cheu, khaidiet bunin a nih an hung ding chu; chuongchun, bawkkhupin chibai bûk an ti cheu a: ‘Pathien chu nangnia hin a um ngei el, a dang hrim hrim an um nawh, Pathien dang hrim an um nawh,’ tiin in kuomah lunginsiet hnîng an tih,” tiin.

ISAI 45:14 ပူးပေါင်းရင်းမြစ်များ

INṬANNA 27:29

Mi chi tum tumin i rawng bâwl hai sienla, Hnam tum tumin chibai bûk raw hai se che. I unauhai lai lalah um la, I nu nauhaiin chibai bûk raw hai se che. Ṭawngsie inphurtu che taphawt chu ṭawngsephurin um sienla, Malsâwmtu che chu malsâwmin um raw se,” a tih a.

2 SAMUEL 21:20

Chun, Gath khuoah indona a um nâwk a, chutaka chun mi insâng- tak el a kut khingtieng khingtienga kutpâr paruk, a ke khingtieng khingtienga kepâr paruk, a rênga sâwmhni le pali nei hi a um a; ama khawm chu mi liena inthawka pieng a nih.

ESTHER 8:17

Chun, rambung tin le khaw tinah, lal thupêk a tlungna taphawta chun, Judahai chun lâwmna le hlimna an nei a, ni ṭha le ruoiṭhena dâm an nei ta bawk a. Chun, chu rama chi tamtakhai laia mi chu Juda an hung ni ve tah a; an chunga chun Juda mihai ṭitna chu a tlung ta sih a.

JOB LEKHABU (THE BOOK OF JOB) 1:15

Seba mihaiin anni an thawh a, an lâk rip el a; anih, siehlawhai chu kâwlhnâm ngeiin an that a; chuong- chun, nangma hril ding chein kei chau hi ka hung inrel suok a nih,” a ta.

JOB LEKHABU (THE BOOK OF JOB) 11:19

Zâl i ta, tukhawma suklâu bawk naw ni hai che; Anih, mi tamtakin nangma le inremna hung siem an tih.

INPÂKNA HLABU 149:6

Pathien chawimawia inpâkna chu an bauah um sienla, Kâwlhnâm ngeituo an kutah um bawk raw se.

INPÂKNA HLABU 149:8

An lalhai chu khaidieta khuop a, An mi ṭhahai chu thîrkawlhai inbuntir ding le,

FESUOKNA 11:8

Chun, hieng i siehlawhai po po hi ka kuomah hung an ta, ka hmaa bawkkhupin, Nanga zuitu dinghai po po le chun suok ta rawh,’ mi tîng an tih; chun, chu hnunga chun suok tâng ka tih, tiin,” a tih a. Pharao kuoma inthawk chun lunginsentakin a suok tah a.

ISAI 10:33

Ngai ta, Lalpa, Sipaihai LALPA chun, thil râpthlâktakin a kâuhai chu sât thlâng a ta, insângtak takhai chu phûrin um a tih, a dâwk bîkhai khawm chu râwt hnuoiin um a tih.

ISAI 18:1

A thla zâp ri hum hum ram, Ethiopia rama vadungte râla um, tuipuiah, tui chunga luong– lawngahai palaihai tirtu chu!

ISAI 18:7

Chu pha chun sipaihai LALPA hming umna hmun Zion tlânga chun, sipaihai LALPA kuoma pêk dingin mi insâng thler thlawr innâmtakhai kuoma inthawkin, an suok phuta inthawka tu chena mi ṭiumtakhai kuoma inthawk chu, lâwmman hung chawi an tih; chu hnam chun ram an sem hlak a, an sir thlûk bawk hlak a, an ram chu vadunghai chun a semdar a nih.

ISAI 19:21

Chuongchun, LALPA chu Aigupta mihai ihriet ni tâng a ta, Aigupta mihai chun chu nia chun LALPA chu hre tâng an tih; anih, inthawina le thilpêkin chibai bûk an tih, LALPA kuoma chun thu tiem an ta, muolsuo bawk an tih.

ISAI 19:22

Chun, LALPA chun Aigupta mihai chu vuong a ta, sukdam bawk a tih: chuongchun, LALPA kuomah kîr nâwk an ta, ama chu anni ngên thlûk- in um a ta, anni chu sukdam a tih.

ISAI 23:18

Chun, a sum themsuok le a hlaw chu LALPA ta dinga thil inthieng nîng a ta, chu chu inkhâwlin amanih, sie khâwlin amanih um naw nih a; a sum themsuok chu LALPA hmaa umhai ta dingin a ni ding a ni sih a; hnienghnâra an fâk ding le, silfên ropuitak an nei theina dingin.

