ISAI 43:24 - Pathien Lekhabu Inthieng (BSI)

²⁴ Mafu hrim hrim tangkain in mîn châwkpêk ngai nawh a, in in- thâwina thâuhaiin in mi sukkhawp ngai bawk nawh; in suolna phur sinhai in mîn thawtir lem a, in khaw- hlonahaiin nangnîn in mi suksâwl tah a nih.

ISAI 43:24 ပူးပေါင်းရင်းမြစ်များ

INPÂKNA HLABU 95:10

Kum sâwm li sûng zet chu, chu suonhai chunga chun ka lungninawh a, “An lungrila ngaisuol hmang mi an na, Ka lampuihai khawm an hriet nawh,” ka tih a.

FESUOKNA 30:34

Chun, LALPA chun Mosie kuomah, “Hieng riminhnikhai, stak- te le onikha le galbanam la la; hieng riminhnikhai hi rimtui in- thieng leh bûk intluk seng an ni ding a nih.

FESUOKNA 30:7

Chun, Aronin chu chunga chun thil riminhnik chu râwng a ta, zîng tinin khâwnvarhai chu a chei pha raw hlak a tih.

ISAI 1:14

In thla tharhai le in hunbi nei ruoiṭhehai chu ka lungril chun a theida a nih; ka ta dinga thil hnawk- saktak a nih, tuor ka nghawk tah a nih.

ISAI 1:24

Chuleiin, LALPA, Sipaihai LALPA, Israelhai Mi Hrât chun, hieng ang hin a hril a nih: “A! A mi dotuhai hi sukfithla el ka ta, ka hmêl- mahai chungah phuba lâng ka tih:

ISAI 63:10

Nisienlakhawm, an hel a, a thlarau inthieng chu an suklungngai a; chuleiin, anni do dingin ân let a, ama ngei chun anni chu a thaw tah a.

ISAI 7:13

Chun, ama chun, “Aw David sûnghai, tuhin lo ngai ta u, mihriem suksâwl hi thil chiretekah in ruot a ni maw? Ka Pathien chen khawm suk- sâwl in nuom rawp hi.

JEREMIA 44:22

Thil tirdakum in thawhai lei le, in thilthawhai suol lei chun LALPA chun a tuor pei ta nawh a; vawisûn ni ang chen khawma a ni ang sawn, in ram chu râusan le, maktia um le, ṭawngsekawk, hluotu um lo a lo ni ta kha.

JEREMIA 6:20

Ram hlataka inthawka mafuhai le, Seba-a inthawka berawhai chu ieng kawngroa ka kuoma hung am an ni leh? In pumrawhmang thilinhlân- hai chu pawm a ni nawh a, in in- thâwinahai khawm chu ka ta dingin lâwmum a ni nawh.

EZEKIEL 16:43

I tleirâwl lai nihai kha i hriet zing ta nawh a, amiruokchu, hieng thilhaia hin i mi suklungsen a; chuleiin, ngai ta, kei khawma i nun suol maw chu i lu chungah hung intlungtir ka tih, Lalpa PATHIEN chun a tih; chun, pawrchenahai po po belsain hi khawhlona hi thaw ta naw ti nih.

EZEKIEL 6:9

Chun, nangni laia chuonga suok- hai chun, hnamhai sala ṭhuoia an umnahai laia an um lai chun mi hre zing an ta, an lungril keimaa in- thawka ṭhea um tah, châkna chu ka lo sukkawi ta zie hai le, an mithai an milimhai châktaka an enna le chun; chun, anni an tirdakumna po poa an lo thaw tah, thil ṭha naw ta ding chun an mithmu ngeia chun intirdak an tih.

LEVI DÂN 3:16

Chun, thiempu chun chuonghai chu, riminhnik dingin, mei hmanga thilinhlânin mâichâma chun a raw ding a nih. A thâu po po chu LALPA chanpuol a nih.

LEVI DÂN 4:31

Chun, a thâu po po chu intlanna thilinhlân thâu an lâk angin la vawng a ta; chun, thiempu chun LALPA ta dinga rim inhnikah mâichâma chun a raw ding a nih; chun, thiempu chun intlanna chu siempêk a ta, ngaidam nîng a tih.

AMOS 2:13

Ngai ta u, buphala sip, tawlailîr ichîl angin in hmuna khan nam ka ti cheu.

MALAKI 1:14

Amiruokchu, a berâm ruol lai a chal, tiemkam sa tah neia, LALPA kuoma demuma inthâwi a, hlêmtu chu ṭawngsephurin um raw se: lal ropuitak ka ni sih a, ka hming khawm Jentailhai kuom chena khawm ṭi a um a nih, sipaihai LALPA chun a tih.