ISAI 44:8 - Pathien Lekhabu Inthieng (BSI)

⁸ Inlau naw unla, ṭi bawk naw ro, inhma khan in kuomah ka hrilin kân hriettir ta cheu a ni naw am a nih? Chuongchun, nangni hi a mi hriet- puituhai in nih. Keima naw hi Pathien dang hrim hrim an um am? Lungpui hrim hrim a um nawh, pakhat khawm a um ka hriet nawh,” tiin.

ISAI 44:8 ပူးပေါင်းရင်းမြစ်များ

INṬANNA 46:3

Chun, ama chun, “Kei Pathien, i pa Pathien chu ka nih: Aiguptaa zu fe chu ṭi naw rawh: chutaka chun chi ropuitakah ka siem ding che a nih.

INṬANNA 48:19

Nisienlakhawm, a pa chun a nuom nawh a, “Ka hriet deh, ka naupa, ka hriet, ama khawm hnama hril khawpin um a ta, ama khawm ropui bawk a tih; amiruokchu, a sang hi ama nêkin ropui lem a ta, a thlahai khawm hi chi tum tum tamtak la hung nîng an tih,” a tih a.

2 SAMUEL 22:32

LALPA naw chu tu am Pathien an um? Ei Pathien naw chu tu am lungpui an um a?

EZRA 1:2

“Persia lal Kura chun hieng ang hin a hril, ‘Leihnuoia ram po pohai chu LALPA vâna Pathien chun a mi pêk a; Juda rama Jerusalema chun a ta dinga in bâwl dingin a mi phût bawk a nih.

EZRA 8:22

Lal kuoma chun, “Ama zawng- tuhai chunga chun Pathien kut chu ṭhatna dingin a um a, ama nghat- santuhai po po chunga ruok chun, thilthawtheina le lunginsenna a um a nih,” kan lo ti ta si leiin, lampuia hmêlmahaia inthawka mi ṭhangpui dinga sakawr chung chuong mi le sipai pâwl lal kuoma hni kân zak sih a.

INPÂKNA HLABU 18:31

LALPA naw chu tu am Pathien a um a? Ei Pathien naw chu tu am lungpui a um a?

INPÂKNA HLABU 18:32

Hrâtnaa ka tâia mi khittu le, Ka lampui sukṭha famkimtu Pathien chu.

INPÂKNA HLABU 86:10

Nang chu i ropui a, thilmakhai i thaw bawk hlak sih a, Nangma chau hi Pathien i nih.

ISAI 17:10

Pathien i sandamtu i theinghil a, i hrâtna lungpui chu i hriet zing si nawh a; chuleiin, kûng mawitak takhai i phun hlak a, a sûnga chun kau danglamtak takhai i sunbûr fur hlak a;

ISAI 26:4

LALPA chu kumkhuoin ring ro; LALPA JEHOVAA chun kumkhaw lungpui chu a um sih a.

ISAI 30:29

Chun, zâna ruoiṭhe inthienga an ṭheh a, hla an sak angin hla sak in tih; LALPA tlânga Israelhai Lungpui kuom tlung dinga theihle le an fe laia lungril hlimna an nei angin lungril hlimna khawm nei in tih.

ISAI 41:23

Pathien in nih ti kan hriet theina dingin hi hnunga thil hung tlung dinghai chu hril ro le, anih, kan lunginzîngna ding le kan en sengna dingin, thil ṭha amanih, thil ṭha naw amanih thaw ro le,

ISAI 42:9

Ngai ta u, kha hma thilhai chu a hung tlung tah, thil tharhai ka hril a ni hi; an mâwng hmain an chanchin ka hril cheu a ni hi.

ISAI 43:10

“In mi hriet a, in mi ring a, ama chu ka nih ti in mi hriet theina dingin nangni hi a mi hrietpuituhai in nih; ka siehlaw ka ithlang khawm chu,” LALPAIN a tih, “Ka um hma chun pathien hrim hrim inngîr an um nawh a, ka um hnunga khawm um bawk naw ni hai.

ISAI 43:11

Kei, keima ngei hi, LALPA chu ka nih; keima naw chu sandamtu hrim hrim an um nawh.

ISAI 43:12

Keimain ka hril a, ka sandam a, kân hriettir a, nangni lai khan ram dang pathien hrim hrim an um naw kha; chuleiin, nangni hi ka thu mi hrietpuituhai in nih, LALPAIN a tih, chun, kei chu Pathien ka nih.

ISAI 43:9

Hnam tinrêng inkhâwm sienla, mi tin um khâwm raw se; anni laia tuin am hi hi hril thei a, kha hmaa thilhai mîn hriettir thei? Thiem inchangtira an um theina dingin an thu hretuhai chu hung ṭhuoi raw hai se; annawleh, nain hre hai sienla, “Thutak a nih,” ti raw se.

ISAI 44:2

LALPA nangni siemtu, sula in- thawka nangni inngîrtu, nangni ṭhangpuitu ding chun hieng ang hin a tih, ‘Aw Jakobhai ka siehlawhai, nangni Jesurun ka ithlanghai, ṭi naw ro,’

ISAI 44:6

LALPA Israelhai Lal, an intlantu sipaihai LALPA chun hieng ang hin a tih, “Kei a hmasa tak chu ka na, a nuhnung tak khawm ka nih; keima naw chu Pathien hrim hrim an um nawh.

ISAI 45:19

Inrûkin, ram inthim hmunah thu ka hril ngai nawh a, Jakob thlahai kuomah, ‘Iengkhawm loah mi zawng ro,’ ka ti ngai nawh: kei LALPA hin felna thu ka hril hlak a, thu indiktakhai chu ka hril hlak.