ISAI 43:3

Kei hi LALPA in Pathien Israel- hai Mi Inthieng, nangni sandamtu ka ni sih a; nangni intlanna dingin Aigupta ram ka pêk a, Ethiopia le Seba ramhai chu nangni aiah ka pêk a.

ISAI 44:8

Inlau naw unla, ṭi bawk naw ro, inhma khan in kuomah ka hrilin kân hriettir ta cheu a ni naw am a nih? Chuongchun, nangni hi a mi hriet- puituhai in nih. Keima naw hi Pathien dang hrim hrim an um am? Lungpui hrim hrim a um nawh, pakhat khawm a um ka hriet nawh,” tiin.

ISAI 45:24

Miin, ‘LALPAA chau felna le hrâtna a um,’ tiin, ka chungthu la hril an tih; ama kuoma mi ngei hung an ta, a chunga lungninawhai po po chu muolphotakin um tâng an tih.

ISAI 49:23

Chun, lalhai chu i nauhai pawmtuhai nîng an ta, an lalnuhai khawm chu i nauhai pawmtunu nîng an tih; anni chun hmaia hnuoi sikin chibai bûk an ti cheh a; i kea pilvut chu liek an tih; chuongchun, kei hi LALPA ka ni hung hre el i tih; a mi nghâktuhai chu muolphoin um naw ni hai.

ISAI 54:3

Changtieng le vawitienga khawm în dar lien ding a ni sih a; chuong- chun, i chithlahai chun hnam tin chu roin hluong an ta, khawpui râusan hnungahai chun mîn umtir nâwk an tih.

ISAI 55:5

Ngai ta, i hriet naw hnam chu ko i ta, nangma hre ngailo hnam chu i kuomah hung tlân an ta; LALPA i Pathien lei le, Israelhai Mi Inthieng lei chun; ama chun a chawimawi si cheh a.

ISAI 60:3

Chuongchun, hnam tin chu i var tieng chun hung an ta, lalhai khawm i hung suok varna tieng chun hung bawk an tih.

ISAI 61:9

Chuongchun, an thlahai chu hnam tin lai chun hriet nîng an ta, an nauhai chu mi tin laia hriet ni bawk an tih; anni hmu taphawt chun LALPA malsâwm chi an nih ti hrieng an tih.

JEREMIA 16:19

Aw LALPA, ka hrâtna le ka kulpui nghet le rinum nia ka himna; leihnuoi tâwphaia inthawk chun hnamhai chu i kuomah hung an ta, “Kan thlatuhai chun khêlhlip chau, teplo le, thil a hlâwkna um dêr lohai chau naw chu iengkhawm an lo rochung nawh a,” hung tîng an tih.

EZEKIEL 23:42

Chun, mipui râwl inhawitihai chu a kuoma chun a um a; chun, mi chi narânhai le chun thlalêra in- thawkin zu inrui mihai chu hung ṭhuoi an na. An kuthaia chun bân- bunhai chu a thuoin an inbuntir a, an luhai chunga chun lallukhum mawi- takhai le chun.

EZEKIEL 31:3

Ngai ta, Assuria chu Lebanona thingkau ṭha tak nei, Buk hlim nei, dung tieng insâng tak a na; A lêrzîk khawm chu kâu inbuk tak laia chun a um a.

JOEL 3:8

In naupasalhai, in naunuhmei- hai chu Juda nauhai kutah zawr ka tih; anni chun hlatakah Seba mihai kuomah anni chu zawr an ta, LALPA chun a ti tah a nih,” tiin.

NAMBAR 13:32

Chuongchun, Israel thlahai kuoma chun an ram hang enthlâk chu, “Ram enthla dinga kan hei fang chu, a sûnga umhai fa zo hmang a na, chun, a umhai kan hmuhai khawm chu mi âwmkhautak tak el an na;

1 KORINTH 14:25

a lungril thurûk chu phawr nîng a ta, chuongchun, bawkkhupin Pathien chibai bûk a ta, Pathien nangni lai a um takzet ti hril a tih.

1 THESSALONIKA 1:9

Nangni laiah ieng ang lawm- lûtna am kan dawng anni ngeiin an inhriettir a; milimhai chu Pathien tienga in nghatsanzie, Pathien hring le indiktak rawng bâwl ding le,

THUPUONGSUO 3:9

Ngai ta, Setan inkhâwmna inhai laia mi, Juda tak ni loa, khêl hrila Juda intihai laia mi chu, ka tir ding a nih, ngai ta, i ke bulah chibai hung inbûktir ka ta, ka hmangai che ti inhriettir bawk ka tih.