ISAI 44:18 - Pathien Lekhabu Inthieng (BSI)

¹⁸ An hriet nawh a, an ngaituo bawk nawh; ama chun an hmu thei nawna dingin ân sîmtir ta sih a; an hrietthiem nawna dingin an lungril khawm a khârpêk tah a.

ISAI 44:18 ပူးပေါင်းရင်းမြစ်များ

INPÂKNA HLABU 81:12

Chuongchun, an lungril kâwmaw ang peia um dingin ka thlathlam a, Anni remruot anga an umna dingin.

INPÂKNA HLABU 92:6

Mi mâwl chun hi hi a hriet nawh a; Mi invêtin a hrietthiem bawk nawh:

THUVARHAI 28:5

Mi suol chun rorêlna chu a hrietthiem nawh a, LALPA zawngtuhai ruok chun thil po po an hrietthiem.

ISAI 1:3

Bâwngchal chun a pu a hriet a, sabengtung khawma a pu bupêkna a hriet bawk a, Israelhai ruok chun an hriet si nawh a; ka mihai chun an ngaituo naw a nih,” tiin.

ISAI 26:11

“LALPA, i kut chu pharin a um a, nisienlakhawm, an hmu si nawh; amiruokchu, mihai ta dinga i ṭha- hnemngaina chu hmûng an ta, inzak tâng an tih; anih, nangma dotuhai chu meiin kâng hmang a tih.

ISAI 27:11

A kauhai chu a vuoi pha chun thliekin um a ta, nuhmeihai hung an ta, raw el an tih; hriet theina hrim hrim nei naw mihai an ni sih a; chuleiin, anni siemtu chun anni chu lunginsiet naw nih a, anni inngîrtu chun anni chu a ditin ditsak hrim hrim bawk naw nih.

ISAI 29:10

LALPA chun îmu hêna thlarau chu in chungah a buok a, in mit, zâwlneihai chu, ân sîmtir a; in lu, hmutheituhai chu, ân khum ta sih a.

ISAI 44:19

Tukhawma an hriet suok nâwk nawh a, “Ṭhenkhat chu meiah ka ti sih a; anih; a aia khawm bei ka em nghe ngheh a; sa khawm ka rawh a, ka fâk sih a, a mahla chu thil tirdakumah ka siem ding am a nih? Thinga mi bawkkhupin chibai ka bûk ding am a nih? ti dingin annia chun hrietna le hrietthiemna a um bawk nawh.

ISAI 44:20

Vut chau a fâk hlak a; a lungril hlêma um chun, a hringna ân sanhim thei nawna ding le, ‘Ka kut chang- tieng hin khêl a um naw am a nih?’ a ti thei nawna dingin ama chu ân pêttir tah.

ISAI 44:9

Milim siem fâwm siemtuhai chu an rêngin boruok el an na; an thil dit zâwnghai ienga ṭhahnem ni naw ni hai; an muolphona ding hrim hrimin anni hrietpuituhai khawmin an hmu thei nawh a, an hriet thei bawk nawh.

ISAI 45:20

“Inkhawm unla hung ro; hnam tin laia hremna pumpeltuhai, hung hnai seng ta u, an thing milim siem- fâwm chawi hlak a, mi sanhim thei lo pathien kuoma ṭawngṭai hlaktuhai chun hrietna hrim hrim an nei nawh.

ISAI 56:11

Anih, uihai chu duâmtak an na, huntâwk ti hrim an nei ngai nawh; chuong chu berâm vêngtu thil hre theilohai an na, mâni lampui pei, mâni hlâwkna tieng seng, an ngha vawng tâwl, an rêng elin.

JEREMIA 10:14

Mi tin el chu ngawngtak, hriet- na nei lo an na; rângkachak suttu tinhai khawm chu a milim kera siem lei chun sukzakin a um a; a milim sunghai chu khêlthu ngawt a na, an- nia chun inthuokna a um si nawh a.

JEREMIA 10:8

Anni chu ngawngtak le invêt an na, milim inchûktirna chu thing bul el chu a nih.

JEREMIA 5:21

Aw hrietthiemna boa mi invêt- hai, tuhin hi hi lo ngai ta u; mithai nei sia, hmu lohai, nahai nei sia hre lohai;

JEREMIA 51:17

Mi tin el chu an lo intlaw tah a; hrietna boin an lo um tah a, rângkachak suttu tinhai khawm chu an milim kera siemhai lei chun sukzakin an um tah a, an milim sunghai chu khêlhlip el a ni sih a, annia chun inthuokna khawm a um si nawh a.

EZEKIEL 12:2

“Mihriem naupa, nang sûngkaw hel hmang, hmûna dinga mithai nei sih a, hmu lohai, hrietna dinga nahai nei sih a, hre lohai laia chêng, sûng- kaw hel hmang an ni sih a.

DANIEL 12:10

Mi tamtak chu anni le anni insukthieng an ta, insukvâr an ta, insukthieng an tih; nisienlakhawm, mi khawhlohai chun khawhlotakin thâwng an ta; mi khawhlohai tu- khawmin hrethiem naw ni hai; amiruokchu, a varhai chun hrethiem an tih.

HOSEA 14:9

Tu am vara hieng hi hrethiem thei ding? Tu am var hlea hre thei ding? LALPA lampuihai chu an indik a; Mi indikhai chun an hraw ding a ni sih a; Bawsetuhai ruok chu chutaka chun An insui thlu ding a nih.

MATTHAI 12:34

Rûl thlahai, nangnîn suol zing pumin, iengtin am thu ṭha hril thei in ta? Lungrila sip liem chu bauin a hril hlak in sawnnaw.

JOHAN 5:44

“Nangni inchawimawituo lâwm- hai, iengtin am ring thei in ta? Pathien tak chaua suok chawi- mawina chu in zawng si nawh.

JOHAN 8:43

Iengdinga ka ṭawng umzie in hriet naw am a na? Ka thu hril in ngai phâk naw lei a nih.

THILTHAWHAI 14:16

Chu Pathien chun, tienlaiin hnam tin mâni lampui seng hraw a phal hlak a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:28

Chun, Pathien hriet an nuom naw leiin, thil mawi naw tak tak thaw dinga a dit naw zâwng lungril nei phalin Pathienin a nghatsan tah a;

2 PETER 2:14

mit uirea sip, suol bân thei naw- hai an nei a; mi det nawhai an thlêm thlûk a; inhnar hmang lungril an put a; ṭawngsephur nauhai an nih.