ISAI 44:11 - Pathien Lekhabu Inthieng (BSI)

¹¹ Ngai ta, a pâwlpuihai po po chu muolpho an tih; sinthaw mihai khawm mihriem laia mi an nih; an rêngin inkhâwm vawng hai sienla, ngîr raw se; ṭîng an ta, muolpho tâwl an tih.

ISAI 44:11 ပူးပေါင်းရင်းမြစ်များ

1 LALHAI 18:40

Chun, Elija chun an kuomah, “Baal zâwlneihai hi man unla, pakhat khawm insuo naw ro,” a ta. Chun, an man a, Elija chun Kison vadunga chun a ṭhuoi thlâk a, chutaka chun a that tâwl a.

INPÂKNA HLABU 97:7

Milim siemfâwmhai rawngbâwl- tuhai po po chu muolphoin um raw se, Milimhai suongtuhai chu: Nangni pathien po pohai, ama chibai bûk ro.

ISAI 1:29

In thingsaisuo dittakhai chu inzâpui tâng an ta, in huon thlanghai lei chun inzaktakin in um ta ding a nih.

ISAI 42:17

Milim siem fâwmhai ring a, milim sunghai kuoma, “Kan pathien in nih,” tituhai chu innghatkîrtirin um an ta, nasatakin muolpho an tih.

ISAI 44:9

Milim siem fâwm siemtuhai chu an rêngin boruok el an na; an thil dit zâwnghai ienga ṭhahnem ni naw ni hai; an muolphona ding hrim hrimin anni hrietpuituhai khawmin an hmu thei nawh a, an hriet thei bawk nawh.

ISAI 45:16

Muolphotakin um an tih, anih, an rêngin inzaktakin um an tih; milim siemtuhai chu inzaknaa chun lût tâwl an tih.

ISAI 65:13

Chuleiin, LALPA Pathien chun hieng ang hin a tih, “Ngai ta u, ka siehlawhai chun fâng an ta, nangni ruok chu phîngṭâmin um in tih: ngai ta u, ka siehlawhai chun dâwn an ta, nangni ruok chu dangchârin um in tih; ngai ta u, ka siehlawhai chu hlim an ta, nangni ruok chu inzak in tih:

JEREMIA 10:14

Mi tin el chu ngawngtak, hriet- na nei lo an na; rângkachak suttu tinhai khawm chu a milim kera siem lei chun sukzakin a um a; a milim sunghai chu khêlthu ngawt a na, an- nia chun inthuokna a um si nawh a.

JEREMIA 51:17

Mi tin el chu an lo intlaw tah a; hrietna boin an lo um tah a, rângkachak suttu tinhai khawm chu an milim kera siemhai lei chun sukzakin an um tah a, an milim sunghai chu khêlhlip el a ni sih a, annia chun inthuokna khawm a um si nawh a.

HOSEA 13:2

Tu khawm hin an suol zuol ta deu deu a, An tangkaruoin milim a sunga sung an insiem fâwm a, Anni ngaidân ang peia milim chu: Chuonghai po po chu themthiemhai kutsuok a ni sa khawmin, Inthâwina inhlântuhai taphawt chun Bâwngtê chu fâwp raw se, an ti hlak.

DÂN PAHNINA 4:28

Chutaka chun pathien, thing le lunga mihriem isiem, hmu thei hlei lo, fa thei hlei lo, rim khawm hre thei hlei lohai chu bieng in ta.