ISAI 44:7 - Pathien Lekhabu Inthieng (BSI)

⁷ Tienlaia mihai ka siem china inthawk tah keima thaw angin tuin am ko a ta, tuin am chuong chu hril a ta? Tlung dinghai le la hung um dinghai chu hril raw se.

ISAI 44:7 ပူးပေါင်းရင်းမြစ်များ

ISAI 19:12

I mi varhai chu khâw lai am? Anni chun hril nghâl raw hai se che; Aigupta ram chunga thil tlung ding, sipaihai LALPA ruothai chu, hre raw se.

ISAI 41:22

Chuong chu inlangtir sienla, thil la hung tlung ding chu kan kuom- ah hril raw se; kan ngaituo theina ding le kan hriet theina dingin, kha hmaa thilhai chu ieng am a ni hril ta u; annawleh, thil la hung tlung dinghai chu mîn hriettir ro,

ISAI 41:23

Pathien in nih ti kan hriet theina dingin hi hnunga thil hung tlung dinghai chu hril ro le, anih, kan lunginzîngna ding le kan en sengna dingin, thil ṭha amanih, thil ṭha naw amanih thaw ro le,

ISAI 41:26

Ka hriet theina dingin tuin am a tira inthawk khan a hril hlak a? “Ama hi ân dik ie,” kan ti theina dingin tuin am a hrillâwk hlak a? Anih, a hril hrim hrim an um nawh, anih, inhriettir hrim hrim an um nawh, anih, in thuhrilhai hi a hrie hrim hrim an um nawh.

ISAI 41:4

A tira inthawkin suon po po koin, tuin am thawh a, thaw zo? Kei LALPA, a hmasa tak le a nuhnung tak kuoma um hi, a thawtu chu ka nih.

ISAI 43:12

Keimain ka hril a, ka sandam a, kân hriettir a, nangni lai khan ram dang pathien hrim hrim an um naw kha; chuleiin, nangni hi ka thu mi hrietpuituhai in nih, LALPAIN a tih, chun, kei chu Pathien ka nih.

ISAI 43:9

Hnam tinrêng inkhâwm sienla, mi tin um khâwm raw se; anni laia tuin am hi hi hril thei a, kha hmaa thilhai mîn hriettir thei? Thiem inchangtira an um theina dingin an thu hretuhai chu hung ṭhuoi raw hai se; annawleh, nain hre hai sienla, “Thutak a nih,” ti raw se.

ISAI 45:21

Hril unla, hung suksuok ro, anih, inrâwn tâwl raw hai se; inhmaa inthawk tah tuin am ân hriettir a? Tienlaia inthawk tah tuin am a hril a? Kei LALPA hin ka thaw a ni naw am a nih? Keima naw chu Pathien dang hrim an um nawh. Keima naw chu a dang hrim an um nawh; Pathien fel le sandamtu ka nih.

THILTHAWHAI 17:26

Chun, hnuoi chung po poa um dingin, bul hmunkhatin hnam tin mi a siem a. An ta dingin hun bihai a ruot a, an umna rihai khawm a khang pêk a;

DÂN PAHNINA 32:8

A Chunghnungtak chun hnamhai ram a pêk laia, Mihriem nauhai a ṭhe lai khan, Hnamhai ramri chu a khang a, Israel thlahai zât ang peiin.