ISAI 44:23 - Pathien Lekhabu Inthieng (BSI)

²³ Aw vânhai, hlimtakin hla sak ro, LALPAIN chu chu a thaw ta sih a; leihnuoi hnuoitienghai, khêk ro, tlânghai, aw ramhnuoi le a sûnga thing um tinrênghai, hla sak suok phut ro: LALPA chun Jakobhai chu ân tlan tah a, Israelhaia chun ân chawimawi ding a ni sih a.

ISAI 44:23 ပူးပေါင်းရင်းမြစ်များ

1 CHANCHIN SUINA 16:31

Vânhai khi lâwmtakin um sienla, hnuoi khawm hi hlimtakin um raw se; Hnam tin lai chun, “LALPA chu lalah a ṭhung a,” ti ro.

1 CHANCHIN SUINA 16:32

Tuisuoriet le a sûnga um po po hi inri hum hum sienla, Lo le a sûnga um po po hi lâwmtakin um raw se.

1 CHANCHIN SUINA 16:33

Chu pha chun ram hnuoia thing po po hi LALPA hmaah hlimin hla sak an tih, Hnuoi ro rêl dingin a hung ding a ni sih a.

INPÂKNA HLABU 148:7

Hnuoia inthawk hin, Nangni drakon le tui inthûk po pohai;

INPÂKNA HLABU 148:9

Tlâng lien le tlâng chîn po pohai, Thing ra nuom hai le, sidar thing po pohai;

INPÂKNA HLABU 65:13

Ran tlatna hmunhai chu ran ruolin a dâpin a dâp a, Ruomhai khawm chu buin ân zâwl hmur a; Hlimin an khêk a, hla an sak bawk a.

INPÂKNA HLABU 69:34

Hnuoi le vân chun ama chu inpâk raw se; Tuisuoriet le an sûnga thil châng thei taphawthai leh.

INPÂKNA HLABU 69:35

Pathienin Zion chu sansuokin, Juda khuohai chu a siem ding a ni sih a, Chuongchun, chutaka chun um an ta, nei nghâl an tih.

INPÂKNA HLABU 89:13

Nang chun bân thilthawtheitak i nei a, I kut chu a hrât a, i kut changtieng chu chawimawiin a um a.

FESUOKNA 18:9

Aigupta mihai kuta inthawka sansuokin, Israelhai chunga LALPAIN thilṭha a thaw po pohai chunga chun Jethro chu a lâwm hleh a.

ISAI 12:5

LALPA chawimawiin hla sak unla, ama chun thil ṭhatakhai chu a lo thaw ta sih a; chu chu hnuoi chunga um po pohaia hin hrietin um raw se.

ISAI 26:15

Hi hnam hi i sukpung tah a, aw LALPA, hi hnam hi i sukpung tah; nang chu chawimawiin i um tah a, hi ram hi a ramri po po chu i suklien tah.

ISAI 43:1

Tu ruok hin chu aw Jakob rawihai, LALPA nangni siemtu le, aw Israel rawihai, nangni inngîr- tirtu chun hieng ang hin a tih, “Ṭi naw ro, kân tlan ta cheu hi; in hmingin ka ko cheu a, ka ta in nih in sawnnaw.

ISAI 43:7

ka hming puthai po le ka ropuina dinga ka isiemhai po chu; anni chu kân ngîr an nih, anni chu ka siem an nih.

ISAI 46:13

chuongchun, ka ropuina Israel- hai ta dingin sandamna chu Ziona chun sieng ka tih.

ISAI 49:13

Aw vânhai, hlimtakin hla sak ro; aw leihnuoi, hlimtakin um rawh; aw tlânghai, hla sak suok phut ro; LALPA chun a mihai chu a thlamuon sih a, a mi rinum tuorhai khawm chu a lunginsiet ding a ni sih a.

ISAI 49:3

chun, ka kuomah, “Nang chu ka siehlaw i na; Israel, chawimawia ka umna ding chu i nih,” a tih a.

ISAI 52:9

Jerusalem hmun se ta hnunghai, hlim suok phut unla, hlimtakin hla sak tâwl ro; LALPA chun a mihai chu a thlamuon ta sih a, Jerusalem chu ân tlan tah a nih.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pea, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, LALPA phunhai ti an ni theina dingin.

JEREMIA 31:11

LALPA chun Jakob chu ama nêka hrât lem kuta inthawk chun ân tlansuokin a sansuok ta sih a.

JEREMIA 51:48

Chun, vân le hnuoi le an sûnga um po pohai chu Babulon chunga lâwm lei chun hla sak an ta; hmâr- tienga inthawkin a kuoma chun suk- setu a hung ding a ni sih a; LALPA chun a tih.

EZEKIEL 35:14

Lalpa PATHIEN chun hieng hin a ti a nih: Leihnuoi pumpui chu a hlim pha chun, nang chu râusanah siem ka ti che.

EZEKIEL 36:1

“Chun, nang mihriem naupa, Israel tlânghai chungah thu hril la, hieng hin hril rawh, Nangni Israel tlânghai, LALPA thu chu hre ro.

EZEKIEL 36:8

Nisienlakhawm, nangni, Aw Israel tlânghai, in kauhai chu in- zâmdawktir in ta, in rahai chu ka mi Israelhai in pêk ding a nih; hung nghâl el ding an ni sih a.

EZEKIEL 39:13

Anih, chu rama mihai po po chun phûm an ta, chawimawia ka um nia chun anni ta ding chun hriet zing tlâk nîng a tih, Lalpa PATHIEN chun a tih.

EPHESI 3:21

chatuonin, suon po po chenin kohrana le Krista Isua chun ropuina um raw se. Amen.

EPHESI 4:9

(Chuongchun, “A hang fe,” ti hi, hnuoi hmun inhnuoitakahai a hung ṭum zet naw chun iengtin am ning a ta?

1 PETER 4:11

Mi tûkhawmin thu a hril chun Pathien thuhai angin hril raw se; mi tûkhawmin rawng a bâwl chun Pathienin hrâtna a pêk ang peiin bâwl raw se; chuongchun, Isu Krista leiin Pathien chu thil iengkimah chawimawiin um thei a tih, ropuina le rorêlna chu chatuona ama ta a ni sih a. Amen.

THUPUONGSUO 12:12

Chuleiin, aw vânhai le a sûnga umhai, lâwm ro! Hnuoi le tuisuoriet, in chung a rik ie! Diebol chun hun tlâwmte chau a nei ti ân hriet leiin lunginsen bêk bêka in kuoma a hung thla ta leiin,” a ti ka hriet a.

THUPUONGSUO 18:20

“Aw vân le nangni mi in- thienghai, tirkohai dâm, zâwlneihai dâm, lâwm ro, ama chun in chunga ro a rêlna chun Pathienin a chungah ro a rêl ve ta hi,” tiin.