ISAI 44:19 - Pathien Lekhabu Inthieng (BSI)

¹⁹ Tukhawma an hriet suok nâwk nawh a, “Ṭhenkhat chu meiah ka ti sih a; anih; a aia khawm bei ka em nghe ngheh a; sa khawm ka rawh a, ka fâk sih a, a mahla chu thil tirdakumah ka siem ding am a nih? Thinga mi bawkkhupin chibai ka bûk ding am a nih? ti dingin annia chun hrietna le hrietthiemna a um bawk nawh.

ISAI 44:19 ပူးပေါင်းရင်းမြစ်များ

DÂN PAHNINA 27:15

“‘Themthiemhai kutsuok LALPA ta dinga tirdakum milim indin fâwm amanih, sung fâwm amanih kawltu taphawt chu ṭawngsephurin um raw se,’ tîng an ta, mipuihai po po chun, ‘Amen’ lo tîng an ta, an lo dawn ding a nih.

1 LALHAI 11:7

Chuongchun, Solomon chun Jerusalem bula tlângah Moab mihai pathien tirdakumtak Kemos ta ding- in le, Ammon mihai pathien tirdak- umtak Molek ta dingin bâwlhmun a lo siem tah a.

1 LALHAI 11:5

Solomon chun Zidon mihai pathiennu Astoreth le Ammon mihai pathien tirdakumtak Milkom chu a lo zui ve tah a.

HOSEA 7:2

An rîtlona po po chu ka hriet zing ti An lungrilin an ngaituo nawh; Tuhin chu an thilthawhai ngeiin a chîm vêl tlat tah a, Ka hmaihma ngeiah an um a nih.

EZEKIEL 40:4

Chu mi chun ka kuomah, “Mihriem naupa, i mithai khan en la, i nahai khan lo ngai bawk la, ka în hmutir dinghai che po po chunga chun i lungril sie rawh; i kuoma kân hmutir theina ding chea hi tienga hung ṭhuoi i ni hrim a; chuongchun, i hmuhai po po chu Israel sûngkuo kuoma chun puong rawh,” a tih a.

ISAI 45:20

“Inkhawm unla hung ro; hnam tin laia hremna pumpeltuhai, hung hnai seng ta u, an thing milim siem- fâwm chawi hlak a, mi sanhim thei lo pathien kuoma ṭawngṭai hlaktuhai chun hrietna hrim hrim an nei nawh.

ISAI 5:13

Chuleiin, ka mihai chu, hrietna an nei naw leiin, sala ṭhuoiin an um tah a; an mi inzâumhai chu an phîng a ṭâm a, an mipuihai chu dangchârin an dang ân hil zo tah a.

2 LALHAI 23:13

Chun, Jerusalem bul sietna tlâng changtieng panga Zidonhai pa- thien tirdakumtak Astoreth ta ding dâm, Moabhai pathien tirdakumtak Kemos ta ding dâm, Ammon thlahai pathien tirdakumtak Milkom ta ding dâm, Israel lal Solomonin bâwlhmun a siemhai chu lal chun a sukbo vawng a.

DÂN PAHNINA 32:46

“Tuta in kuoma ka thu in- hriettira cheu hin, in lungril innghat tlat unla, hieng dân thuhai po po hi fîmkhurtaka zâwm dingin in nauhai chu thu pe ro.

FESUOKNA 7:23

Pharao chu a kîr a, a inah a fe tah a, a lungrilah hi thu hi a ngaituo bawk nawh.

HAGGAI 1:5

Chuleiin, tuhin sipaihai LALPA chun hieng hin a tih, “In lampuihai chu ngaituo ro.

ISAI 46:8

Aw bawsetuhai, chu chu hre zing unla, insukpasal unla, hre suok nâwk ro.

2 LALHAI 23:14

Chun, lungphunhai chu a suk- nâwi vawng a, Aserahai chu a phûrthlûk a, chuong hmunhaia chun mihriem ru a sie tah a.

ISAI 44:18

An hriet nawh a, an ngaituo bawk nawh; ama chun an hmu thei nawna dingin ân sîmtir ta sih a; an hrietthiem nawna dingin an lungril khawm a khârpêk tah a.

ISAI 66:3

Bâwngchal thattu chu mihriem thattu ang a na; berâmtea inthâwitu chu ui rîng suktliektu ang a nih; thilpêk inhlântu chu vawk thisen inhlântu ang a nih; beraw rawtu chu milim malsâwmtu ang a nih, anih, anni lampui chu an thlang tah a, an thil tirdakumahai chun an lungril a lâwm hlak.

HOSEA 4:12

Ka mihai chun an thing an râwn a. An hmawl chun a hril hlak. Nawchizawrna lungril chun a ṭhuoi hmang a, An Pathiena inthawk chun an hur hmang ta sih a.