ISAI 44:12 - Pathien Lekhabu Inthieng (BSI)

¹² Thîrsuin hreipui a sut hlak a, meihawla chun a thun lût a, tubau- haiin a sut a, a bân hrâttak chun a sut hlak, anih, a phîng a hung ṭâm a, a tha chu a hung zawi hlak; tui hrim hrim a dâwn nawh a, a châu hlak.

ISAI 44:12 ပူးပေါင်းရင်းမြစ်များ

FESUOKNA 32:4

An kuta inthawk chun a lâk a, kerna hriemhrei hmangin a sungna ding a siem a, bâwngte limah a sung tah a. Anni chun, “Aw Israel, hi hi Aigupta rama inthawka hung ṭhuoi suoktu che i pathien chu a ni hi,” an tih a.

FESUOKNA 32:8

an kuoma thu ka pêka inthawk chun an pêt hmang nghâl el tah a; bâwngte lim sung an insiemfâwm a, an biek a, a kuomah an inthâwi a, ‘Aw Israel, Aigupta rama inthawka ṭhuoi suoktu che i pathien a ni hi,’ an tih a,” tiin.

ISAI 40:19

Mi lim siemfâwm hi, sinthaw mi chun a sung a, rângkachak sut mi chun rângkachakin ân luon a, chu chu ding chun tangka khaidiethai a sungpêk hlak.

ISAI 40:20

Chuong ang thilpêk pe zo loa, pase taluo chun thing hmawn lo ding a thlang hlak; milim siemfâwm, inhnîng lo ding, a ta dinga inngîrtirpêktu ding ama ta dingin a zawng hlak.

HABAKKUK 2:13

En ta u, hnamhai chu teploah anni an insuklungkham a, Chi tinhai chun mei ta dinga sin an inrim hi, Sipaihai LALPAA inthawk ni lo am a nih?

HABAKKUK 2:18

Milem a kera ker, a siemtuin a iker chun Ieng am ṭhangkaina a nei? Milim a sunga sung le khêlhlip inchûktirtu, Milim ṭawng thei nawhai siem a, A siemtuin ama sinthaw nâk nâk a ringzoa hin, Ṭhangkâina ieng am a um a?

ZEKARIA 1:20

Chun, LALPA chun thîrsu pali hi a mîn hmutir a.

DÂN PAHNINA 4:28

Chutaka chun pathien, thing le lunga mihriem isiem, hmu thei hlei lo, fa thei hlei lo, rim khawm hre thei hlei lohai chu bieng in ta.