ISAI 46:9

Kha hmaa tienlai thilhai kha hre zing ro; kei hi Pathien ka na, a dang hrim an um si nawh, kei hi Pathien ka nih; keima ang hrim hrim an um nawh:

ISAI 48:3

Kha hma thilhai chu tiena tlângah ka lo hril tah a, anih, ka baua inthawkin a suok a, kân hriettir a; kârloin ka muolsuo thut a, a hung tlung tah a.

ISAI 48:5

tienlaia inthawkin in kuomah ka hril a, a hung tlung hma khawma in kuomah kân hriettir cheu kha; chuong naw chun, “Ka milim chun a ti a nih, ka milim siem fâwm le ka milim sung chun thu a pêk a nih,” ti rawi in tih.

JEREMIA 10:7

Aw hnamhai Laltak, tuin am ṭi nâwng an ti cheh a? Nang chun i phu hrim sih a, hnamhai laia mi var po po lai le, an lalram sûngahai chun, nang- a ang hrim tukhawm an um nawh.

DANIEL 2:28

amiruokchu, vânah Pathien, thurûkhai phuongtu chu a um a, ama chun lal Nebukadnezzar chu ni nuhnunga thil um dinghai chu ân hriettir a nih. I mang le i khum chunga i lua i thil hmulâwkhai chu hienghi an nih:

DANIEL 2:47

Chun, lal chun Daniel chu a dawn a, “Indiktakin, i Pathien chu pathienhai Pathien, lalhai Lalpa, hi thurûk hi i phuong theizie hmu hrim hin, thurûkhai phuongtu chu a ni ngei hi,” a ta.

DANIEL 4:25

chuongchun, mihriem laia in- thawka hnawt hmang nîng i ta, i chêngna chu rama ramsahai lai nîng a tih; chun, bâwngchalhai anga hlo- bet infâktir nîng i ta, vâna inthawka dâidâw chun sukhu ni bawk i tih; chun, hun sarihai chu i chunga chun fe liem a tih; mihriemhai ram chunga hin Achunghnungtak chun ro a rêl a, a nuom nuom kuomah a pêk hlak ti i hriet hmakhat chu.

DANIEL 6:22

Ka Pathien chun a vântirko a hungtir a, sakeibakneihai bau chu a hung sukchîp a, an mi sukna hrim hrim nawh; a hmaa chun keimaa indik nawna um lo chu hmuin a um a; aw lalpa nanga hmaa khawm ieng- khawm ka sukpawi nawh,” a ta.

JOEL 2:27

Chun, Israelhai lai hin ka um ti le, LALPA in Pathien ka na, tu dang khawm an um nawh ti hrieng in tih; ka mihai chu muolpho nâwk ta naw ni hai.

JOHAN 1:1

A tîrin thu a um, Thu chu Pathien kuomah a um, Thu chu Pathien a nih.

JOHAN 10:30

Kei le Pa chu pumkhat kan nih,” tiin a dawn a.

JOHAN 6:10

Chun, Isûn “Mihai chu inṭhung- tir ro,” a ta. Chu hmuna chun hlobet tamtak a um a. Chuongchun, patlinghai chu an ṭhung a; an tamzie chu sâng nga lai an nih.

THILTHAWHAI 1:8

Nisienlakhawm, Thlarau In- thieng chu in chungah a hung tlung pha leh thilthawtheina la nei in tih; chuongchun, Jerusalema dâm, Judai le Samari ram khaw tina dâm, kâwlkawdawng chenin ka thu hretuhai nîng in tih,” a ta.

THILTHAWHAI 14:15

“Puhai, iengdinga hieng thilhai hi in thaw am a na? Keini khawm in nungchang ang put mihriem kan ni hi; hieng thil teplohai hi in nghatsan a, vân hai, hnuoi hai, tuisuoriet hai, an sûnga um po pohai siemtu Pathien hring kuoma chun in hung kawpna dingin Chanchin Ṭha kan hung intlun cheu a ni hi.

DÂN PAHNINA 32:31

An Lungpui chu ei Lungpui ang a ni nawh a, Ei hmêlmahai ngei ngaidân khawma.

DÂN PAHNINA 32:39

“Kei, keima ngei ka ni hre unla, Pathien dang an um nawh; Ka sukhlum hlak a, ka sukhring bawk hlak; Ka sukhliem hlak a, ka sukdam bawk hlak; Ka kuta inthawka mi lapêk thei hrim hrim an um nawh.

DÂN PAHNINA 32:4

“Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.

DÂN PAHNINA 4:35

LALPA chu Pathien a nih ti in hriet theina dingin in kuoma suklang a na; ama naw chu a dang hrim an um nawh.

DÂN PAHNINA 4:39

Chuleiin, tuhin in lungrilah vawng unla, chungtieng vâna le hnuoitieng leihnuoia hin LALPA chu Pathien a nih ti hre ro; a dang hrim an um nawh.

HEBRAIHAI 12:1

Chuongchun, chuong ang lâwma tam, mi thlîrtuhai in- huol vêla ei um leiin, a mi sukhnawk taphawt le suol einia kawp tlat chu sie thla vêng ei ta, ei hmaa intlânsiekna uma hin seltakin tlân pei ei tiu.

1 JOHAN 1:2

(chu hringna chu a hung inlang tah a, kan lo hmuh a, kan inhriettir bawk a, chu chatuon hringna, Pa kuoma um, kan kuoma hung inlang chu, kan hril cheu a ni hi);

1 SAMUEL 2:2

LALPA anga inthieng hi an um nawh; Nangma ang hrim an um si nawh; Ei Pathien ang lungpui hrim a um bawk nawh;